(صغيرة ال حمدان)
للكاتبة روشان
ماراجعت البارت طالعة خطار والله وكتبتلكم 🙈🖤
البارت الرابع عشر
وانت ما حنيت بابك ساده
وحتى لو جاسك الشوگ تعانده
اني اعرف الابيض ابد مو دمه حار
ومن صدك طلعت اعصابك بارده
(واقع حال جيلان)
جيلان : لبستني امي وطلعنا وصلت لنص الطريق واتذكرت لطمت على وجهي
جيلان : عزة بعيني شلون نسيت اكول لخالد قبل لا اطلع
الام: ولج ماما انتي بيا حال دشوفي حالج بالكوة سانده روحج ،قابل طالعة تتونسين متسكتين وتمشين لتشلعين كلبي بسوالفج هاي
رحنا للمستوصف فحصتني الدكتورة وسوتلي تحاليل مال فقر دم وماعرف مال شنو بعد
ومن طلعن كالت ماما انتي حامل
شكد جنت افكر بخالد وخايفه من زعله لان طلعت بدون علمه
بس من سمعت هالخبر احس نزلت دمعة الفرحة من عيني ونسيت روحي
صار هواي على زواجنا والله ما رزقنه بطفل بسرعة وهسه احس روحي طايرة من فرحتي بهالخبر لان جنت خايفه اطلع مثل امي لان بقت سنين هواي يلا حملت بيه
فجان هالخبر مو عادي بالنسبة الي واله معنى وطعم جبير بالنسبة الي الف الحمد لله
الام: بالخير عليكم يمه
جيلان : فدوة لعمرج يمة انتي الخير كله
الدكتورة: مبين وحامج قوي وهاي بعدج بالبدايه اكو حالات من الوحام يكضون اول ٤ اشهر بالمستشفيات وعالمغذي لان بسبب الوحام يقل اكلهم ويصير عدهم مضاعفات قويه وهبوط بالضغط والطفل يرادله تغذية باول اشهر
راح اسجلج مقويات تبقين عليهن خلال اشهر حملج
وهذه الحبوب للعبان نفس تاخذيهن قبل الاكل حتى تكدرين تاكلين اعتيادي واذا صار عندج قيئ هذا شي كلش عادي بس المهم لا تكطعين الاكل عالاقل جسمج ياخذ فائدته ويطرح الباقي
جيلان : ان شاء الله دكتورة اشكرج
اخذنا منها الراجيتة واخذنا العلاج وطلعنا
وصلنا للبيت فتحت الباب ودخلت و ورايه امي
اول مفتحت باب الصاله صار خالد بوجهي كاعد عالقنفة ومرجي عكس ايده على رجله وايده جوه وجهه باوعلي بنظرة تخوف وحواجبه رافعهن
بلعت ريك راد يحجي
ودخلت امي ورايه
الام : هلا خالد شلونك عمة شوكت جيت
خالد: رديتلها على اعصابي راني عيني على جيلان الي بقت واكفه بمكانها
الحمدلله عمة صارلي اكثر من نص ساعة هنا
كملت حجايتي وانداريت على جيلان ولو بيدي جان اكلتها بسنوني
وين جنتي خاتون ؟؟
جيلان : رديتله بتوتر
رحنه للمستوصف
خالد: وانا كايل ما تطلعين بدون اذني لو ما كايل ؟
جااوبي
جيلان : ااا اي بس والله نسيت
خالد: اي حقج مو انا سركي هنا مو رجال وما مالي عينج فتنسين
الام: عمة على كيفك وياها قابل راحت تتونس غير جيتها الصبح واتخربطت عليه واخذتها لتكبر الموضوع شو هي شلون جايبتلك خبر حلو ومكيفه لتكسر خاطرها وفرحتها بحبالتها
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
