وهذا بارت طويل تعويض لعيونكم 🖤
( صغيرة ال حمدان)
للكاتبة روشان
البارت الحادي عشر
يـگـوللهم
خـير من الله الحِديـثات بس بنـيتي اريـدنها ! 🖤
وتكله
غلينـي ترى آنـه أسوى ..
أسوى تعيشلــي وما تلتفت يمُهـم
أسوى تكـون أليـه وتبتعـد عنهـُم!♥️
خالد: بعد ما طلعت من ابوي رحت عالشارع انتظر مروان اليوم جايني
وصل واستقبلته وهمات جان محمل ما يعرف يجي الا وايده مليانه شكد حجيت وردت وهو ما يسمع الكلمة الا يجيب وياه شغلات من محافظته
لليل من كملنا عشى طلعنه كعدنا بالمزرعة الورا البيت
الهوى يرد الروح رغم جانت ايام صيف تكتل كتل من الحر
بس بليل الجو يبدل والنسمات الباردة تخبل تصير وريحة الحشيش والخضورات المزروعة من عدى روائح الحمضيات التارسة المزرعة وصوت المي الي بالبركة الصغيرة يلالي ويا الهوى والمكان يعمه الهدوء
استغربت هاي اول مرة مروان يكون هيج هادي
صحتة وطخيته بعكس ايدي
شبيك ولك اليوم صاير خوش ادمي وميدب (مؤدب)
شنو معرس
رد مروان بهدوء
مروان : والله شكلي هيج بس كون الله يوفقنا ويهديك عليه
خالد: رفعت حاجبي مستغرب من كلامه الما مفهوم
وهو كمل كلامه
مروان: شوف خالد كل كلمة راح اكولها يشهد عليها الله الواحد الاحد
اني ما بعمري صارلي اخ غيرك ولا عرفت شنو يعني صديق وشداد الظهر الا وياك
والي علقني اكثر بيك هو اهلك وطيب اصلك وملكاكم الي صرت ما اكدر افاركم وهالتشوفه انت كل كم شهر جايكم
عرفت اخلاقكم ونخوتكم والشهامة البيكم من عدى ابوك والناس التحمد بي وبغيرته عالبعيد قبل القريب و وكفاتكم الكل تحجي بيها
خالد:ولك يابوية ههههه من شوكت كمت تحجي حلو انت احد ضاربك على راسك وصاير تلقي خطابات هادفة
مروان: اسكت وخليني اكمل
اني اليوم جيتي مو مثل كل مرة،هالمرة جايك بموضوع لو ينحجي بالتلفون جان حجيته بس ردت اكعد كبالك وجه بوجه واكوله الك
انا اليوم جاي واريد القرب منكم بكريمتك الصغيرة
وانت تعرفني وتعرف اهلي وعيشتي والاهم تعرف اخلاقي جايك وما اتمنى تردني يصاحبي واخوي
خالد: بقيت صافن عليه وصدمني بطلبة لن اول مرة يصادفني اهيج موقف وبقيت ساكت ماعرف شرد
هو مروان يعرف عندي اخت اصغر مني بقت سالفة تجيبني وسالفة توديني بخلال هالصفنة
زين مروان دارس ومهندس شجابة على فردوس واهي يادوب تقرا وتكتب ،،وارجعت قارنت ويا نفسي واكولن شلون الواحد يكدر يربط حياته بوحدة ما شايفها ولا يعرف عنها شي بس مجرد لن اهلها خوش ناس
كتله
انت جاي تطلبها مني لو تاخذ اذن
مروان:يعني بكل الحالات انت اول واحد لازم اكله ،لو تريد اروح لابوك عدل وكبل
خالد: لا حتى اشك حلكك،،زين گلي انت جاي تطلب ايدها بله طلعت اختي بيها نكص او بعيبها شي وانت عايش وشايف ابغداد اشكال البنات
منهو يكول راح ترضى بيها ،انا ما جاي اقلل من قيمة اختي واهي ست البنات كلهن والف رجال يتمنى ظفر منها بس يا خوي انا ماريد اوافق على شي وبعدين توكع اختي بي وتبقى العمر كله عايش وياها ومعيشها بجحيم وتعتبرها غلطة لنها من على مزاجك
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
