مساء الخير غوالي🖤
بالنسبة لموعد النشر اني وضحته قبل فترة وراح ارجع اكول النشر بشكل يومي بس في حال صارتلي ظروف يتاجل النشر وطبعا انطيكم خبر ان شاء الله
وبالنسبة للوقت فهو يكون اما قبل السحور يعني من ساعة ١ وورا او بعد السحور يعني بكل الحالات تكعدون الصبح تلكون البارت موجود
واشكر متابعتكم كلش حبايبي واخليكم ويا البارت
(صغيرة ال حمدان)
للكاتبة روشان
البارت السابع عشر
خالد يكول لجيلان
ردي وياي ردي وياي
محتاجة الشمس من عدنا شربة ماي
لركصلج ركص منعوت اخليها الغجر تحتار وعني تكول متعافي
واتكلب على العاگول كونه يبزز وحافي
واغنيلج غنى الفانوس لو شاف الكمر طافي
وادبچلچ دبچ معدان اوصل الذين لچتافي
يالضميتي شعرج ليش جوة تراب!
وين إنااام !!
صار الليل مو كافي ؟
سلام: خالد ماكو نزلت اجيب مي وصعدت لكيته ماكو
برهان: ولك صدك تحجي !!وين راح اخافن طلع يتمشى
سلام: ماكو صار نص ساعة دورتة بالمستشفى كلها وماكو اله اثر هذا اخوك اتخبل فگد عقلة وهج
برهان: فركت وجهي بحرگة ،استغفرك ربي وين يروح هسه
اخافن رد لبيته
سلام: امشونه نروح ،هو غراضه يمك مو
برهان : اي هاي المفاتيح يمي بس شلون يدخل هو للبيت
سلام : يجوز تلكاه كاعد بالباب بس امشينا هسه
طلعنا بسرعة ورحنا لبيته وهو ماكو يم الباب
فتحت البيت ودخلنا
دورناه ماكو هو
و بعدها الدماية بالكاع وعالدرج
شلون وكعة واكعة اووف يخوي الله يساعد گلبك حتى البيت حيصير جهنم بعينك
حرنا بأمره وين نلكاه ووين راح بهليل هذا
الدنيا كلها كاعدة بييوتها هسه الساعة ١٢ ونص بليل
كعدنا بالهول نفر بروسنا ودايخيين
سلام: ادري اتخبل هذا وين يروح بهليل خوبن جاي يفتر بالشوارع
حجى هذال بكل برود
هذال: خالد راح للنجف
طفرنا على حجايته
برهان: شنو للنجف شمدريك هو كلك رايح؟؟!!
هذال: لا عمي ما كال بس اني اعرفه اصلا تلكي هسه
وصل ونايم على كبرها
برهان: جريت نفس
يسويها اخوي يسويها
سلام: امشينا نروحله كبل لا يموت بوراها شنحصل تالي
برهان : لا سلام انت رد لبيتك تعبت يخوي وضغطك صاعد واحنا من الصبح نطلعله
سلام: شجاي تحجي امشي نطلع لا تعبني
برهان: يخوي كتلك احنا نروح شوف حالك هي بس هبطة المستشفى اكلت من عمرك دهر
احنا نروحله ونجيبه ونجي لا يبقى بالك
سلام: چا انا باقي هنا للصبح واطلع لان ماباقي بيه حيل اسوق بهليل
برهان: اييي بعد احسن ،
هذال : عمي هسه نروحله
برهان : عمي تريد تسويلنا قدر لاخ واحنا صارلنا ٣ ايام النوم نشوفه بالقطارة شلون نطلع هسه
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
