صغيرة ال حمدان

البارت الثامن والاربعون

مساء الخير حبايبي
بعدني ممعدلة البارت 🖤وانتظرو بلبل بارت قصير هدية لعيون حبايبي الي يستاهلون
ومن اكول بليل يعني ورى الوحدة بليل 🙈
طبعاً تعرفوني مو من النوع الي اطلب تفاعلكم بكل بارت
بس هالمرة راح اطلب منكم حتى اشوف شكد تحبوني وشكد تحبون الرواية وابطالها 🙈من خلال تفاعلكم وتعليقاتكم ،

(صغيرة ال حمدان)
للكاتبة روشان

البارت الثامن والاربعون

اليحبك مايقهرك
واليحبك مايكسرك شما نصيت يعلي سعرك
واليحبك مايخسرك
واليحبك ماينكرك
واليحبك يرهم حزام على ظهرك
واليحبك يمتثل صدك لامرك
اليحبك مثل ظلك مايعوفك
اليحبك يفهمك يفهم ظروفك
واليحبك مايشوف الناس بس انت يشوفك
اليحبك يبيع عمره ويشتريك
اليحبك يعتنيك
واليريدك يصير دم بنص وريدك
ومو خساره لو ردت تنطيه عمرك
.
.
.
فردوس: بدل وانزل اتعشى ويانا ترى ماكو احد ،بيت عمك ردو لبيتهم وجيلان راحت وياهم ..

هذال: جنت منطيها ظهري وجاي اطلع من المطبخ وهي كالت هيج خلتني اجمد بمكاني ،

فردوس: اتقصدت اكله حتى يعرف من هسه ويبدي يدورها ويحس بغيابها ،بس ما اتوقعته هيج حتكون ردة فعله ،
اندار عليه وحواجبه طابگات واحد بالخ من الخزره ،وحجى بصياح

هذال: وليييييش تروووح وياهم؟!! هاااا

فردوس: رديت عليه بأستغراب وبنفس الوكت ردت احرك دمه عليها ،،ذبيت الجان بيدي وانداريت عدل عليه وحجيت

وانت شعليييك؟!واذا راحت وياهم قابل تريد تحبسها انت لو تريد تحكمها ؟؟!
ترى راحت ويا عمها مو غريب

هذال: اااخ يالله شلون شعلت بيه نار هسه ،وانا ما اريد اصيح واعلي حسي بس تجبرني انفجر ،وانفجرت عليها
اي احكممممها وغصب عالككككل ومن باجر ترجع هنا احسن ما انا اروح واسحلهاااااا.
عفتها ردت اطلع وردت علي

فردوس:مو بكييييفك هذال مو بكيفك ،البنية هجت منك ومن تعاملك وياها وقهرك ،يعني هي تصحى وتفتح من ضيمها تلكى الضيم الاكبر الي هو ضيم گلبها ووجعها بيك
شتريد منهاااا؟؟؟ ها گلي شتريد ؟! انت مو ما تريدها دعيفها ترتاح بعيد عنك وانت همات روح شوف حياتك وارتاح ،ما قصرت وياها انت وامانة عمك كفيت ووفيت وياها بس مو معناها تضل خانكها مثل الطير الي لازمي من رجوله ويگلوله طير لا هو باقي بالقفص ولا هو طاير ،
وبت عمك اختارت تبتعد حتى ترتاح مو گيفك انت تروح وتجبرها ترجع ،

هذال: ابتسمت بوجع من حجيها ورديت ،
هسه انا الطلعت مرتاح يعني؟! لو انا المو خوش ادمي وانا الاذيتها ؟!! وصارت تدور راحتها بعيد عني ؟!

فردوس:محد كال عنك هالحجي ولا يكدر يگوله،انت شايل بت عمك شيل وما قصرت بشي وياها
بس انت فهمني شتريد منها؟! ،ليش تريدها كدام عينك وبنفس الوكت ما رايدها ،ولا تقنعني وتكلي امانة وارد احافظ عليها
چا هياته عمك هم ديحافظ عليها ،
لا تصير اناني تالي عمرك ،هذيج بت عمك كدامك تريدها روح اخذها ما تريدها شيل ايدك منها وعوفها لحياتها
مو بس حاطها كبال عينك وجوه جناحك وبنفس الوكت هاجرها ،هسه لو بس افتهم شرايد انت بهالتصرف چا ارتاحيت ،