قصة بالدارجة المغربية🌹تحت عنوان🌹:#مصير عاشقين🔞

💞📝 بارت 45 📝💞

بلعات ريقها و نطقات بعصبية مصطنعة: اش بغييتي
أدم ببرود عكس لداخل ديالو : بغيت ندوي معاك
دري : احم مهم إسراء باي باي تال من بعد
مجات فين دوي تا لقاتو نساحب مخليهم بجوج
إسراء عقدات غوباشتها و نطقات : ماكاين فاش ندويو انا وياك
خلاتو و تمات غادا متجاهلاه واخا فخطرها باغا و قلبها كيضرب مي دارت فيها عزة نفسي، تا كتحس براسها مجرورة وقفها قدام لوطو و نطق بعصبية تا خلعها
أدم واصلة بيه لعظم: بلا متقو*دي معايا سوايع اتجي معايا نريحو بحال ناس ندوي معاك جوج كلمات و ديك ساعة سيري
بلعات ريقها و ياله ادفع تصنطيحة تا كتسمعو غوت
أدم: طلعيييي
و هي بلا هواها طلعات و تاهوا طلع و كسيرا

جالسين فواحد جردة بعد ما نساحب سعد باش إدوي فتيلي و كولشي ملاحظ سهوة ديال فراح لي هي حاضرة مي دماغها مامعاهاش
نطق عمران: فراح مالكي
بدر: حبيبتي واش عندك شي حاجة
فراح بتاسمات إبتسامة باهتة: لا معندي والو بلا متشطنو ريوسكم
بقات ساكتين مدة قصيرة تا نطقات إيمان مبدلة موضوع زعماكين
إيمان: فراح اش بينك و بين ذيب
فراح وسعات عينيها بصدمة من سؤالها: ااا لا والو
عمران حاضي ملامح ديال وجهها و تا بدر كيسمع بإهتمام
إيمان صغرات عويناتها فيها: اممم متأكدة غير گري عليك أمان
ياله بغات تدوي تا كيقاطعها بدر: ياك أفراح وليتي كتخبي عليا
فراح بنفي: لا ماشي هكاك دبا هو
قاطعها عمران بجدية: هو عرفناه كيبغيك غير من طريقة باش تصرف ملي شافك فديك لحالة و لهضرة لي قال و كلمة مرتي لي مخطاتش فمو
هنا كولشي شهق بصدمة حيت صدمة لي وقعات ليهم كبيلة خلاتهم غافلين على هادشي ياله تفكروها
إيمان حالا فمها و عينيها بجوج: لا لا نسيت هادشي واش نتي كتبغيه
فراح توترات و معرفاتش اش تقول: دبا هو كيقول ليا كيبغيني و كان ناوي إجي لدار قبل ميموت بابا مي
على كلمة ديك بابا سهات هي و بدر تا فيقهم عمران من سهوتهم بلعاني باش بلا ميفكرو فداكشي و يخيم عليهم لحزن
عمران: و نتي واش كتبغيه
فراح بدات كتفرك فليديها و كتعض على شفايفها: معرفتش و الله
تنهدات و كملات كلامها: اصلا واخا نكون كنبغيه ميمكنش لينا نكونو مع بعضياتنا
إيمان بلهفة: و علااااش
فراح بحزن: تالمن بعد و نعاود ليكم دبا راه 9:30 اتاكلنا ماما تعطلنا غدا جيو عندنا و نعاود ليكم صافي
مخلات ليهم تا فين يدويو كانت ناضت دغيا ومشات جهة سعد لي قطع تيليفون و تم غادي لعندهم
فراح: ياله نمشيو
سعد اوم ليها و ناضو لاخرين تبعوهم متاجهين لدار

وصلو لدرب كل من فراح و بدر و سعد بعد ما توادعو مع عمران و إيمان ، وصلو لدار تا كيشوفو نادية و عمر ياله داخلين عندهم لقاو سلام تا كتشوف نادية ففراح و رجعات شافت ففاطمة
نادية: فاطمة خلي فراح تبات ليوما مع أحلام عيات طلبني باش نقولها ليك
فاطمة شافت ففراح بتردد: كون غير خليتيها اختي نادية تال مرة اخرى
نادية بحال الى حسات بيها خايفة على بنتها: تانا افاطمة عندي بنتي و نخاف عليها و فراح ربي لي عالم بيها حسباها كتر من بنتي غير خليها
ضارت راسها مقلقة: ولا ياكما متايقش فينا
فاطمة بنفي: اويلي انادية حشومة عليك تقولي هكا
شافت ففراح و نطقات: بغيتي ابنتي تمشي غير سيري ولا تسناي تا نتعشاو
نادية: راه خليت أحلام كتوجد لعشا راسها اخليهم إتوانسو غير سيري ابنتي
فراح شافت فماماها و نطقات: هانا غادا اماما
اومأت ليها نادية و تمات فراح خارجة متاجهة لعند أحلام من بعد ما دخلو هما لدار