قصة بالدارجة المغربية🌹تحت عنوان🌹:#مصير عاشقين🔞

💞📝 بارت 27 📝💞

       

فراح بتاسمات بحزن وسط دموعها: كفاش كتقول ليا نصبر أعمي راه صبر لي منقدرش راه بابا هداك لي مات عارف شكون لي كيتسناه فدار بنتو صغيرة و ولدو أش نقولو ليهم ملي نمشيو غادي ندخلو عليهم بلا بيه نقولو ليهم مشينا بيه و رجعنا بلا بيه (هزات ليديها نعتاتها فجهة قلبها) واش عارف أعمي باش كنحس هنا راه كنحس بلعافية تقدر تحرق دنيا كاملة و تبقا شاعلة
كملات كلامها و تكات على لحيط هابطة معاه. و كتردد : راه بابا هداك راه لي رباني و قراني بابا هداك راه بابا
سيف صافي حس براسو تزير عينيه حمارو أول مرة كيحس براسو مربوط و مقدر إدير والو تا شفها حمااارات و بدات كتنفس بزربة و كتحل فزيفها بغات تحيدو حيت خنقها طار عندها وقف عليها مخلوع
سيف الدين: فراح فراح مالكي حاولي تنفسي ( دار عند طبيب) واش كتسناوها تموت و تلحق عليه جيبو ليها أوكسجين باش تنفس
فراح لي غير بغات تلوح زيف شدو من عندها حطو ليها فوق شعرها مبغاهش إيبان جا طبيب دارو ليها أوكسجين تا ولات كتنفس عاد حيدوه وقفوها و جلسوها حدا فاطمة لي مزال سخفانة و كتبكي واعية على اش داير بيها

فدار عبد الله لي نادية و احلام بقاو مع صفاء و بدر لي مقدروش إخليوهم بوحدهم تا كيتاصل بيهم عمر و كيعلمهم بيلي عبد الله مات بكاو تاهما مي مقدروش إبينو لبدر و صفاء

بعد ما فاقت فاطمة و بدات كتبكي هي وفراح جا عندهم طبيب و قال ليهم إمكن ليهم إيشوفوه ناضت فراح دغيا و كتمنى يكون ماماتش يا إما كيضحك ولا كتحلم وقفات معاها فاطمة و دخلو مستودع أموات و معاهم عمر لي كيلمحوه حاطينو فأرض و عينيه مسدودين و إبتسامة على وجهو مشاو جيهتو تا نطقات فراح
فراح: شتي قلت ليكم كضحكو راه ناعس
شافت فين ناعس و ممغطينوش
فراح: ويلي أعمي فين حاطينو راه غادي إضربو لبرد تلاحات عليه كتحرك فيه
فراح: بابا نوض عفاك أش هاد ضحك باسل شوف غير نوض و الله ما بقيت نخبي عليك شي حاجة راه غير حيت خبيت عليك مرة درتي هاد حالة و الله أحبيبي ما بقيت نخبي عليك
فاطمة كتبكي و تعنق فيه: عبد الله لمن خليتيني و خليتي ولادك وحدة هايا أتحماق و تاني أش غادي نقول ليه بأشمن وجه غادي نشوف فيه
فراح شافت فيها بنظرة حادة: ماما متبكيش لاش كتبكي راه مواقع ليه والو
محسات براسها تا جرها عمر و صرفقها
عمر: فراح بنتي صافي فيقي معانا باباك مات أه صعيبة و قاصحة مي خاصك تقبليها
فراح سدات ودنيها و كتبكي و تغوت : هييئ هييئ بابا ماماتش لا غي كتكدبو
دارت شافت فباباها و عينيها مزال دايزين: بابا بصح خليتيني مي أنا مزال محتاجاك و مزاال بغاك و مزاال بغا نرد ليك بزاااف حوايج واش عارف حياتي كيغادي تكون بلا بيك واش عارف ولات دبا عندي أمنية وحدة و هي لحق عليك ولا هاد شعور بابا عفاك لما نوض راه بزاااف كنحس بلعافية
هزات راسها لفوق و غوتات بصوت عالي و فيه نبرة حزينة كولشي لي برا سمعوه
فراح: ااااااااااااه أربي راه عييييييت و مقدراش نصبر
تحنات عنقات باباها بدات كتبوس فيه. وتعنقو لا عل و عسى تشبع منو فهاد لحظة بعدات منو بعد ما توادعو و فاطمة تا هيا مقهورة من جهتو ناضو خلاو عمر تاهو توادع معاه و نطق
عمر: وصيتك أنطبقها أعبد الله