فراح كانت عايشة لحضة بلمساتو غير سمعاتو اش قال خرجات عينيها قالت فبالها مايمكنش يعني كولشي عرفني واشمة هزات راسها ملي شافتو وقف قدامها نطقات بصوت خافت
فراح : شكرا
غير سالات كلامها هزات ساكها و دخلات لحمام لي لا يقل جمالا على لغرفة
اول حاجة دارتها هي شعرها حولات تفكو ما فكاتو بستة و ستين كشيفة دخلات دوشات بلا متقيصو سالات نشفات راسها و مشات لقدام لمراية كانت واحد لجلسة تماك زوينة هزات ساك و تفكرات ملي كانو عند كوافورة خرجات إسراء تجيب قرعة لماء و بانو ليها فلمحال شي لعيبات ديك ساعة شراتهم ليها معطلاتهاش حلات ساك جبدات منهم كريمات و زيوت بدات كدهن راسها بيهم لي أغلبية كان ريحة ديال ڤاني و خفافين كيتشمو غير لا قربتي منها هزات دوبياس فلكحل كان منظر ديالهم مثير شافتهم سرطات ريقها حشمات من راسها لبساتهم و خشات ليديها فساك جبدات منو بياسة سرحاتها و خرجات عينيها بصدمة كتشوف غير بينوار هزات ساك قلبات فيه مزيان لقات غير عباية و زيف و صلاية عيات تقلب و والو
فراح بصدمة: لا ياكما نسات شي حاجة
ديك ساعة هزات تيلي و صونات ليها
فراح: الو إسراء
إسراء لي كانت جالسة مع لبنات فبيت أحلام ما خلاهاش أدم تبات فدار بوحدها : ههه اش مزال كديري
فراح بحشمة: احم واش متأكدة ما نسيتي تا حاجة
إسراء بتساؤل: لا علاش
فراح : احم حيت لقيت غير دوبياس و بينوار
إسراء ضحكات ما بقات سكتات : عهههههه و راه هههه هو ههه كيتلبس بحال هههه هكاك
فراح خرجات عينيها: اويييلي
إسراء: ههه فراح راه دوينا
فراح سرطات ريقها : احم واخا بسلامة
قطعات معاها و تفكرات هضرتها ليها كبيلة ملي جابت ليها ساك
💥فلاش باك💥
إسراء تقدمات عند فراح و عطاتها ساك : هاكي هاد حوايج لبسيهم ليوما
إسراء قال ليها أدم راه ماغيباتوش فدار داكشي لاش دارت هاد لخطوة
جلسات حداها و نطقات: فراح خاصكي تعرفي راه راجل الى بغيتي تشديه فراه شديه من لفراش حيت واخا يكون كيبغيك و كايموت عليك و ماكنتيش مقنعاه فلفراش و كتجاوبي معاه فراه غيخرج لزنقة و يقلب على وحدة خرى لي تقنعو هادشي الى ما جابش مرأة خرى
فراح تزنگات من هضرتها و فنفس لوقت خلعاتها راه تصبر على عنادو و عصبيتو و غيرتو و لكن باش ابدلها مستحيل تصبر عليها نطقات و هي متوترة
فراح: ولكن سيف الدين ماشي بحالهم
إسراء خرجات عينيها: ايه واخا بقاي تاتجي شي نهار تبكي علينا ملي يديرها
فراح خرجات عينيها و حركات راسها بنفي: لا عافاك قولي ليا اش خاصني ندير
إسراء : هانتي اول حاجة غتلبسي هاد لبس ياكي و حاولي نتي لي تبداي متسنايهش تا يتقرب منك حاولي تقربي منو نتي صافي
فراح خرجات عينيها: لا منقدرش والله مستحيل
إسراء خرجات عينيها: راه راجلك انمي راه داكشي الى بغا راه يخرج لزنقة و يديرو يكدب عليك لكداب لا قال ليك راجل مكيبغيوش لمرأة تكون فلفراش قحب*ة راه ولاد لحرام مقطرين كيبغيو مرتهم يكون مجموع فيها كولشي و اهم حاجة حلاوت لسان افراح سمعتي حلاوة لسان
فراح غير كتلون و كتسمع ليها اش كتقول فلأخير قررات تسمع لهضرتها
💥اند باك 💥
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
