صغيرة ال حمدان

البارت الخامس

مساء الخير حبايبي وهذا بارت حافل لعيونكم
واتفاعلو وياي حتى نكمل الرواية لان منا بدت الاحداث🖤

(صغيرة ال حمدان)
للكاتبة روشان

البارت الخامس

ابوي ـــــــــــ
ابوي اشكد حنون ايفيض وجدان
وابوي اصحابه تتباها ابصفاتــــه
كريم ايجود حتى ابلگمة اعشاه
وقف للناس ناذر كل حياتــــــــــه
اذا يسمع طفل فد يوم جوعان
توگف لگمته ابطارف لهاتـــــــه
من يوگف يصلي اتفيضه الدموع
اوتصير ادموعه سجادة صلاتـه
يشماغه بخت وعگاله شارات
صر اهموم ربعه ابسد عباتــــــه
شريعه تشع امل وشراع بالريح
لجل الناس ناكر دوم ذاتـــــــــه
ماسد باب جوده ابشحة الجود
عنوان الكرم كل ذكرياتــــــه
وابوي الخير بيده
اشيكرم ايزود مثل حري العراق اومي فراته
~~~~~~~~~~~~~~~~~~

خالد:رجعو بيت عمي بليل ،واجتي ببالي فردوس وردت احجي وياها رحتلها للمطبخ
فردوس من تكملين شغل عود تعالي اريد احجي وياج بشي

فردوس :يمممه شتريد اول مره تريدني بشغله هيج

-دكملي وتعالي بلا سوالفج هاي
-يلا هسه حكمل ،راح وراه كملت مواعين العشى ورحت جان بس هو بالصاله ،كعدت يمه
كول يخوي

-انتي تدرين بسمره تحبني ؟
-يااا صدك تحجي ،والله انا هسه سمعت منك ،زين شعرفك ومن شوكت هالحجي شو انا مادري عودين هي صديقتي ليش مكالتلي

-خرررب يومج هو شنو حزورة شدعوة هلكد سألتي
هسه المهم اذا ما تعرفين بعد هسه عرفتي
اليوم هي كالتلي يعني ما كالت احبك بوجهي بس حجينا والكلام بقى يجر وعرفت منها هالشي وانتي تعرفيني انا اعزها بس حالها من حالج

-اي صح يخوي ادري،والله انا ماعرف بيها چا خليتها اشيلك من بالها

-يمعوده تكول من وانا صغيرة حبيتك ،انا اريدج انتي تحاجيها دام هي صديقتج واكيد تفهم منج بس هالمرة تنصحيها
وبعدين منا وجاي من تحاجيها تكطعين طاريي كدامها كلش
ومن تريد تجي هنا تنطيني خبر حتى لا اطلع بوجها ماريد تشوفني واشوفها بعد
حتى هالشي يساعدها تطلعني من راسها،

-ماشي يخوي الي تكوله يصير ،محتاج شي بعد

-لا مشكوره
-عفت خالد وطلعت وانا اضرب اخماس باسداس هاي سميره اعرفها من تريد راده الا تسويها لا راح تسمع مني ولا تاخذ بحجي خالد
وما حجيت هالحجي كدامه ماريد اكدره اكثر مما هو متكدر
بس همات راح احاول وياها
وانتضرت يجي الصبح حتى اروحلهم انا لان باجر يجون امي وابوي وتصير هوسه وانسى
رحتلهم جان محد بالبيت بس هي وعمي

هلا سمره شلونج

-هلا بفردوسه منين طلعت الشمس شعجب مريتيلي

-هيج ردت نسولف لعد منو هنا
-ماكو حد بس انا وابوي ،محمد ومرته يم اهل مرته وعدنان و امي راحو للنجف لبيت خالي من الغبشة