قصة بالدارجة المغربية🌹تحت عنوان🌹:#مصير عاشقين🔞

💞📝 بارت 31 📝💞

💥فمكان أخور💥

جالس فلبيرو ديالو قرب إسالي خدمة ياله وقف ناوي يخرج تا كيصوني ليه سيف الدين تافقو باش إشربو القهوة كان لابس تيشورط كحل مرسومة فيه علامة أديداس بلبيض فوق منو تجاكيطة ديال تجين و سروال كحل و سبرديلة فصفر خرج من خدمة تا كيلمحو عاقد غوباشتو و كيخربق فتيلي ومتكي على موطور ديالو لابس اونصومبل طروة بياس تيشورط فلبيض و فيه حمر و شورط فلگري و فيه لحمر و تجاكيطة ديالو فلحكل و فيها بيض و لحمر و سبرديلة بيضة
لحق عليه و تسالمو بيناتهم
يوسف: فين أعشيري هاني
سيف الدين : الحمد الله ونت
يوسف : هاحنا كنعديو فالخدمة
خبط سيف كتف ديال يوسف و نطق : سلاك و صافي اوى مشينا
يوسف حرك راسو بإيجاب كان غادي لجيهة لوطو ديالو تا شد فيه سيف و نعت ليه لجيهة موطور يوسف دغيا فهمو طلعو فوق منو و كسيرا خلا غير لعجاج من موراه
وصلو قدام لقهوة معتادة ديالهم دخلو و جلسو فصمت تا جاب ليهم سرباي داكشي لي كيشربو كيف عادة
تا نطق يوسف: مالك
سيف الدين كتافا فقط بصمت
يوسف جغم من قهوتو ونطق: باقا كيف هي
سيف الدين شاف فيه مطول شوفة و نطق: كنحس بقلبي كيتقطع عليها، إبتسامة لي ماكانتش كتفارق على وجهها مابقاتش ،كنت كنقول ليها متبقايش غير ضحكي حيت كنغير عليها مي دبا كون لقيتها غير ضحك
سكت وحد شوية و كمل كلامو : كنحس براسي مكتف أيوسف كنشوف فيها كتعدب و منقدر ندير ليها والو بغيت نديها لطبيب نفسي مي بأشمن حق و ماماها تاهي مصدومة كتر منها
ختم كلامو بتنهيدة خارجة من قلبو
يوسف بقات فيه فراح بزااف و فنفس لوقت بقا فيه صاحبو عمرو شافو فهاد حالة فكرو فداك متل ديال عمرو حبا نهار حبا طاح فبير
بقا كيشوف فيه شوية و نطق: مديرش فبالك إن شاء الله يكون خير و ترجع كيف كانت
سيف الدين كتافا فقط بصمت كيف عادتو شربو قهوتهم و خرجو ناوي يوصل يوسف عاد إيدوز لدار و لحسن حظهم يوسف ساكن حدا مريم
كانو راكبين تا كيلمح يوسف أحلام و شي حد شاد فيها تعصب عينيه حمارو و جمع قبضة ديال ليدو مي غير شافها كتحاول تبعد من داك شخص زاد تعصب كتر و نطق
يوسف: عشيري أحلام هاديك
سيف الدين كان سايق بلا عقل تفكيرو كل مع فراح مي غير سمع أش قال عاد لمحها وصل حداها دغيا فرانا و هبط متوجه لعندهم و يوسف تابعو
سيف الدين جر أحلام و يوسف خشا كروشية لياسين و نزل كمل عليه أحلام صافي ماتت من خلعة منين لمحاتهم جوج وحوش اياكلوه ما فيهاش
أحلام: سيف الدين ناري أيقتلو
سيف الدين مخليه ممسوقش حيت كون كان هو كان مينوض من فوقو تا يقتلو حدو نطق و هو عاقدهم
سيف الدين: شكون هاد زا*مل  واش جابك لهاد لقنت
أحلام صافي بقا ليها شوية و تبول فسروالها و بدات كدخل و تخرج فالهضرة
أحلام: دبا هو بصراحة دبا أنا لا ماشي هكاك
سيف الدين تعصب ياله أينطق تا كيسمع يوسف نطق بعصبية : راه كيسول فمك بلا متحرقي ملتنا فهاد نهار و نصدقو مقبرينك هنا جاوبي بلا دخول و خروج فالهضرة
أحلام صافي الله إرحمها تخلعات من منظر ديال يوسف و دم لي هابط ليه من ليديه شلال بسباب جرحة شافت فياسين ملامح ديالو مبقاوش كيبانو بقوة دم و موس مرمي جنبو شهقات بصدمة
يوسف ملي عطاه كروشي و هبط عليه غفلو ياسين و جبد موس و عطاه ل ليدو تا ترش دم مي يوسف مع دمو سخون گعما حس بيها بالعكس غير مزاد تعصب و خمج ليه لكمارة
سيف الدين شافها مصدومة داها و جابها: وا لبشار راه كندوي معاك واز*بي
أحلام دازو دموعها كتفكر شحال من بلان وقع بسبابها و شحال من واحد تأدا بسبابها بدات كتشهق: ه‍ييئ هو أنا كنت عند مريم نسيت عندها كتابي ياكو هييئ و لقيتها مع هدا فموقف محرج وووو
سيف الدين بانت ليك كترعد و كتقفف بالخلعة بقات فيه عنقها و بدا كيدوز ليديه عليها بحنان و هي عاد مزادت فلبكا فلأخير كتبقا ختو صغيرة و هي عينيه واخا كيغوت عليها ديما مي راه كيخاف عليها و كيبغيها بزااف و تا هي نفس شئ واخا كتكون مجمعة مع أدم بزااف مي إلى ناض ليها ميعقلش عليها على عكس سيف الدين لي واخا كينوض غير كيشوف دموعها كيبدا إهبط شوية بشوية داكشي علاش كتقول ليهم راه واخا سيف الدين وحش راه حنين و بزاااف
سيف الدين: اشششش صافي كملي أش واقع غير بشوية عليك
أحلام دموعها مبغاش إتحبسو: صافي ملي خرجت تبعني باش إدوي معايا و يشرح ليا حيت خافني لا نقولها لخالتي مي مع كنت حشمانة مبغيتش نسمع ليه و بدا كيشد فيا باش نسمع هدا ما كان
سيف الدين هضرتها متسرطاتش ليه : متأكدة هادشي لي كين
أحلام توترات و سرطات ريقها: احم ااه
سيف الدين : امممم واخا
بعدها من عليه و هو يشوف فيوسف لي هاد أخير مزااال معصب و متقبلهاش مابغاهش إشد فيها
لمح ضربة و مشا لعندو و نطق
سيف الدين: راك مضروب انمي سير فحالاتك داويها
يوسف خنزر فيه و تم راجع لياسين غير شدو سيف الدين
يوسف كيحاول إحيد ليدين سيف الدين : طلق مني أز*بي نمشي نحو*ي قح*بة مو وا طلق قبل منخسر معاك القلا*وي
سيف الدين تعصب حيت كيشوف فجرحة ديالو كتنزف بزااف: و لقلا*وي لا سير وصل أحلام و داوي هاد نم و أنا راه أنعيط لأدم نهزو هاد زا*مل
كمل كلامو و غمز يوسف لي هاد الأخير فهمو ناوي على إن اما بربي لا تفاك دار عند أحلام جرها بلا سابق إنذار داها جيهة موطور
يوسف: طلعي
أحلام خافت لتوقع شي حاجة لياسين و يمشيو فيه كل من سيف الدين و يوسف
أحلام: فين غادين
يوسف تعصب: قلت لمك طلعي
هي شفتو معصب هكا و زيد عليها عمرو غوت عليها مزادتش معاه لهضرة دغيا طلعات و طلع تا هو و كسيرا
سيف الدين تاهو  صونا لأدم لي مكملاش 10 دقايق وصل عليه حيت كان خارج هزوه طلعوه لوطو و أدم ملامح ديالو كلها إستغراب كتافا بصمت تا يشرح ليه سيف الدين اش واقع و بدون مينطق كسيرا لوجهة مجهولة