صغيرة ال حمدان

البارت الرابع والثلاثون

اعذروني غوالي عالتأخير هسه كنكت 🖤
وهم بعدني ممعدله البارت🙈😂كما عودتكم بعدين ارجع اعدلة

(صغيرة ال حمدان)
للكاتبة روشان

البارت الرابع والثلاثون

أنه الدنيا اجتني جروح منها هواي
لا وأصل طبيب ولا اداويها
مو بس طوب
يطب جرووحي 100طوووب
شنو انته شعبالك عود اداويها؟؟
أنه وعيني شكثر ياما كعدنا هواي
مقابيل المرايه اكعد واحاجيها
واكض عيني من أذنها ،،،بحيث تدري شلون
مثل الطفل الزغير انا اوصيها
آكلها دموعج ذهب لا تبجين
بالج ع التنك بدموع تذريها

هذال: محسيت غير هشام جره مني بسرعة
وبشار وعمي برهان فوك راسي يصيحون وانا عيوني من الصدمة مركزه بوجه جواد الصاير جثة وهو جوة ايد هشام شويه وصرخ هشام

عااااييش شيلوو للسيارة بسرررعة،،،

مادري شلون شلت روحي وركضت لا يمكن طرت بس ارد اوصل السيارة خلو جواد ليورا وانا يمه وطلعنا بي بسرعة للمستشفى جواد فاقد بس النفس بالكوة يجرة مثل الغركان
حاط راسة بحضني واكعد بي وهو ماكو لاحس ولانفس گلبي كام يتكطع
جواااااد جواااد فدوه اروح لراسك وك انا ماعولت لكيتك جواد
وك خوووويه لتمووووت بيدي لتموووت ،يالللللله اخذني انا ابداله بعده صغيييير لا تحرك گلبي علييييه ،،فقدت وانا اصيح كمت اضرب على راسي اندار عمي الجان كاعد بالصدر بصف هشام الجان طاير بالسيارة ولزم ايدي وهو يبجي
برهان: كاااافي هذال بسسسك رح نوصل المستشفى كافي يبووويه مووهيج الله موجود كاافي صياح مرح تكعده هيج

هذال: سكتت وانا بداخلي مو بس نار ،بداخلي براكين وحمم صرت ابجي مثل النسوان وك جواد كلشي ولا انت ،انكسر ظهري مرة بخالد لا تجي انت تكسر الباقي منه ،ياارب ارحمنا ولا تلوع گلوبنا عليه
لازم وجهه الي بحضني جواد يبووو الغيرة وك شسوولك شعملو بيك ،صافن على وجهه المليان كدمات ضرب وعلى اثر التيب الجانو لافي على وجهه وكاص وجهه كص
ماعرف شلون وصلنه للمستشفى بهالسرعة ولا ادري شوكت وكفنا وانا صافن بكل تفصيل بوجهه من عيونه الجواهن اسود لو الزراك الي بكل مكان لو شفته الي ازركت محسيت شلون انفتحت البوب وجرو مني بسرعة خلو عالسدية شوكت نزل هشام وصاحهم ماعرف
نزلت بسرعه صار بشار بوجهي الجان سايق سياره هشام ،اصلا مادري هم شجابهم وراي
طببو بسرعة وعمي كالهم جان مخطوف والدكاتره التمت عليه يردون يعرفون وضعه بس اول مشافو صاح واحد منهم
مجاااي يتنفس والنبض جاي يقل دخلو عملياااات بسرعة وسووله صدمات استعجلوووو وشكلوله جهاز التنفس بسرررررعه
بشار لازمني يهدي بيه وانا سمعت الدكتور وصرخته ،دفعته وركضت ورا الدكتور والدكاتره الباقي كبله يركضون لغرفة العمليات
دكتوور شبيييي
-ماكدر احجي وضعيته جداً حرجة ومستعجله
هذال: وصلنه وراه للباب دخل وسدها ردت اشمر روحي وراه للغرفة وجروني ثنين يمكن ممرضين جانو بالباب وهشام ويام بالكوة كعدوني
وانا روحي تلووب ،شنووو مجاي يتنفس ونبضه قليل شنو صدمات ؟؟؟ ولكم فهمووني روحي جاي تطلع وما اكدر اكعد وعمي واكف يمي ويبجي وانا اتكطع رجعت اضرب على راسي
ليييش لييش هيج يصير ويانا ليييش باوعت ليفوك والنفس بالكوة يطلع ،ربيييي فدوة لاسمك عاين وضع اخوي وعزتك وقوتك ما اذى احد هذااا
ما يستاااهل هالنومة والللللله،
ربيييي انت طلعه من هالشدة بجاه نبيييك وال بيته الاطهار
روحي جاي تسحن بيه سحححححن احس الدنيا جاي تنطبك علي مثل الدفتر
بقيت كاعد بمكاني بعدما اسكتت كمت احس كلبي هو يحجي ويتعارك ويملخ بيه من جوة
نص ساعة وانترس المكان ابوي وناصر وكل ولدنا ،
طلع واحد من الدكاترة وركضت عليه انا اول واحد وحجيت بتعب ولهفة