قصة بالدارجة المغربية🌹تحت عنوان🌹:#مصير عاشقين🔞

💞📝 بارت 21 📝💞

يوسف بغا إهضر معاه تا كيشوفو تحرك ياله بغا إتبعو تا كيشوفو تمشا ناحية أحلام و معاها درية خرى
يوسف شاف فدراري: شكون ديك درية
دراري شافو فين كيشوف و بقاو كيشوفو فهاد زين تا كيسمعو دري دوا
دري 2 : هاديك هي درية تاع الديب لي كليت عليها لعصا
أجي تشوفو دراري لي غير سمعو هاد لهضرة و هما يهبطو ريوسهم دغيا ما ناوين على قتلة ديال كلاب
يوسف: وا تيتيزة طاح عليها
تمشا تاهوا ناحيتهم

هي كانت جاية من بعد ما توادعو مع مريم قتلاتها غير أحلام لي تزعطات ليها فياسين طول طريق و هي داوية عليه  تا كتحس بشي حد جرها بجهد من ليديها و تم غادي بيها
أحلام بقات مصدومة كتشوف فخوها جار فراح و باين عليه معصب معرفات مادير بان ليها غير يوسف مشات شدات ليه فليديه و كدوي معاه بصوت باين عليه خوف
أحلام: يوسف دير شي حاجة سيف كيبان معصب أيصدق مهرس درية
يوسف فين هو كيشوف فليديها رطبين لي شادين فيه و كفاش نطقات سميتو لي أول مرة تنطقها بلا خويا بقا غير ساهي تا عودات نطقات
أحلام : يوسف و جري
يوسف شد ليها ليدياتها : متخافيش مغاديش يأديها
أحلام حشمات حسات بإحساس فشكل مي دغيا نفضات إحساسها
أحلام : أوووف علاش كولشي كيقول ليا مغاديش يأديها راه مشتيش كي كان كيخلع
يوسف ساهي فعويناتها: حيت لي كيبغي مكيقدرش يضر لي بغا
أحلام توترات: و باش عرفتيه كيبغيها
يوسف حيد ليديه من ليديها : عمرك شفتي سيف الدين دار هاد لبلان مع شي بنت
أحلام حركات راسها بلا
يوسف : إوى شتي مهم نتي متخافيش غير سيري دخلي لدار
أحلام أومأت ليه براسها و مشات
هو بقا متبع ليها العين تا دخلات

فراح لي ملي تجرات و عرفاتو غير من وشام ديالو صافي بدات كدعي ربها باش إفكها من هاد معماعا لي معرفات راسها كي دارت تا دخلات ليها عيات تجر ليديها مي كان حكمها تا ضراتها ليديها وصلو لواحد درب ضيق ماساكن فيه تاحد و مكيوصلوش ليه ناس كيخافو منو حيت خاوي
دفعها لجيهة حيط حتا حسات بظهرها تهرس شدها من عنقها مزير عليها و شرار كيخرج من عينيه و هضرة دري كتدوز من ودنيه مبغاتش تمحا ليه
سيف الدين : أش هاد تقحب*ين لي كديري فيه أااا
فراح كتحس براسها أتجيف كتجر ليه فليديه باش إحيد بدات كتقمش فيه حتى داز ليه شوية دم مي هو والو واش حاس حتى وعا على راسو عاد طلقها كيف طلقها طاحت على ركابيها كتحاول تنفس بدات كتكحب و تنفس بجهد
تحنى عندها باش إقرب ليها غير بغا إحط ليدو عليها قفزات و وقفات كترعد هو شافها دارت ديك ردة فعل كره راسو جمع ليديه و خبطها مع لحيط تا تجرحات ليه حيت كان حيط لي مقمقم( هههه معرفتش سميتو هداك لي كنا كنجرو فيه لفرشي عرفتوه ياكو)
سيف الدين: وا كانقول لعدو ربك متعصبينيش راني زوين مي إلى خيابيت راك أتكرهي نهار لي عرفتيني فيه
فراح قفزات من خبطة ديال لحيط واخا بقا فيها مي كاتشوف ليديه و مرحمهاش و بغاه إرحمها هي سمعات لهضرتو و مفهماتش أش دارت
فراح بصوت خافت و مغنغن بلبكا: و و ولكن أنا أش درت ؟؟؟
سيف الدين سول راسو هاد سؤال نطق بين نفسو: بصح هي مدارت والو لبسها كان مستور واخا كتبان فورمتها مي هي ساترة راسها هما لي شافو فيها مي هي لي خلاتهم إيشوفوها علاش لبسات بحال هاد لبس لي مبين فرمتها كون لبسات عبايات ميوقعش هكا

سيف الدين  باغي غير سبة باش إنفس من غضب ديالو حيت كيحس بغيرة حرقااتو و بزاااف مكرهش إعور بشار كولو أباش ميشوفوهاش قرب ليها بخطواتو و نضرة برود فوجهو متقوليش هو لي كان منوض هاد قيامة كلها
هي شافتو مقرب و بدات كترجع بلور حتا تحاكات مع لحيط قرب ليها حتى ولاو أنفاسهم مخالطين حط ليدو على خصرها و زير عليها حتى تأوهات و بدات كتبكي فصمت
سيف قرب لودنها و نطق: علاش خارجة بهاد لحوايج عاجبك صدرك
و عاود زير عليها و كمل هضرتو: ولا عاجباك طر*متك
هي كتبكي و كتوجع و مصدومة فنفس لوقت من جرأة ديالو فلهضرة
فراح: أحححح أهيئ هييئئ أنا
بعد عليها تا كيلمح بعض زغيبات خارجين ليها طلق ليها من خصرها و بدا كيدخل ليها فشعرها تا نطق
سيف الدين: و هاد لمرة خارجة لزنقة مضحكيش سمعتي
شد ليها شعرها من لور و زير عليها و عاود نطق: واش سمعتيني أش قلت لقح*بة مك
فراح مسكينة ولات طالبة غير سلاك هزات راسها بإيجاب و عضات على شفايفها من قوة ألم
هو لمحها عضاتهم نطق : قلت ليك متبقايش تعضيهم
يلاه بغا إتلاح على شفايفها تا كيسمع يوسف نطق
يوسف: حرام عليك أصاحبي طلق من درية مدارت والو
سيف الدين شاف فيه شوفات كون كانو قرطاسات كون الله إرحمو نطق بصوت زعزع لحيوط
سيف الدين: يوسف قو*د من حدايا دبا و ديها فكر*ك بيني و بين مرتي
يوسف جاتو غريبة أول مرة إقول على شي وحدة راها مرتو طلع عينيه فليديه لي شاد بيها شعرها و هو يلمح ليديها لي دغيا بانو فيها إمارة هادشي غير شدها لعالم الله خصرها كي غادي يكون
يوسف شاف فيها بشفقة : سيف بلا متخلع درية شوف ليديها كي زرقتيها ليها و شوفها كيفاش خافت منك متخرجش داك الديب قدامها
فراح كتشوف فيوسف بنظرات أمل على الله إقدر إخرجها من هنا
سيف الدين لي شاف ليديها و شافها كفاش كترعد بقات فيه مي غير شافها كتشوف فيوسف نطق : يوسف قو*د قبل منحو*يك
يوسف شاف راسو غير غادي يكحلها على درية قرر إنساحب و يخليهم
فراح لي كانت كتشوف فيه مشا و خلاها ،غمضات عينيها بإستسلام صافي سخفات وعيات لي بغا يدير يدير مبقاتش مسوقة
سيف الدين شافها كيف غمضات عينيها تعصب بغاها تحل عينيها لي كيسطيوه لي غير كيشوفهم كيتحبس فيهم حول عينيه لشفايفها لي لحد الأن مداق ديالهم باقي ففمو حط شفايفو لباردين على شفايفها لي سخانين مدار تا حركة خلاهم هكاك بغا إيشوف ردة فعل ديالها هي لي غير حسات بشفايفو ياله بغات دفعو تا تفكرات لبارح ملي دفعاتو و عضها خافت
كتافات غير باش تحل عينيها لي دازو بدموع دوات بصوت خافت و شفايفها تحركو فوق من شفايفو
فراح: ع ع عفاك مت م متعضنيش
سيف معرفش علاش طلعات معاه سخونية غير حيت حركات شفايفها ماشي تا باستو غمض عينيه ملي شافها غمضات عينيها و بدا كيبوسها بحنية كيهبط إبوس فشفة تحتانية تا كيسالي و يطلع لفوقانية و هي مدايرة تا ردة فعل مي حنية ديالو خلات سخونية طلع معاها بعد من شفايفها بزز و خيط رقيق ديال ريق ديالهم جامع بيناتهم هز صبعو دوزها على شفايفها كيمسح ليها و كيحس بديك عصبية كولها مشات حلات عينيها و حنيكاتها مزنگين بفعل حشمة و تا بكا لي بكات حط جبهتو على جبهتها و نطق
سيف الدين: أاااه منك أفراح علاش كتخليني نخرج على طوعي راه مكانبغيش نخرج داك لوحش لي فلداخل ديالي كنبغيك تشوفي غير سيف علاش كديري هاد خصايل
فراح كتسمع ليه بعدات منو شوية و بدات كتمسح فدموعها و كدوي: أنا مدارت والو كنت غير جاية و نت دير ليا هكا

يتبع...✏️