قصة بالدارجة المغربية🌹تحت عنوان🌹:#مصير عاشقين🔞

💞📝 بارت 4 📝💞

              

كانت كتصيب زيفها غير سمعاتو أش قال بحال إلا كبيتي عليها ماء بارد دارت عندو بالعرض البطئ و ضحكات واحد ضحكة غبية
نادية: هيهيهيهي مغاديش تقولها ليه ميمتك أنا ياك
أدم هز حاجبو و ضحك ضحكة إستهزاء :مممم أش بالك أميمتي
أحلام غير كتشوف هاد شيطان لي قدامها و كتعلم منو و كتشوف فين أيخرج هاد فيلم
شافت فيه نادية شوفات براءة(عقلتو على شوفة لي دار عمر ف أدم راه نفس شوفة لي دارت فيه دبا نادية 🤣🤣):مغاديش تقولها ليه حيت أنزوج وليدي بلي حبات خاطرو
أدم بتاسم بإنتصار : مممم دبا دويتي أميمتي
نادية: مغاديش تقولها ليه ياك
شاف فيها أدم شوف ديال اطمأنان:أش أنقول ليه ألحنانة
بدا كيرمش فعويناتو
خلاها غير كتبيض فعينيها ملي سمعات عمر لقا سلام ناضت أحلام سلمات عليه حيت كبيلة مخلاش ليها أدم لفرصة
و هي تنطق نادية: ياك نت كبيلة خليتك فصالون أش داك لمحال أعمر
عمر دغيا بدا كيتلون: حبيبتي راه و الله تا كيجيني ملال فدار
أحلام و أدم غير سمعو ديك حبيبتي حبسو ضحكة بزز حيت عرفوه بلعاني دارها باش إسكت نادية
نادية لي فين هي راه غرقات فحوايجها بالحشمة وقفات :أنمشي نجيب ليكم كسكروط
غير خرجات ،أحلام شافت فأدم و أدم شاف فباه و هما يطلقوها بتلاتة بضحكة لي كانو حابسين :ههههههههههه

نرجعو لعند بطلة ديالنا✨♥️
جالس حاج عبد الله و فاطمة فبيت نعاس ساكتين كيتفرجو تا كيطفي حاج تلفازة
شافت فيه فاطمة: مالك أعبد الله من كبيلة و كتبان ليا ماشي تال لهيه
تقاد فالجلسة و شاف فيها : عربي
فاطمة: مال خوك
عبد الله شاف فيها شحااال و هو ينطق: كبيلة كنت جاي من جامع و هو يوقفني
سرح تفكيرو لديك لحضة...
  
   🎬فلاش باك🎬  
عبد الله راجع من جامع تا قرب دار بغا إدخل و هو يعيط ليه خوه عربي دار عندو
عبد الله: نعام أولد ميمتي ياكما خاصك شي حاجة
عربي:هاد ساعة خصاني غير داري
عبد الله مفهموش علاش كيلمح : على أشمن دار ألعربي كدوي
خنزر فيه عربي: لي ساكن فيها
عبد الله لسانو تشلل عليه هضرة تسرطات ليه : كفاش دارك
عربي خرج فيه عينيه : كفاش أش، سمعني مزيان عندك نهار و بغيتك تخويها ليا باغي نكريها
عبد الله مزال مامصدقش عند بالو غير كيضحك معاه: إهديك الله أولد ميمتي ياك هاد دار عاطيك فيها 5 مليون
عربي شرار ولا خارج ليه من عينيه: إمتى أسيدي عطيتيني شي حاجة ماعطيتيني والو ماشفت والو أنا لكنعرف هادي داري و بغيتك بعد غدا تكون خاويها
عبد الله تشلل مسكين عينيه غرغرو أيه غرغرو ماشي حيت ضاعت ليه 5 مليون و لا حيت خاصو إخوي درب لتربا فيه ولا دار لكبر فيها لا غرغرو حيت كيشوف خوه لي من دمو و لحمو و لي ولد مو و باه كيف تصرف معاه و نكرو إذن أش خلا لبراني ياك كيقولو خاوا حدها دنيا إذن فين  هي خاوا لكيدويو عليها
تحكم فراسو بزز و جرب أخر محاولة لا علا و عسى يكون غير كيضحك معاه
عبد الله: ياك أخويا لعربي عطيتها ليك مني مات لمرحوم حيت كنتي على قد حال و معندكش قلت نشريها من عندك هاد ثمن واخا ماتستهلوش
غمض عينيه تلقائيا ملي سمعو قال: إخوي ليك ضراس أنا ما خو حد و زيد عليها عندك شي شهود لي شهدو أنك عطيتيني فيها شي حاجة معندكش إدن بعد غدا بغيت سوارت و سلام عليكم
خلاه فحالة صدمة معرف اش يدير تا من ساروت دار باش إحل تلفات عليه جلس فعتبة ديال دار تا خدا وقت إستوعب فيه أشو وقع عاد دخل
   🎬 اند باك 🎬 

     عبد الله : هادشي لي وقع أش بالك
مسحات عينيها لي دمعو بقوة صدمة: ما عندك أخويا ما دير نجمعو رحيلنا و نمشيو نكريو حيت جا كولشي على غفلة كون غير علمنا نتسلفو و نتكلفو و نشريو دار و إلى اضطرينا نتسلفو من عند بنكة
عبد الله شاف فيها بحدة أول مرة إخنزر فيها هكاك: فاطمة متخلينيش نجرحك بشي كلمة كولشي تا ربا راه من أكبر كبائر
سكت ملي سمع الآذان ديال العشاء تسناه تا سالا و هو ينطق: مهم صافي سدي موضوع و بداي تجمعي فالحوايج قبل ما نتعشاو و داكشي لي غيبقا ليك تال غدا و كمليه باش نمشيو أنا غدا غادي نشوف واحد سمسار إيشوف لينا دار نكريوها نمشي نصلي و نجي
ياله أينوض و هي تشدو
شافت فيه بعينيها لي كيسحرو و مغرغرين بدموع : صافي لي بان ليك الحاج ولكن أشمن بلاصة أنتحولو ليها
حط ليديه على حنيكاتها لي فيهم دموع دوزهم بحنان و قال: من ديما كلقا مشكيل لطريق لي بين محال و دار لذالك كنفضل نكريو فدرب سلطان
شافت فيه ببراءة : لي درتي أنا معاك فيه
باس ليها جبهتها و نطق : الله إرضي عليك
هادشي كامل داز تحت مسامع ديال فارح لكانت غادا لكوزينا تبدا توجد لي صلاد لعشا و هي تسمع هادشي بصدفة، عينيها حمرين بقوة لبكا و حنيكاتها حمرين و لاو مزنگيييين غسلات دغيا وجها و مشات تجري لبيت باش متلاقاش بباها عمرها كانت كتسحاب عمها بهاد قسوة واخا هيا مكتحاكش معاه يعني ماواخدة عليه تا نظرة من غير انه عمها و خاصها تحتارمو إلا أنها تصدمات فيه
مشات لماريو حلات جيهتها و جبدات واحد ظرف كبير شوية و بدات كتحل فيه و هي كترعد هادشي كلو تحت أنظار بدر أما تا صفاء كتلعب گعما مسوقة
ناض و تم قاصدها حط ليديه على راسها غير حسات بيه غمضات عويناتها و ضارت تلاحت عليه عنقاتو بدر خلعاتو معرف مالها كيحاول إبعدها عليه باش إسولها مالها و هي عاد مكتمخشش فيه
بدر : فراح حبيبتي مالكي ماتخلعينيش عليك
كيحاول إبعدها و والو
بدر: هانتي غير طلقي مني راكي أتخنقي
والو وتقول سيدة واش طلقات منو سلم أمرو الله و كأخر محاول نطق
بدر: واش تبغي نطلعو لسطح
غير كمل جملتو حيدات وجها من صدرو و طلعات راسها فيه شافت فيه بعويناتها لبريئين و كتحرك راسها بإيجاب تصدم ملي شاف حالة لي وصلات ليها حنيكاتها ايطرطقو و فمها حمار بقوة مكتعض فيها و نيفها تا هوا حمر
بدا كيمسح ليها فحنيكاتها و نطق: هانتي تسنايني هنا نقولها لماما و نجي واخا
أومأت ليه بإيجاب مشا عند ماماه و فراح واخدة كل تفكيرو خدا منها إذن گعما حكرات عليه حيت تقريبا فيما كيقنطو كيطلعو سطح رجع عندها
بدر : ياله نوضي نطلع
وقفات و هزات ظرف عنقاتو و تسلتو على صفاء حيت الى  شفتهم أتحررها عليهم خرجو و سدو باب دار تمو طالعين فدروج وصلو حل باب سطح و سدو من داخل باش مايدخل عليهم تا حد دخلو لواحد بيت مسدود حاطين فيه سطولة و بيكالات و شي تبقشيش أخرين گلسو على جوج كراطن و شد ليها وجها بين يديه
بدر: مالكي واش شي حد قلقك
فراح دموعها ولاو بحال شتاء حركات راسها بلا
بدر كيمسح ليها دموع: واش بغيتي شي حاجة و الله غير قوليها ليا نشريها ليك كيما كانت

يتبع...✏️