طبعاً والله گلبي مجاي يتحمل طلباتكم بحيث متخلوني استمتع بقفلاتي واموت قهر خاصة اليوم ادري القفلة
تموت واني جاي اكتبها گلبي كام يدك مثل الطبل
فهاي تكمله كم سطر بس حتى يبرد قلبكم 🥺
جيلان: وطلعت اريد اقفل الباب ايدي ترجف وكلساع اكول راح يجي ورايه هو ودمه ويجر الباب مني ويلزمني من الرجيف والخوف جاي اخلي المفتاح بالكيلون ووكع من ايدي ووكع گلبي وياه جريته بسرعة قفلت الباب وركضت نزلت نص الدرج
ومن خوفي رجعت صعدت عالباب شفتها مقفوله لو لا
اتاكدرت منها مقفولة ونزلت اركض
كعدت جوه يم الباب البراني ،التلفونات بيدي والدنيا ظلمة والهدوء مرعب كلبي يريد يطلع من صدري من الخوف
لامه رجلي لجسمي وكاعده بالكاع انوب احنا بشهر ال١٢ والدنيا ثلج وملابسي خفيفة ومنا الخوف كمت اطك سن بسن واني ادري بعد كم ساعة يلا يوصل هشام شلون راح يكضن هالساعات واني بهالوضع مادري ،
اباوع للساعة بالتلفون صارت ١٢ ونص وصوت الجلاب من بعيد زاد الرعب بيه ، باوعت للباب الفوك ،حيدر ماله حس لحد الان
واني صافنه عالباب الفوك سمعت دكة الباب الجنت بصفهه
يااا يممه احس روحي طلعت من الفزززة حتى دمعتي طكت
وسمعت صوت من ورا الباب
-جيلاان فتحي اني عمج مروان
فردوس: ولج جيلان يمه انتي هناا؟؟ لتخوفينا
جيلان: طفرت بسرعه ماعرف شلون وكفت على رجلي وفتحت الباب
شفت عمة فردوس بوجهي شمرت روحي بحضنها واني جسمي كله يرجف ،وكلت
عممممة فدوه اخذووني منا والله يكتلني اذا كعد خلصووووني
لمتني بحضنها وحجى عمو مروان
مروان: وينه حيدر ؟!
جيلان: ضربته بعده نايم الجلللب ،عمه وخرتني من حضنها بخوف
فردوس: يمممه ولج شبيييكم ؟ليش ضربتي !!!!
مروان : لا يا الله اخاف صارله شي
جيلان: باوعت لعمة فردوس ودموعي تجري انداريت لعمو ورديتله بخوف ،لا عمو مابي شي شفته عايش
بس اخذوني فدوة قبل ليكعد
مروان: هذا هو عمو لتخافين صعدو بالسيارة
فردوس: والولد شلون!!
مروان: هسه اخوته جايين هشام طالع طاير هو من خابرني كال احنا بالطريق
جيلان: صعدنا ويا عمو وعمه كعدت يمي ليورا ولامتني بحظنها واني الرجفة مجاي تروح مني لحد ما وصلنا لبيتهم جانو نايمين عمتها والجهال كبل اخذتني لغرفتها وعمو مروان بقى جوة ما صعد
فردرس: كلبي راح عليها ومنا بالي يم حيدر اخاف بي شي وماعرف شنو البينهم ووصلهم لهيج مرحلة
جبتلها مي شربتها وهي شويه شويه بدت تفك خوفتها
جيلان: عمة خوما يكدر يجي هنا ؟!
فردوس: لتخافين اصلاً ميندل البيت مجايني ولا مرة
جيلان: اوووف الحمد لله
فردوس: احجيلي يمه شصاير وياكم رح اموت من الخوف والف شغلة براسي ،احجي يبعد عمتج انتي بس بردي گلبي ،لتبقين ساكته
جيلان:هزيتلها راسي واني اتذكر كل يوم وكل تفصيل مؤلم مريت بي وياه ورديتلها بوجع ،،
ااييي عمة راح احجيلج ......
،،،يتبع
ها حبايبي بردت گلبكم لو لا 🥺
على كولة حيدر الجلب ها اني عايلة بشي😂🙈
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
