Part-16 : Reborn In 1900
__________
ထမင်းဝိုင်းတစ်ခုမှာ မွေးပျံ့သော ဟင်းတွေရယ် ကော့တက်နေတဲ့ဆန်ချောရယ်က ဒါဟာ အထက်တန်းစားလူတွေသာ စားနိုင်သော ထမင်းဝိုင်းပုံစံပင်..
"အမွှေစိန်.. ဟင်းထည့်စားလေ.."
"အဟီး.. ဘာစားရမှန်းမသိဘူး ရှမ်းစာတွေဆိုတော့လေ.."
ဘေးမှာယပ်တောင်ခက်ပေးနေသောအဖွားနန်းစောက ဟင်းတွေအား နာမည်ပြောပြမလို့အရှိန်ယူတုန်းရှိသေး စိုင်းတည်တ့ံက ကြားဖြတ်ခါ ပြောနေခြင်းကြောင့် အဖွားနန်းစောမှာ တအ့ံတဩ
"အဟမ်း.. ဒါကကြက်သားသာကူလုံး.. ဒါက.. တို့ဟူးနွေး.. ဒါကငါးပေါင်းချဉ်စပ်.. ဒါကတော့ပဲပုတ် နဲ့ ဝက်သားချဉ် "
"ဝါး.. ဒါနဲ့လေ ဦးတည် ပန်းကန်ထဲက ဖတ်ရွက်နဲ့ထည့်ထားတဲ့ဝါဝါကြီးကရောဟင်.."
"အဟားဟား.. ဒါကငါးထမင်းနယ်.. စားချင်လို့လား.. "
" ဟုတ် မြည်းကြည့်ချင်တယ်.. "
အဖွားနန်းစော ထပ်မံ၍ အ့ံဩရပြန်ပြီလေ.. ငယ်ငယ်ထဲက ကိုယ့်ပန်းကန်ထဲကထမင်းကို မိဘတွေတောင်အနှိုက်မခံခဲ့တာ အခုတော့ တစိမ်းကလေးတစ်ဦးအား ထမင်းမျှကြွေးသည်တဲ့လား။ မျက်လုံးတွေကိုလက်တွေနဲ့သေချာပွတ်ရင်းကြည့်မိပါသည်။
" အင်း.. ကောင်းသားဘဲ.. စားချင်သေးတယ် ဦးတည်.."
"အဖွားစော ကျွန်တော့်ကို နောက်တစ်ပန်းကန်ထပ်လုပ်ပေးပါ.."
ကိုယ့်ရှေ့ကပန်းကန်ကိုတော့.. ကလေးဆီထိုးပေးရင်း အဖွားစောထမင်းထပ်ပြင်နေတာကိုစောင့်ရသည်..
"ဝက်သားချဉ်နဲ့ရောစားကြည့်.. စားကောင်းတယ်.."
ပန်းကန်ထဲထည့်ပေးလိုက်သော ဝက်သားချဉ် လေး.. စားချင်သဖွယ်ဖြစ်စေသောကြောင့် သျှမ် ပါးစပ်ထဲထည့်လိုက်တော့ ပုဇွန်ချဉ်တို့ငါးချဉ်တို့ထက် ပို၍ တမူထူးစွာစားကောင်းနေသည်..
"အင်း.. အရမ်းကောင်းတယ်.."
ပါးလေးနှစ်ဖတ် ဖောင်းကားနေအောင်စားနေသော ကလေးငယ်သည် မစာမကြေဖြစ်မှာတောင်စိုးရိမ်ရပါသည်.. စိုင်းတည်တ့ံကတော့ထိုကလေးစားနေတာကိုသာ ပြုံးပြုံးလေးကြည့်လို့..
YOU ARE READING
Reborn In 1900. S1. {Complete}
RomanceZawgyi.. Rebirth ပုံစံေလးေရးမွာမို႔လို႔ အမွားပါရင္ခြင့္လႊတ္ေပးပါ.. VVက အခုမွ ႀကိဳးစားၿပီးအားထုတ္ေနရတဲ့ Author ေပါက္စေလးပါ.. ေရွ႕မွာလည္း fanfic ေတြေရးထားတာမို႔ အခုကေတာ့ အသြင္မတူတဲ့ ျမန္မာ နာမည္ေလးေတြနဲ႕ဘဲေရးမဲ့ fic ေလးျဖစ္တာေၾကာင့္ ကိုယ့...