قصة بالدارجة المغربية🌹تحت عنوان🌹:#مصير عاشقين🔞

💞📝 بارت 113📝💞

تماشا ناحية لمراية بغا يهز تريكوه كان حاطو تماك مع هزو لبسو مع شخشخ لمراية حيت شاف فراسو أثار ديال فم نسرين
خرج كيجري بعد ما لبس حوايجو هابط فدروج و كيمسح لعكر ،بانت ليه ياله وصلات لطبقة لتحت شدها من دراعها و دورها ليه و نطق بنبرة حنينة مي عينيه حمرين و عروقو بارزة بأعصاب
سيف الدين: فرااح تيقي بيا راه ما عاقل على والو مي انا متأكد ما قستهاش
فراح مصدومة شافت فيه بحقد و نطقات: طلق مني عافاك
سيف الدين نطق بصوت عالي: فرااااح قلت ليك ما وقع والو
على إثر صوتو خرج كولشي تا من أدم و إسراء لي تاهوما راسهم عاطينهم صدااع
فراح نطقات بجدية لأول مرة و دموعها شلال: كووولشي اسيف الدين نسمح ليك عليه الى خيانة سمعتي الى خيانة
هنا كولشي تصدمو من كلام لي سمعو مي شهقو كتر ملي شافو نسرين نازلة و فرحانة جاية تفرج
سيف الدين نطق بلغواات: وااا ماخنتكش كتسمعي مستحييل نخونك
فراح تنترات منو و نطقات بصوت مجروح و دموعها مزگاوش: لا ماخنتينيش غير لقيتك مع وحدة خرى فداري و وسط فراشي ياكما خاصني تانشوفكم بجوج عاد تسمى خيانة أوكي طلعو ديرو إعادة باش نتفرج
سيف الدين هز ليديه تال فوق و بغا ينزل عليها: فراااااح سكتيييي
فراح غمضات عينيها بحزن و نطقات ببراءة لي مخلطة مع إنكسار: ضربني اش كتسنى ضربني اصلا هادشي لي كتعرف دير غير تغوت عليا و تحكم فيا
سيف الدين بانو ليه واحد لكراسة نزل عليهم كيشتت فيهم كلهم و نطق: و راااني ماعاقل على والو سمعتي انا ماخنتكش افراح
كولشي كيتفرج و مصدوم ما فاهمين والو من غير فراح وسيف الدين و نسرين و أحلام لي هاد أخيرة دموعها شلال شافت حال خوها و شافت تا وجه فرااح لي ولا حمررر بلبكا ماتحملاتش و ياله اتنطق باش توضح كولشي و لكن حلات فمها ملي سمعاتها نطقات
فراح ولات بحال شي جماد كتحس بقلبها تعصر عليها كون غير جا قال ليها انتزوج عليك و مغاديش إضرها قلبها قد دبا ملي حصلاتو كيخونها حسات بيه طعنها فقلبها و انوتها و تقتها كولشي، جمعات ما تبقا ليها من كرامة و نطقات
فراح: انا وياك سالينا سمعتي من ليوم مابقيتي راجلي ما بقيت مرتك بغيت طلاقي اولد ناس
سيف الدين مع سلات كلامها كان واقف عليها كينهج وحش لي واقف قدامها ماشي إنسان شدها من عنقها زير عليها تا كانت اتموت ليه بين ليديه و نطق بصوت كيخلع بحال الى سكنو شي جن
سيف الدين: ااا اش قلتي بغيتي طلاق هو لي عمرك تحلمي بيه شفتي لموت تحلمي بيها و طلاق لا
غير شافو فراح كتجيف و هو حمررر و ماكايبان ليه والو ديك ساعة جاو كيجريو أدم فاق من صدمة بلا سلام بلا كلام نزل على سيف الدين لكرش تا زواه و طلق من فراح لي طاحت لأرض و بدات كتبكي و تكحب شافت لموت بعينيها جا أدم كيحاول يوقفها إسراء جابت ليها لماء دغيا شربوه ليها و سيف الدين كيمشي و يجي ما بانت ليه غير أخت فلبلان مشا لعندها و نزل عليها بتصرفيقة تا داز ليها دم من نيفها شدها و قجها نطق بصوت عاليي
سيف الدين: اش وصل لقحب*ة مك لبيتي ااا هضري اش هاد تقحب*ين نطقي
جا عمر بدا كيجر فيه تا فكها من بين ليديه سيف الدين شاف ففراح بانت ليه كترعد و تبكيي شوية و طيح ما فيهاش وقف عليها ملي شاف أدم وقفها وتم مخرجها جا بغا يجرها و وقف قدامو أدم لي تاهوا كانو عينيه حمريين و كيترعد
أدم: بربي وتقيسها ما نت خويا ما انا خوك دريا بغات طلاق طلقها ما كاين لاش تبقا معاها و نت كتخونها
سيف الدين عطاه لكمة لوجه غفلو و رجع عطاه تانية و زادو تالتة و هو كينطق: واكفاش ازوا*مل كتقولو ليا طلقها والله إنعل لقحا*ب لي حطكم اولاد لقحا*ب و راني ما خنتهاش واش باغين تجهلو اصل جد ملت مي فهاد نهاار ااا
أحلام بقا ليها شوية و طيح كتشوف راسها و بسبابها خوتها ايوليو اعداء و لي متأكدة منو واحد فسبيطار و لاخور لحبس
سيف الدين وقف ملي سمعها نطقات
نادية: راني ساخطة عليك اولد كرشي لا زدتي ضربتيه و لا ما تفرقتيش منو
سيف الدين جمع قبضة ليديه و نزل على لحيط : وااااااااع
فراح هبطات لعند أدم و هي كتمسح دموعها كتشوفو لقاتو مجروح من وجهو و فمو بسباب خاتم ديال ذيب بدات كتمسح ليه و تبكي
فراح: سمح ليا انا سباب عافاك
أدم كيشوف فيها و نطق بحب: متأكدة راه خانك
فراح شافت فيه و هزات وجها بإيجاب و نطقات و هي كتشهق: شفتهم فلفراش بجوج ا أدم
أدم نطق بجدية: ادن حلال عليك اختي تخرجي دب سيري و كوني هانية و على حسابي طلاقك يوصلك
فراح شهقات، فهاد لحظة فراه ماتت ولكن مضراتهاش كلمة طلاق بحال ملي شافت خيانة ديالو بين عينيها و قفات و تماشات غادا خارجة و ياله اتخرج وقفات جامدة ملي سمعاتو نطق بصوت باين عليه لغضب و جدية هادشي لي خلاها تفكر ماليا قبل ما تخرج
سيف الدين: و بربي و ما أعبد و يحرام عليا ديني الى ماحرقتك و حرقت راسي و هاد دار الى خرجتي من داك لباب
كولشي شهق بصدمة حيت عارفين مزياااان كلمة ديال"و يحرام عليا ديني" قليييل فين كيقولها و الى قالها تا كتكون واصلة بيه لعظم و ملي كيحلف كيطبق و عارفين و متأكدين الى فراح خرجات راه يديرها و ربي كبيير
ادم نطق بغضب و شرار كيخرج من عينيه: واش من نيتك كدوي اتب*ي
سيف الدين ببرود لي دغيا تقلب فيساع: دويت و الى بغات نطبق كلامي تخرج من داك لباب و نتوما عارفيييني مزيااان الى حلفت كنطبق
فراح ولات كولها كترعد و كرشها عطاتها صداع حطات ليديها على كرشها و ضارت لعندو و عينيها فيهم نظرة لحقد و إنكسار نطقات بجدية
فراح: واخا ماغنعتبش هاد لباب مي دير فبالك اولد ناس قسما بالله و مطلقتيني فراه غيجي نهار لي ماغتعرفني فين مشيت و عمرك تحلم تشوف وجهي لا انا لا ولدك سمعتي
غير كملات كلامها زادت ديريكت لبيت أحلام و سدات عليها و بدات كتبكي و تندب و تصبر فراسها و فولدها كولشي توقعو الى هادشي مابغاتش تحيد ليها من بالها صورة ديالو هي وياه فوق ناموسية و معانقين تمنات كون ماتت و ماتشوفش هاد تصويرة
هما برى كولشي مصدوم ما سالاو من صدمة ديال حلفة سيف الدين زادت حلفة ديال فراح
سيف الدين ولا كيشي ذيب بصح نيت جهل بالمعقول ما غاتبان ليه غير هي عوتاتي فلبلان شدها من شعرها و تم جارها و مخرجها غادي بيها جيهة لوطو
أحلام غير شافت لمنظر و تفكرات هضرتها على الى غبرات و هي تجري عند أدم
أحلام: عافاك ا أدم راه غايقتلها سير وقفو
أدم بعدم مبالاة: غير يقتلها نيت ولا يقتلنا حنا
أحلام: وا راه انمي الى قتلها راه ايمشي لحبس و نادية تموت ليك هنا سير تبعو
أدم طلعات معاه لهضرة خلاها و خرج كيجري ركب لوطو و تبع سيف الدين مكسيري

هنا لداخل نطقات نادية: خاصنا نعرفو اش واقع
عمر بجدية: خليو لبنت شوية بوحدها و شوية و دخلو لعندها فهمو مالها اما لا عولتو على داك كيدار بقيتو تاماك
إسراء ولات كترعد نطقات بخوف: خالتي عمي عندو لحق مي راه تخافي توقع ليها شي حاجة راه بانت ليا شادة فكرشها
نادية شافت فأحلام لي عينيها حمرييين : احلام سيري عند فاطمة علميها راه مابقيناش جايين و حاولي ماتبينيش ليها اش واقع و قلبي ليها على كدبة صافي
احلام اومأت ليها و خرجات و نادية توجهات لبيت احلام دخلات بانت ليها فراح جالسة فلأرض و كتبكي مشات لعندها جلسات حداها مسحات ليها على راسها و نطقات
نادية: بنتي
فراح بحال الى كانت كتسنى فشي حد ديك ساعة تلاحت عليها تبكي و تقول ما بقيت كتحس بقلبها كيتقطع صوتها مشا و لا هي بغات تسكت نطقات نادية و عينيها دايزيين
نادية: سكتي ابنتي و نتي قطعتي ليا فقلبي
فراح نطقات بإنكسار: قلبي ماقادرش إصبر اخالتي ماقادراش نتيق هادشي لي وقع و الله ماقدرت نصبر اخالتي
نادية بعداتها عليها و كتمسح ليها فدموعها: الله يابنتي ناري على ولد لحرام و اش دار فبنت ناس اش دار ليك مسخوط لاخور
إسراء و عمر كانو واقفين فلباب و كيتسنطو نطقات فراح و هي كتشهق
فراح: خاني اخالتي شفتو ففراشي مع وحدة خرى و انا غبت عليه غير نص نهار راه ما قادراش نتيق اخالتي
نادية مالقات ما تقول من غير تعنقها و طبطب ليها على ظهرها داز مدة حسات بيها سكتات طلات عليها لقاتها نعسات تنهدات و مسحات دموعها شافت فعمر و نطقات
نادية: اجي عاوني نحطوها فوق ناموسية
عمر اومأ ليها و ناض هزها حطها فوق ناموسية و غطاها و خرجو كولهم لصالون و جلسو و كولشي ساهي تا نطقات إسراء
إسراء بجدية: هادشي اخالتي ما كيدخلش لعقل راه مستحيل سيف الدين إديرها راكم عارفين شحال كيموت على فراح
عمر شد فراسو و نطق: ولكن الى كان شارب فراه إقدر مايبقاش عاقل على والو
نادية بنفي: نت عارف سيف الدين بقوة ما مولف بشراب ما كايبقاش يشد فيه سوى الى كتر نيت
عمر : ولكن راك سمعتيه قال ما عارفش و عاقل على تاحاجة اذن راه كتر
إسراء نطقات بإستغراب: صراحة اعمي تانا ملي فقت لقيت راسي ضارني و ماعرفتش كفاش تا نعست و تا أدم نفس شئ
عمر عقد غوباشتو و نطق: عند بالي غير انا لي وقع معايا هكا
نادية: و كفاش زعما
إسراء بذكاء: اذن واقعة ان فالموضوع و انا واخا تجيبو ليا عالم كلو تقولو ليا خانو عيالاتهم نتيق مي تال خويا سيف الدين لا
نادية بحزن: اوى الله إدير لي فيها لخير
عمر و إسراء: امييين

✨فبلاصة خرى✨
وقف بلوطو قدام نفس لگراج حل لباب هبط و حل عليها هبطها من شعرها و هي بولة اتخرج ليها من سروال حيت عارفاه كي داير، لاحها فلگراج و ياله ايسد عليهم لباب تا كيدخل أدم سيف الدين ما تكلم ما والو اصلا معصب سد باب لگراج و رجع لعندها تحنى و شد ليها شعرها و رجعو لور و شرار كيخرج من عينو نطق و كشاكش خارجين ليه من فمو
سيف الدين: بقيتي كضوري تا طيحك ربي بين ليديا كنت محلف عليك نهار تباني قدامي نقتلك من بعد داكشي لي درتي لبنات فلقهوة مي دبا بربي تا غندم قح*بة مك على اي دمعة طاحت من عينيها
سالا هضرتو هز ليديه تال فوق و جمعها معاها لحنك تا طفا عليها ضو غمضات عينيها و بدات كتحلهم ببطئ حيت بصح نيت وعتها عطاها تصرفيقة لي غيعطي لدري ماراعاش ليها
سيف الدين عاود شدها من فكها و زير عليها: انا مستحيل تكون عندي جوهرة فدار و نمشي نقلب على قزدير قولي ليا اش وصلك لبيتي و انا متأكد اني مقستش مسخة بحالك
نسرين ضحكات بإستهزاء و نطقات بصوت خافت : ااه ن نت مقستينيش و ماوقع بيناتنا والو مي هادشي كفاش اتقدر تعرفو حبيبتك توءتوءتوء حراام مسكينة شافت راجلها كيخونها بعينيها

يتبع .....✏️
هانتوما جعرتوه لينا🙂