صغيرة ال حمدان

تكملة البارت الثلاثون

اعذروني مامعدله البارت بس ردت انزله الكم قبل لا انام
وهاي البارت الهدية حبايبي وكل عام وانتو بالف خير وربي يخليكم ويحفظكم لاحبابكم ويحفظكم الي اهم شي يا احلى متابعين
هذا اعتبرو تكمله للبارت السابق
ورح نتوقف منا لورا العيد ان شاء الله وحبيت اريحكم بالقفلة حتى لا يبقى بالكم مشغول😘وان شاء الله نتفق على موعد نشر ورا العيد اكيد منبقى على هالوقت انتظرو مني انطيكم خبر 🖤

(صغيرة ال حمدان)
للكاتبة روشان

تكملة البارت الثلاثون

جيلان:وحق كل حرف بالقرآن مو اني والله اطبلك القرآن هسة كمت اريد اجيب القران الجان مخلي عالميز
جان يجرني من ايدي بقوة ورجعني يمه ،

هذال: اووووكفي ،
جيلان: بقيت واكفه واحس عيوني متقبل ترمش من الحسرة البية
عدل كعدته وصار كبالي واني واكفه ولازمني من ذراعي
باوع بعيوني واني شفت عيونه ونزلت الدمعة الجانت واكفتلي بس بدون صوت حتى شهكاتي كمت اكتمهن
هذال: من اجت سرى وجابت طاري مسرة رغم ما انطيتها مجال وجانن الرسايل واللهجة والتفاصيل الي تدل على جيلان ،بس همات بقت الشغلة تحوص بكلبي وارجع واحس نفسي داخل بصراع شصدك الشافته عيوني والسمعتة بذني لو دموعها لو حجي سرى
لحد ما اجت ووكفت كبالي واني شفت شهكاتها لو احس بروحي تطلع ويا كل شهكة وحسرة منها ،
بقيت لازمها من ايدها وهي تباوع بعيوني احسها تدور الامان ،كلتلها
روحي جيبي التلفون من المجر الاول مال ميز

جيلان : رحت جبته وانطيته اله وماعرف شنو يفكر
بقيت واكفه كباله
فتح التلفون الجان قافله ويا ما فتحه وكام الجهاز يطنطن رسالة ورا رسالة

هذال: فتحت الرسايل الي كلهن ،وينج ليش ماكو جاي ادك ومغلق
كتبت رسالة
راح اخابرك هسه ،شويه ورد عليه
-شو هسه شعجب مو اهلج بالبيت
-نايمين واريد احجي وياك
-يلا دكي

هذال: اشرت لجيلان ،تعاي كعدي بصفي
جيلان : كعدت يمه وكال
هذال: راح ادلك واحجي
جيلان : هزيت راسي ودمعت كتله لااا لاا ماحجي والللله ماعرفه

هذال: جيلان سمعي الكلمة بس هالمرة انا مو بمزاجي مخليج تردين ،اسمعي كلام خل نلكه حل
جيلان : بقيت ساكته محجيت شي
هذال: كولي الو واذا سلم ردي بس صوتج عادي بدون بجي اهدي شويه ماشييي؟
جيلان: اييي ، بقيت شويه حسيت روحي جاهزه وكتله يلا
دك وفتح سبيكر وخلاه يمي واني احس ايدي ترجف مكدرت الزم التلفون بقى هو لازمة
انفتح الخط ،واشرلي كال جاوبي
جيلان: كلت الوو
الولد: هلو حبيبتي شلونج
جيلان: باوعت لهذال وكلت ،،الحمد لله وانت
هذال: اسمع الحجي واضغط على سنوني وبالكوة مصبر روحي لحد ما سمعته كال
الولد: الو منو انتي هذا مو صوت جيلان الوو

جيلان : هو كال هيج واني خليت ايدي على وجهي وطكيت بجي احس كل طاقة بيه طلعت بهالبجية هاي
هذال: سديته الخط بسرعه وانا احس بروحي طلعت ويا السمعته وويا بجيتها شسووي هسسسه شسوي اكيييف لنها مو هي لو انقهر واتكطع لن ما صدكتها واذيتها وظلمتها لو اطمممم روحي لن حجي سرى اكيييد صح وهاي سالفة مسرة ااااخ يا ربي ااااخ
مديت ايدي وجريت ايدها من وجها والنار تطلع من صدري
جيلان: حجيت بشهكة ،كتللللك مو اني موو اني والله
هذال: بعد ما اتحمممل اعرف الجاي اسوي غلط بس ناري ونارها ما تطفى الا جريتها لحضني وحصرت راسها بصدري وحجيت بهدوءوانا امسح على شعرها
هسسس كاافي دموع راح اموتن من وراج كاافي يبنية گلبي وجج انا حموت اكثر منج شلون خلوني اصددددك شلون صدكت بنيتي وبت گلبي تسويها