قصة بالدارجة المغربية🌹تحت عنوان🌹:#مصير عاشقين🔞

💞📝 بارت 60📝💞

نادية تبعات ادم لبيت و تا يوسف تبعهم و تا أحلام كتسلت بشوية هو غير حل لبييت بتاسم بجنب فمو ملي بانت ليه دارت داكشي لي قال ليها و يوسف لي خرج عينو ما فهم والو
نادية شهقات و تحدرات عندها كتفيقها زعما: فراح ويلي بنتي اش وصلك لهنا
فراح بدات كتحل فعويناتها و دايرة راسها مصدومة شافت فأدم غمزها ملي تحدر لعندها
أدم: فراح مالكي اش وصلك لهنا
فراح شافت راسها توترات حيت اتكدب: هو ا انا شفت هاد ل لبيت جيت نشوف اش فيه و و رديت لباب مي شي حد ما شافنيش سد عليها ومحسيتش و بقيت تا ساليت بغيت نخرج مالقيتش كفاش ملي عيطت ماسمعني تا حد جلست تا داني نعاس
نادية بإستغراب: ناري و شكون لي سد عليك
أدم ديك ساعة نطق: ماتكون غير احلام
هاد أخيرة خارجات عينيها و ياله اتبدا تحلف ما هيا تا شافت أدم غمزها و نطقات واخا ما فاهمة والو
أحلام: اه اماما انا بان ليا محلول لباب و سديتو باش ميدخل ليه والو عند بالي نتي لي نسيتيه
يوسف قشع لغمزة و عرف كينة ان
أدم: اوى شتي نتي هنا و حنا كنا انحماقو بتقلاب
نادية وقفاتها: الله ابنتي دوزي ترتاحي و نتي كنتي معنكشة فهاد لقنت
فراح : شكرا ليك اخالتي
نادية جلساتها فصالون: جلسي ابنتي رتاحي نوض نشوف نيت عمر واش ايجي دبا باش نحطو لعشا
و ياله جات نايضا كيبان ليها عمر دخل: سلام عليكم
كولشي : وعليكم السلام
عمر جلس: نادية كين شي عشا
نادية وقفات: ياله لقيتيني انعيط ليك نشوفك واش جاي
شافت فأحلام لي جالسة حدا أدم و كتنغز ليه باش إشرح ليها و فجيهة لاخرى كتقرص فيه فراح لي خلاها فداك لبيت تا طابو ليه جناب
نادية: نوضي معايا ابنتي نحطو لعشا
أحلام وقفات: واخا
وياله جاو يديرو خطوة تا كيشوفو فيه داخل بمشيتو لمعتادة و تخنزيرة تاهيا
هما تصدمو خصوصا نادية نطقات بصوت حزين: ولدي جيتي
أوما ليها بإيجاب مي هو عينيه غير ففراح لي شافها و عقد غوباشتو كتر بحال الى لهضرة لي قال ليها كبيلة خواتها فرملة
هي هزات عينيها شافتو كيشوف فيها هكاك تفافات ضارت لعند أدم شافت فيه و نطقات : ناري متقولش ليا درت شي حاجة ماشي هي هاديك علاش كيشوف فيا هكا
هو ضور وجهو جيهة سيف الدين بان ليه معصب و رجع شاف ففراح عاد فهم لبلان و بتاسم بشر و تحدر تال ودنيها بلعاني باش إفقص سيف الدين
أدم: شعرك ازين
هي هنا غمضات عينيها و بدات كترحم على راسها
سيف الدين زير على لقبضة ليديه ملي لمحو هبط بفمو لودنيها ما حس براسو تا غوت: فرااااح

هنا هيا وقفات بلهلا إطريه ليها و كتسرط ريقها و كطلب من ربي هاد ليلة دوز على خير حيت ياله طلعات معاها راه ماشي غير محيدة زيف قدام عمر و أدم راه كاين تا يوسف لي ماكانتش عارفة واش كاين و ملي هبطات زرب عليها أدم و نسات أمر زيف
نادية شافتو كيخنزر ففراح و درية كترعد بغات تلف لوقت مشات عنقاتو و هو عينيه محيدوش من فراح كيغزز على سنانو
نادية بعدات عليه: فين كنتي غابر اولدي
ابتي راه كدوي مع ولدك سيف الدين واش نتي عارفاه غادي إدير عين ميكا داكشي لي كان نيت، زير على قبضة ليديه و نطق و هو كيتمشى لعندها
سيف الدين: زيفك افراااح زيفك
هي هنا ملي شافتو كيتقدم لعندها بلا متحس شدات فأدم مخلوعة لي هاد أخر شفها شدات فيه وتا هو شد فيها
سيف الدين شافها شدات فيه هنا لقرودة بداو كيطلعو ليه ألا افراح ماشي هادشي لي بغينا