Zawgyi...
Part-2 : Reborn In 1900.______
မိန်းမ သုံးဦးရဲ့စကားသည် အမှန်ကိုပင် ကြောက်လန့်ဖွယ်ရာ အခြေအနေကိုသာပေးစွမ်းလျှက်.. သျှမ် ဘာပြောရမှန်းမသိ နာကျင်နေသော ခေါင်းပင် ပို၍ နာကျင်လာသယောင်..နာကျင်မှုကြောင့် ကိုယ့်ကိုယ်ပြန်ငုံ့ကြည့်လိုက်မှ ပတ်တီးဟုယူစရသော ဝါညစ်ညစ် ပိတ်စကြမ်းများက ခြေရော လက်ရော စီးနှောင်ထားခြင်းခံရလို့...။
"ဟို ကျွန်တော် အခုဘယ်ရောက်နေတာလဲဟင်.."
"ဆရာကြီးရယ်.. ကယ်ပါအုံး.. ကျမ သားလေးက ကျမတို့ကိုမမှတ်မိတော့ဘူးထင်တယ်.. ဟီး အဟင့်အဟင့်.."
ငိုယိုနေသော ဤမိန်းမသားသုံးဦးကြောင့် သျှမ်ကိုယ်တိုင်ပင် အနည်းငယ်ဝမ်းနည်းမိသွားရသည့်အဖြစ်.. ဆေးဆရာကြီးကတော့ စိတ်ညစ်နေဟန်.. ခေါင်း တဗြင်းဗြင်းကုတ်လို့...။
"ဟို.. အရမ်းမငိုပါနဲ့ အန်တီရယ်.. ကျွန်တော်က အန်တီတို့သားနဲ့အရမ်းတူနေလို့ဖြစ်မယ်.. "
" ဟင်.. အန်တီ......!! .. အိုကွယ်.. အမေ့သားလေး... "
" မောင်ငယ်လေးရယ် အဖြစ်ဆိုးလှချည်လား..ဖိုးပြည့်လေးရယ်.."
"အမလေး တစ်ခုဝင်တော့ တစ်ခုထွက်တယ်ဆိုသလို.. မောင်ငယ်လေး စကားပြောနိုင်လို့ ပျော်မယ်ကြံကာရွယ်သေး အခုတော့ မှတ်ဉာဏ်တွေပျောက်ကုန်ပါရော့လား အမေရေ.. မောင်လေးကိုကယ်ပါအုံး.. "
" နေ.. နေကြပါအုံး.. ကျွန်တော်နာမည်က ဖိုး ဖိုးပြည့်.. "
" မောင်လေး တစ်ခုခုသတိရသွားလို့လား အမတို့ကိုမှတ်မိပြီလား.. "
သျှမ် မျက်နှာကလေးရွံ့ကာ ခေါင်းရမ်းမိသည်.. ထို့နောက် စိတ်ခုသွားသည်မို့ မျက်လုံးက အိမ်ပတ်ပတ်လည်အားလိုက်လံကြည့်မိတော့မှ ရှေးဆန်သော အိမ်အပြင်အဆင်.. ကျွန်းသစ်သား ဗီရိုတွေ.. မီးချောင်းမရှိဘဲ ပြောင်သလင်းခါနေသော ခေါင်မိုး၌ အစုလိုက်တည်ရှိနေသော ကျပ်ခိုးတွေကဟိုတွဲလဲ ဒီတွဲလဲ.. ခေါက်တံခါးရွက်တွေသည် အိမ်မျက်နှာဆာ၌ ကျကျနန အိမ်ခေါင်မိုး၌သံချိတ်နှင့်အတူ လှန်တင် ချိတ်တွဲထားသည်။...
YOU ARE READING
Reborn In 1900. S1. {Complete}
RomanceZawgyi.. Rebirth ပုံစံေလးေရးမွာမို႔လို႔ အမွားပါရင္ခြင့္လႊတ္ေပးပါ.. VVက အခုမွ ႀကိဳးစားၿပီးအားထုတ္ေနရတဲ့ Author ေပါက္စေလးပါ.. ေရွ႕မွာလည္း fanfic ေတြေရးထားတာမို႔ အခုကေတာ့ အသြင္မတူတဲ့ ျမန္မာ နာမည္ေလးေတြနဲ႕ဘဲေရးမဲ့ fic ေလးျဖစ္တာေၾကာင့္ ကိုယ့...