Part-25 : Reborn In 1900.
__________
"အမွှေစိန်...."
မိနွယ်ရဲ့စကားလုံးတို့အားအဆုံးထိနားထောင်နေဖို့စိုင်းတည်တ့ံမှာအာရုံရှိမနေတော့ပေ။ အမွှေစိန်ဆိုသည့်နာမ်စားလေးကိုသာပါးစပ်ဖျား၌ရေရွတ်ရင်း မြက်ပင်ရှည်တွေကြားအတင်းဝင်ရောက်တိုးချဲ့ခါဝင်သွားလေတော့သည်။
"သခင်လေး...."
မိနွယ်လည်းဘာလုပ်လို့ဘာကိုင်ရမှန်းမသိ..လက်တွေကလေပေါ်မှာဝဲမြှောက်လိုက်.. ဘေးကဂျော်နီ့လက်မောင်းကိုတဖတ်ဖတ်ရိုက်လိုက်နှင့်...
....
"အမေ့.. ကယ်ကြပါအုံး... အား... သရဲ.. သ .. ရဲ.."
ချုံပင်တွေကြားမမြင်မစမ်း အပြေးတိုးလေတော့ ခန္ဓာကိုယ်တစ်ခုလုံး သစ်ကိုင်းခြောက်နှင့်ဆူးပင်တချို့ရဲ့ထိခိုက်ခြင်းကိုခံရလေသည်။ သျှမ်ဒါကိုအာရုံမထားပါ.. လောလောဆယ်ကတော့ဒီအခြေအနေမှာသူတွေ့ရာအရပ်ကိုသာ ဦးတည်ပြေးဖို့ပါဘဲ...
"ဘုရားတရားသံဃာ.. ဘုရားတရားသံဃာ..အမေ့..! "
အရှိန်မြန်မြန်နဲ့ ခန္ဓာကိုယ်တစ်ပတ်လည်အောင် လှမ်းဆွဲခြင်းခံလိုက်ရသောသျှမ်သည် အာရုံထဲမှာ အေးစက်သောရေခဲဆိုင်ရယ် အခုန်လွန်နေသောနှလုံးသားတစ်စုံရယ် ကတားစီးမရအောင် ကြောက်လန့်ဖွယ်ရာအခြေအနေကိုသာပေးစွမ်းထားဆဲ...
" အား... အား... ကြောက်ပါပြီ။။ ကြောက်ပါပြီ.. နောက်ခိုးပြီးခူးမစားတော့ပါဘူး.. မခြောက်ပါနဲ့တော့.. အီးဟီး..."
ရင်ခွင်ထဲ မျက်စိစုံမှိတ်ခါ ကယောင်ကတမ်းအော်ငိုနေသောထိုကောင်လေးက ယခုအချိန်မှာ ကလေးတယောက်နှင့်မခြားပေ.. စိုင်းတည်တ့ံ သက်ပြင်းကလေးချခါ.. ငိုနေသောထိုကောင်လေးရဲ့ကျောပြင်ကိုခပ်ဖွဖွပွတ်ပေးတော့ တဆက်ဆက်တုန်ပြီးချေွးတွေရွှဲနေတဲ့ထိုခန္ဓာကိုယ်လေးက အနည်းငယ်အရှိန်လျော့သွားသလို...
"ကိုယ်ပါ ကိုယ်ပါ တိတ်.. ကိုယ်ရှိတယ်နော်.. မငိုနဲ့တော့.."
မျက်ရည်အဝိုင်းသားနဲ့မရဲတရဲ မော့ကြည့်လာတဲ့ ကောင်ကလေးရဲ့ မျက်ဝန်းတွေမှာသူ့အား အားကိုးချင်သည့်စိတ်အပြည့်ပါနေသည်ကို စိုင်းတည်တ့ံ မြင်လိုက်ရသည်... တအင့်အင့် အသံထွက်ခါ ငိုကြွေးရင်း ရင်ခွင်ထဲမျက်နှာအပ်လို့ရှိုက်ကြီးတငင်ငိုလေသည်။
YOU ARE READING
Reborn In 1900. S1. {Complete}
RomanceZawgyi.. Rebirth ပုံစံေလးေရးမွာမို႔လို႔ အမွားပါရင္ခြင့္လႊတ္ေပးပါ.. VVက အခုမွ ႀကိဳးစားၿပီးအားထုတ္ေနရတဲ့ Author ေပါက္စေလးပါ.. ေရွ႕မွာလည္း fanfic ေတြေရးထားတာမို႔ အခုကေတာ့ အသြင္မတူတဲ့ ျမန္မာ နာမည္ေလးေတြနဲ႕ဘဲေရးမဲ့ fic ေလးျဖစ္တာေၾကာင့္ ကိုယ့...