قصة بالدارجة المغربية🌹تحت عنوان🌹:#مصير عاشقين🔞

💞📝 بارت 108📝💞

هبطات بعد ما سلات لقاتهم كيتسناو فيها خرجو لبنات بعد ما علمو نادية ،خارجين و  شادين فأحلام لي كتعرج تسركلو و هما كيتاقشو و يهضرو فالمواضيع من غير فراح لي ماشي معاهم و طايح عليها لحزن خصوصا ملي قرات ميساج لي جاها فواحد لحظة"جا معاك لباج الحب"
هنا هي تزاد معاها زايد عرفاتو قريب ليها و كيشوفها
أحلام لي جلسوها فكورسي و بداو كيضورو فلمحال ستغلات لفرصة و سيفطات ميساج
بعد مدة دخلو لواحد لقهوة جلسو مجموعين تا كيوصل لفراح ميساج من نفس نمرة
"خرجي لعندي انا قدام لقهوة تخرجي ولا ندخل"
فراح سرطات ريقها ولات كترعد حطات تيلي ديالها فوق طبلة و حيت احلام حداها خداتو بشوية و دارت ليه موداڤيو مابغاتش طفيه ليها فراح بدات كترعد شافت تا عيات و نطقات
فراح بتوتر: لبنات هانا جايا
إسراء بتساؤل: فين غادا
فراح سرطات ريقها و نطقات: راه غير هنا قدام باب ديال لمحال شميت شي ريحة بغيت نشوفها ديالاش هانتوما غير شوفو اش غطلبو و هاني جوج دقايق معاكم
بزز باش خرجات هاد لهضرة من فمها هزات تيليفون و خرجات بزربة قبل ما يعكسو ليها
أحلام هزات تيلي و سيفطات ميساج لنمرة خرى"هاهي خرجات ديرو خدمتكم"
حطات تيليفون و بقاو كيتحدتو شوية كيشوفو دازت 10 دقايق و ما جاتش نطقات أحلام مصطنعة لخوف
أحلام: إسراء فراح تعطلات بزااف ياكما واقع ليها شي حاجة
إسراء شافت فيها اتاكول جنابها نطقات: انخرج نشوف لا ماكاناتش خاصنا نخرجو نشوفوها فين مشات
أحلام اومأت ليها شافتها مشات و هي بقات كتشوف و ساهية
دخلات إسراء و نطقات: ماكيناش قود*ناها صافي ليوم إحو*ينا سيف الدين
أحلام هزات تيلي كتصوني ليها: تيليفونها طافي
دوزات نمرة لسيف الدين و نطقات: انعيط لراجلها يفكها
إسراء غوتات: ويلي قطعي راه يقتلها
أحلام شافت لخط داز بعدات تيلي و نطقات بصوت  واضح: واش من نيتك لبنت ماعرفناها فين زادت و بغيتيني ما نقولهاش لراجلها و الى كانت ميتة فشي قنت و لا مخطوفة خاص سيف الدين يسيق لخبار
سيف الدين غير سمعها اش قالت غوت تا قفزو بجوج: احلااااام فينكم دبا
إسراء كتولو: ويلي على قحب*ة مقطعاتش ليوما يحو*ينا جملة ويلي ويلي
أحلام سرطات ريقها و نطقات: ااا سيف الدين
سيف الدين بغا يجهل: دبا قولي ليا فينكم
أحلام : ح حنا فقهوة ....
ديك ساعة قطع معها و خرج صاعر ماعارفش فين غادا تكون مشات ،ليوما يقتل شي حد ما فيهاش
ركب فلوطو و زاد مكسيري لعندهم ، هما لي غير عرفوه جاي جلسو كيقفقفو
إسراء بخوف: قنعيني راه ما غايجيش
أحلام تنهدات: نكدب
إسراء: تفو الله إنعل اصلي فهاد نهار حتى قررت نخرج معاكم خاصني نعيط لحبي يفكني منو و شوفي ديك ساعة شكون ايفكك
إسراء عيطات لأدم لقاتو ياله ايخرج من لفاك عطاتها ليك ديك ساعة قطع عليها و كسيرا تا هوا معاقلش و بالو غير مع فرااح فين اتكون

سيف الدين وصل لقهوة هبط دخل كيقلب عليهم بعينيه تا كيلمحهم تماشا ناحية ديالهم و عينيه كيخرجو شراار و غيقطرو دم بقوة ما حمرين
سيف الدين وقف عليه كي قباض أرواح: اش وقع بتفصيل تنساو شي حاجة بربي ما نعقل عليكم
إسراء بدات كتفتف مقدراتش تنطق نقزات أحلام لي متبتة راسها من لداخل باش تنجح ليها لخطة و لكن مبينة راسها راه مخلوعة
أحلام: غير تهدن انا نعاود ليك
سيف الدين غوت : وا طلقينا
أحلام: ر راه كنا جالسين ياكا و شوية قا قالت لينا اتخرج غير شوية برى احدا لقهوة و ترجع و و من بعد شفناها تعطلات صونينا ليها لقينا تيلي طافي
سيف الدين صعر بالمعقول عينيه كون كانو قرطاس كون شتت اصل مهم كاملين : وااااش انم انا لزاا*مل بويا مخليها تخرج بوحدها و لا معاااكم اااا
إسراء بان ليها ادم جاي نطقات بزعامة: معانا
سيف الدين مالو تسوق ليها بحالها بحال أحلام تسمع خل ودنيها و ربي كبير: و ادن علاش عدو ربكم مخلينها تخرج بوووحدهااا ااا
أدم جا كيجري و ملامح ديالو كلو خوف: جااات
سيف الدين خنزر فيه و نطق: اااش جابك نت هنا
أدم بعصبية: عيطات ليا إسراء
محال كلو تفرج فيهم أحلام فهاد لحظة غفلاتهم و سيفطات ميساج "طلقوها "