هدية العيد 🙈الثالثة وما اخذت استراحة لعيونكم
بس باجر ريست واخذ نفس 🙈ونبلش من الخميس بعد كل يوم بارت ساعه ٤ العصر
بعدني ممعدلة البارت 😘
(صغيرة ال حمدان)
للكاتبة روشان
البارت الثاني والثلاثون
ما ادري بيه شسوة عشگ السمرة
بيها الحرارة تكول لازم جمره
بنية لكن الله ضافلها هواي
وحدة وانوثة انطاها مالت عشرة
سمره وعليها عيون تكتل ياابه
لعوبه ،طفلة،طيبة وحبابة
كد ما رقيقة وحلوة سألوني الناس
هاي التحبها بنية لو لعابة؟
شالت محنة وطيبه ما تتعوض
سمرة وكلبها من الثلج بعد ابيض،
سرى:واني راسي بالكنتور سمعت صوت ورايه
-شتسوين تلعبين بالكنتور بواكة انتي؟؟
سرى: طفرت طفرة احس كل جسمي كمز وانداريت ويا الكمزة ليوره اني شفته واكف وبملابسة العسكرية وصرخت بوجهه وعيوني مفتوحات من الخرعة
شجاااابك !!؟وهو رجع صرخ بوجهي
بشار: اني شجابني لو انتي، شهالگباحة بغرفتي وتكلي شجابك
سرى: كمت امتمت وبداخلي احوص واكول لييش انحطيت بهالموقف خرررب اريد املخ روحي
جاوبته بالكوة مسيطرة على اعصابي
مووو و
بشار : وجعووو شنو متحجين
سرى: جيت اعدل شعري عمة كالت غرفة ندى مقفوله روحي بغرفة بشار
بشار: جذاابة
سرى: حجاها وهو يرفع حاجبة بخباثة واني خزرته وشلت اصبعي وحجيت بتحلف
ديييير بالك تكول جذابة لا والعباس ابتلي بيك
بشار: ههههههه وشلون تبتلين بيه وجججج اوف بوية الله جابج
سرى: حجاها بتحلف. اندار عالباب قفلها وسحب المفتاح خلاه بجيبه ،خلاني اكمز
عززه عززه بشاار شدتسوي ،اندار عليه يضحك
بشار : ارد انتقم وابرد گلبي بيج
سرى : رجعت ليورا واني احس كلبي حيطلع من مكانه حتى لساني وين وين راح احس مجاي اكدر احجي من الخوف
هاي سرى ام لسان الطويل هسه هاي حالتي حتى رجلي كامت اتطكطك من الخوف ،طلعت جرجف والعباس لا احل ولا اربط
كام يتقرب يمي وانا ارجع ليورا ،حجيت وارد ابجي ويا الحجاية
بشااار فدوة افتح الباب فدووة لعينك
بشار: لاه لاه شوف منو جاي يتوسل
سرى: هو كال هيج وانا اتخبلت ورجع لساني ينطلق
وك منووو يخاف اذبحك هنا ومحد يدري انا ماخاف من احد
بشار: بووويه بويه اييي بيني على حقيقتج هو هذا البلادي مالتج
سرى: فكككك الباب يلااااا ،حجيتها بعصبية ،وهو هزلي راسه بكل برود
بشار: لاا
سرى: تفتحها لو اصيح والم امه محمد عليييييك
بشار: اي عادي صيحي وانا اكلهم هي اجتني لغرفتي چا ما تشوفين روحج انتي وين والباب مقفولة علينه
سرى: حجاها بخباثة ،ورديت عليه بحقد ،ايااا جلللللب
بشار : والحسين انتي مو مال احترام شو تعاي
سرى: يممممه شو هذا اجه بسرعه جنت واكفه بصف الميز وعالميز اكو تحفيات وكتب همات
شلت كتاب وشمرته عليه اجه بصدره
لتجيييي ديربالك توصل بشااار كاااافي خباثة،احجي وارجف من الاعصاب
وهو يباوع عليه ويضحك انوب يخبلني اكثثثر ،كلتله
كااافي حباااب والله حرام عليك شمسويتلك انا لاتشلع گلبي
بشاار : ااااخ بويه تكول شمسويتلك ،چا انا اسلم عليج وما تردين ،صار اربع سنين شاعله اهلي شعل وكلما اشوفنج اتخبل واحرك بدمي وجججج انا بنية تشل حااالي ليييش؟!!!
سرى: وانت شدعواااك شعليك مني عسى ما سلمت ابد شكو اهيج مهتم
بشار: ما تنجبين لخاطر محمد ،انا كضيت عمري اكرهنج واتخبل منج وتالي تجين انتي تشيلين خشمج علييي؟؟!! وتخليني ليل نهار حاير بأمرج وجججج خبلتيني الله يخبلج سرررى
أنت تقرأ
صغيرة ال حمدان
Narrativa generaleيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
