مساء الخير والصحة والعافية عليكم حبايبي
بعدني ممعدلة البارت 🖤
(صغيرة ال حمدان)
للكاتبة روشان
البارت الثالث والخمسون
على هموم العشك علمنه الكلوب
وعلى حب الصبر مشينه حبنه
تعلمنه الدمع والحزن والنوح
وزرعنه طيب بدروب اليحبنه
و تعلمنه الفرح بجناح الطيور
والك مرسال نهديلك كلبنه
يا محبوبي العشك مو كلمه تنكال
ولا كلمه احبك سهله عدنه
هاي ناس حبها بس بالوجوه
واحنه بلكلب أ خضر عشكنه
.
.
.
جيلان: هذا اكيد سكران لان يجر الكلمه بالكوووة ،وهذال يصيح عليه بس يريد يعرف شجاي يحجي
وهو كلساع ويرجع يهجم على هذال ،لحد ما كال من بين الصياح
-مو اناااا اكتل الحرمة الدزتني عليها ابغداد وهي تجي تكطع علي تعبي وعبالها اسكتلهاااا
انا سنييين صارلي اتحلف بس ارد هنا الا افضحها العاااااااار
جيلان:هو كال هالكلمة واني ايدي الجنت لازمه بيها الباب رخت ،بقت عيوني ترمش بصدمة ،شنو حرمة ؟! شنو كتلها؟!! وبغداد؟!
عيني على هذال الي لازم الرجال من ياخته بقبضه ايده الثنين
وصافن بوجهه بصمت
لحظات من السكوت مرت لحد ما صرخ هذال ودفعه بكل قوته وركعه بالباب وكام يضرب بي بوكسات على وجهه فقد يضرب بي ويصيح
هذال: وك الممممممن كاااااتل المممن المن ؟!!!!!
احجيييي
اضرب بي وهو يرجع يتلازم وياي لحد ما اجه ابوي بعد ما جان واكف بصدمه
رجع جره من ايدي بالكوة وحجى برهبة
عباس: اوووكف بس خل نفهمم شنهي السالفه !!!
هذال: رجعت ليوره منه وكمت احس بضغط على اذني حيل قوي مثل واحد لازم جاكوج وجاي يدك على اذني من جوه
وابويه جره وكفه وكال بصياح
عباس:احجييييي عادددين منين انتتتتت وشهالخريط الكلته ؟!!!
احجي لا والعبااااس اخلي يرجع يسكطك ،
جيلان:احس روحي راح افقد رجلي كامت ترجف بقوة وما جاي تحملني ،اباوع عالمنظر بخوف
لحد ما حجى الرجال الي جان عمره يطلع بنهايه الاربعينات
-انا الدفعت الحرمة من الدرج وكتلتها كبل عشرين سنة ،حرمتك الساقطة الجانت تجي على اختي تسويلها السحورة هي الرادت اكتلها ودزتلي الخبر بيد اختي ،دورت مكانها شهور ومن لكيتها كتلتها وهي بقت سنين تنطيني فلوس حتى اسكت
لحد ما فتت السجن واهي عبالها خلصت مني ،،،بأحلامها والعباااااس الا افضحهاااااا اريد فلووووسييي ،
جيلان:هذا هو ...لهنا وبسسس
ايدي الي رخت هسه وكعت فجأة ورجلي الجنت واكفة عليها بالكوة
هسه صارت مثل الريش الما يحمل حتى الهوى ،وكعت بالكاع على ركبتي وخليت ايدي بالكاع ،احس كلبي وكع ويا وكعتي والدنيا صارت تمشي بطيء وصوت ماكو وصرت اغمض وافتح بهدوء ارد اكعد ،احد يطخني ويكعدني من هالكابوس ،،
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
