Part-24 : Reborn In 1900
__________
"အမလေး.. ဒါမျိုးက အခန့်မသင့်ရင် ပါးရိုက်တာမျိုးတို့ ဆွဲထိုးတာတို့ခံရနိုင်တယ်..ဟူး..."
ရေရွတ်သံနဲ့အတူ သက်ပြင်းချသံက တွဲလျှက်ပင်.. ကချင်ရိုးရာထည် ချည်လွယ်အိပ်လေးကိုပုခုံးပေါ်မှာချိတ်လျှက် လက်တို့က ရင်ဘက်ပေါ်ဖိကပ်ထားခြင်းခံရလေသည်.. ရင်ထဲတဒုန်းဒုန်းငလျှင်လှုပ်နေသောဒင်းကလည်း အရှိန်မသက်သေးပေ..
ထို့နောက် တိတ်ဆိတ်ခြောက်သွေ့လှသော စာအုပ်န့ံများ ခပ်ထွေးထွေးရောနှောနေတဲ့ စာအုပ်စင်ကြီးများကို တွေ့ရသည်။ ဆယ်ယောက်ထက်မနည်းသော မြန်မာ အမျိုးသား အမျိုးသမီးများသည် ထမိန် ရင်ဖုံး အကျႌတို့နှင့် ယဉ်ယဉ်လေး ထူးခြားနေသည်..။
မမြင်စဖူး ဟိုကြည့်ဒီကြည့် စူးစမ်းမိလေသည်..။ ကောင်းလိုက်တဲ့ အဆောက်အဦကြီး နယ်ချဲ့တို့ ဆောက်လုပ်ထားတဲ့ မြန်မာနိုင်ငံက နိုင်ငံခြားဖြစ် အဆောက်အဦတွေကလည်း ယခင်ကတည်းက တယ်ခမ်းနားတာကိုး.. သျှမ် ခေါင်းလေး တညှိမ့်ညှိမ့်နဲ့ရှေ့ဆက်လာတော့ ဂျော်နီတို့ကိုတွေ့သည်.. သူက လက်ယက်ပြလို့...ကိုယ်လည်း လက်ပြန်ပြရင်း သူတို့အနားချည်းကပ်လိုက်သည်..
အချိန်ဆွဲမနေဘဲ ခြေလှမ်းတို့အား အရှိန်တင်ခါ ထိုနေရာလေးဆီသို့ လျှောက်လှမ်းလာခဲ့မိစဉ်....
"ဒုတ်..."
"အ့..."
ကိုယ့်ခေါင်းနှင့် သူ့ပုခုံးက တန်းတန်းမက်မက်... အရှိန်ပါလေသောကြောင့် အနည်းငယ်တော့ သျှမ့် နှာရိုးနာသွားရလေသည်.. နှာခေါင်းလေးပွတ်ခါ မျက်နှာလေးရှုံ့တွရင်း ပြန်လည်မော့ကြည့်တော့ ကိုယ့်အား အသေအချာစိုက်ကြည့်နေသော လူတယောက်..
ရှည်လျားသော မျက်တောင်တို့က အိကျခါ မျက်စံနက်နက်တို့ပင် ဖုံးကွယ်လုနီးပါး နှာတံစင်းစင်းတစ်လျှောက် မြစ်ဖျားဆုံးရာ နှုတ်ခမ်းခပ်ရဲရဲက မထူမပါးသော ပုံစံအားရည်ညွှန်းပြသည်.. ထင်ပေါ်သောမေးရိုးသည်လည်း စိမ်းမြမြ ပါးသိုင်းမွှေးတို့နှင့်က ကြည့်ကောင်းသည့် အမျိုးသားတွေရဲ့စာရင်းထဲ ပါချင်ပါလိမ့်မည်... ။
YOU ARE READING
Reborn In 1900. S1. {Complete}
RomanceZawgyi.. Rebirth ပုံစံေလးေရးမွာမို႔လို႔ အမွားပါရင္ခြင့္လႊတ္ေပးပါ.. VVက အခုမွ ႀကိဳးစားၿပီးအားထုတ္ေနရတဲ့ Author ေပါက္စေလးပါ.. ေရွ႕မွာလည္း fanfic ေတြေရးထားတာမို႔ အခုကေတာ့ အသြင္မတူတဲ့ ျမန္မာ နာမည္ေလးေတြနဲ႕ဘဲေရးမဲ့ fic ေလးျဖစ္တာေၾကာင့္ ကိုယ့...