💥عند فاطمة💥
واقفة فلكوزينة كتحط لمرقة فطبسيل تا كتسمعها نطقات
نادية بعد تردد كبير زعمات: ختي فاطمة
فاطمة : نعام انادية
نادية: ب بصراحة بغيت نهضر معاك فواحد الموضوع
فاطمة بعد ماسالات لحطان تلفتات لعندها و جلسات : الله إسمعنا خبار لخير
نادية: هو بصراحة بغينا نخطبو فراح
سكتات شوية و كملات: لولدي أدم
فاطمة وسعات عينيها بصدمة : كفااااش
💥عند فراح💥
أحلام ناضت كتغسل فوجهها : لا لا ميمكنش
سكتات شوية و خرجات عينيها : لا إسراااء
فراح شافت فيها بتساؤل: ما مال إسراء
أحلام جلسات و حطات راسها على ليديها: إسراء كتبغي أدم إلى صاقت لأخبار تموت ما فيهاش
فراح هاد لمرة هي لي تصدمات: كفااااش
💥قبل ساعات 💥
فرانا بلوطو قدام واحد لقهوة عائلية نزل بلا ميقول ليها والو و مشا لجيهتها حل ليها لباب عاد فاقت من سهوة ديالها
أدم: نزلي
هزات راسها شافت فيه و نزلات سد لباب لوطو و تماشا ناحية لقهوة و هي حداه جلسو فواحد طبلة بقاو ساكتين هي منزلة راسها و هو ساهي فيها ، حطو ليهم داكشي لي بغاو هو دوموندا على قهوة كحلة و هي عصير ديال فريز
جغم من قهوتو و نطق: لباس
إسراء هزات عويناتها و تصطنعات وجه لبرودة: الحمد الله ونت
أدم حاضي ملامحها و عرفها توترات غير من ليديها لي كتفركهم مع بعضياتهم: تانا
إسراء شافت فيه بتساؤل: واخا نعرف لاش جينا لهنا
ادم سكت مدة دقيقة و حاضي ملامح ديالها مبغاش إفلتهم دقيقة : غنتزوج
هي حسات بقلبها تزير عليها و عينيها وساع لبؤبؤ ديالهم و غرغرو زيرات على ليديها و عضات على شفايفها حابسة شهقة لا تخرج ليها و ديك ساعة نزلات راسها
و نطقات بصوت باح : م مبروك
🔥عند فاطمة🔥
فاطمة: واش تغلطتي فلأسماء أنادية
نادية حركات راسها بنفي :لا راه داويا على أدم نيت
فاطمة بعدم تصديق: و ياك كان باغيها سيف الدين و تانتي
نادية ضورات عينيها: وا ممكتابش صدق باغيها أدم و تاهي راه باغاه
فاطمة بصدمة: ف فرااح بغاه
نادية اومأت ليها
فاطمة ناضت من لكورسي: يكون خير واخة مابقيت فاهمة والو مي غدا ندوي معاها و إلى كانت بغاه منزيدكم غير لخير و الإحسن
💔عند فراح💔
فراح: و باش عرفتيها
أحلام كتهز رجليها بتوتر: هي قالتها ليا
فراح عينيها بداو كيدمعو: لا ميمكنش نفرق شي حد على لي كيبغي
سكتات شوية و كملات: وفنفس لوقت ميمكنش منتزوجش بأدم
أحلام شدات ليها فليديها:فراح هانتي عاودي ليا اش واقع باش نقدر نعاونك
فراح اومأت ليها بإيجاب: دبا كنت انا و سيف الدين لفوق عيطات لينا خالتي نادية و حنا نهبطو لعندها
🔥فلاش باك🔥
هبطو لتحت مشاو فتجاه لبيت كيبانو ليهم نادية جالسة هي و عمر كيشربو فأتاي و أدم كيلعب فتيلي ديالو ، دخلو بعد ما لقاو سلام و جلسو
نادية: فراح بنتي كيف بقيتي شوية
فراح دوات بصوت حنين: شوية خالتي شكرا
نادية: هانية ابنتي
سمعو ادم نطق ملي حيد تيلي: لواليد لاش بغيتيني
سيف الدين غير كيشوف اش واقع
عمر اول شوفا ايشوفها غتجي غير فسيف الدين من بعد شاف ففراح و نطق: بنتي فراح بغيت نسولك
فراح شافت فيه بلطف و نطقات: اهاه مرحبا اعمي سول
عمر شاف فسيف الدين و نطق: إلى كتاشفتي باباك الله إرحمو خلا وصاية قبل مايموت واش غطبقيها
فراح ديك ساعة عينيها غرغرو و نطقات بصوت باح: ميمكنش منطبقش اخر طلب لبابا
سيف الدين غير من شوفات عمر عرف كاينة إن فالموضوع و كيتمنى تفكيرو ميكونش صحيح
عمر شاف فيها و نطق: باباك قبل مايموت طلب مني الى كنتي موافقة نزوجك
شاف فأدم و نطق: لولدي أدم
فراح وسعات عينيها بصدمة: ك ك كفاش
أدم وقف ديك ساعة و غوت: واش عارف راسك اش كتقول اعمر
نادية تا هي تصدمات شافت فسيف الدين و نطقات: عمر
عمر شاف فأدم نظرة جدية: انا قلت لي عندي و قرار كيرجع لفراح حيت هي لوافقات غتزوج بيها
رجع شاف ففراح: بنتي واش نتي موافقة
فراح كانت فصدمة مافاقت منها تا سمعات عمر هضر شافت فسيف الدين لقاتو جامد و عينيه حمرييين تقول كلمة وحدة معجباهش إنفاجر
سرطات ريقها و نطقات بتوتر: كون كان بابا حي ماغاديش نرفض ليه شي طلب ولكن ميمكنش نتزوج ب أدم
و قبل متكمل كلامها نطق عمر بجدية و هو واقف يعني هاد هضرة لي غادي يقول مافيهاش نقاش
عمر: نتي غتزوجي بأدم و حنا ليوما اندويو مع ماماك على قبل خطب
و قبل مايكمل هضرتو سمعوه خبط طبلة و نطق بصوت عاالي
سيف الدين: و بربي حتى نقتل لي يقرب ليها سمعتو و بديني و ما أعبد لا تزوجات بشي حد. من غيري
غير سالا هضرتو لي لقاها قدامو يهرسها و يخبط و كلمة وحدة ففمو و لي هي "مستحيل"
🔥اند باك🔥
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
