قصة بالدارجة المغربية🌹تحت عنوان🌹:#مصير عاشقين🔞

💞📝 بارت 22 📝💞

حيد ليها ليديها و بدا كيمسح ليها فدموعها
سيف الدين: كون سمعتي لهضرة لي سمعت عليك ماشي غير ندير هاكا راه كون قتلتك
فراح بقات كترمش فعويناتها لي كيسلبو أي واحد شاف فيهم
فراح: بغيت نمشي لدار
سيف شد ليها ليدها لي ترسمات فيها صباعو بدا كيهبط ليها تريكو على ليدها
سيف الدين: أجي معايا ناخود ليك بومادا عاد سيري
فراح خافت ليشوفها باباها قطعاتو دغيا
فراح: لا عفاك بلاش
سيف الدين عقد غوباشتو: دويت مغاديش نعاود لهضرة
فراح : عفاك راه غادي إيشوفني بابا
سيف أخر همو هو هدا مي ملي شافها هكاك قرر إسيفطها مع أحلام
سيف الدين: واخا سيري دبا لدار دبا تجيبها ليك أحلام
فراح أومأت ليه بواخا و مشات و هو موراها شافها تا دخلات لدار عاد مشا خدا ليها بومادا و داها لأحلام لي كانت گالسة مع أدم و نادية مقدراتش تسولو مالها قال ليها ديها لفراح و خرج خلاهم كلهم كيشوفو فيها طرات تعاود ليهم أش واقع

أحلام: إوى هادشي لي وقع
نادية بعتاب: ناري واش هاد لولد خرج ليه لعقل الله يكون فعوان فراح مسكينة
نطق كل من أحلام و أدم : أمين
ناضت أحلام ناوية تمشي عند فراح

هاد الأخيرة لي دخلات لدار لقات غير بدر لي ناعس و واليدها خارجين هما و صفاء حمدات الله فخاطرها حيت مكينينش
مشات بدلات حوايجها و لبسات بيجامة بكمايمها باش متبانش ليها لإمارة غسلات وجها و هي طلق شعرها مشطاتو تا كتسمع فدقان تمشات لباب حلاتو تا كتلقاها أحلام عينيها غرغرو بلا متحس دخلاتها و سدات لباب و مشاو جلسو فصالون
أحلام عطاتها بومادة و نطقات بخوف: ناري ياكما دار ليك شي حاجة لاش سيفط ليك هادي
فراح كتافات فقط باش تعري ليديها
أحلام شافتها و هي تشهق: ويلي على ولد الحرام بغيت ليه لگرد لليدين
فراح دوات بصوت مغنغن: ناري أختي معرفتوش مالو معايا
أحلام صغرات عويناتها : اممم زعما معرفاش
فراح جوباتها من نيتها: و الله أختي معرفة
أحلام: وراه باينة إمكن سيف الدين معجب بيك
فراح بنفي: لا لا لا مستحيل
أحلام : وعلاش مستحيل
فراح : معرفتش مهم مستحيل
أحلام: شوفي راه انا متأكدة نتي كتعجبي سيف الدين هادشي الى مكانش كيبغيك
سكتات شوية و كملات على هضرتها: على نتي مكيعجبكش
فراح : معرفتش أختي مرة كيعجبني شخصيتو و مرة كنكرهو بتصروفات لي كيدير معايا
أحلام شدات ليها فليديها: هانتي باش كتحسي ملي كيكون قريب ليك واش مكتحسيش بلفراشات كيلعبو فكرشك و لا ملي كتكوني معاه كتحسي بالأمان
فراح سكتات تفكرات ملي قرب ليها لبارح و داك شعور لي حسات بيه كبيلة ملي باسها مي دغيا نفضات أفكارها و نطقات بنفي
فراح: لا مكنحس بوالو
أحلام صغرات فيها عويناتها: اممم متأكدة
فراح تنهدات و نطقات: اوووف صراحة كنحس معرفتش حرت
أحلام بعدات ليديها و دوات بتيقة : أصلا إلى كان كيبغيك ماشي بضرورة تكوني كتبغيه حيت غتكوني ديالو
فراح بتساؤل: كفاش زعما
أحلام: هانتي دبا نتي إلى كان كيبغيك راه مستحيل إفرط فيك ولا يخلي شي حد إقيسك ولا يأديك تي راه واليديه و يعطي دمو على قبلهم فهمتي يعني نتي إلى كان كيبغيك راه واخا متبغيش نتي راه ديالو بغيتي ولا لا
فراح تخلعات و خرجات عينيها : لا ميمكنش مكيناش شي حاجة بزز
أحلام : لا أحبيبتي مع سيف الدين كولشي ممكن
فراح قربات تبكي: و دبا كفاش أنقدر نعرف واش كيبغيني ولا لا
أحلام بتاسمات بشر : هانتي أنا عندي ليك خطة
فراح بتساؤل: لي هي
أحلام: هانتي دبا نتي أتغبري ليوما و غدا و إلى اضطريتي تا نهار الأحد غبري متبانيش ليه
فراح كتسنط بإهتمام: أهاه كملي
أحلام : مهم هو إلى سول فيك فهاد المدة و لاحظ غيابك فراه كيبغيك مسولش فيك مكيبغيكش أش قلتي
فراح: صافي تفقنا
خرجات أحلام من عند فراح مشات لدارها تا كتلقا ميساج من عند ياسين بقات شادا معاه نهار كلو و هو كيتعنب عليها
أما سيف الدين ضرب دورة و رجع لدار و أدم غير كيخنزر فيه حيت عودات ليه أحلام
و عند فراح لي غير فاق بدر و عرفها كاينة دخل يدوش باش هي تحك ليه ظهرو حيت بدر مستحيل إبغي يعوم و يحك ليه شي حد ظهرو من غير فراح إلى مكانتش مكيحكوش
فاطمة و عبد الله و صفاء رجعو لدار و بقاو مجمعين و فراح غير دخل عبد الله بدات كتعاود ليه كيف داز نهارها بلا مدكر ليه لبلان ديال سيف حيت فراح هادي هي عادتها أي بلان وقع ليها و لا دوز نهارها غير إدخل عبد الله تبدا تعاود ليه
عبد الله معنق فراح و صفاء لي ناعسا ليه على صدرو
بدر: لواليد كيف دايرة خدمة
عبد الله: الحمد الله هاحنا صيف كتكون فيه حراكة
فراح هزات راسها فيه: مابقاتش كضرك لمعدة
عبد الله: لا شوية ليوما الحمد الله
فراح بدات كدوز ليديها على كرشو: إوى الحمد الله
بقاو كيدويو تا وصلات 23:15 و كل واحد مشا لبلاصتو

صباح جديد🌞أصبحنا و أصبح الملك لله🌞

فاقو أبطالنا من نعاس فطرو مع عائلتهم
عند سيف لي غير فطر مشا لمحال ديال باه بقا فيه تال عشية و هو يدخل عندو رشيد
ناض سيف سلم عليه
سيف الدين: فين أبا رشيد هاني ليا
رشيد: و الله أولدي تا بيخير و نت هاني
سيف الدين : الحمد الله
رشيد ربت على كتفو : إلى بغيتي تمشي غير سير
أومأ ليه سيف و مشا و خلاه فلمحال

فبلاصة خرى داخلة لقهوة بعد ما كانت خارجة كانت لابسة ميني بوط فلحمر كايبين فرقة ديال صدرها و شورط قصيير حد فخادها فلكحل و سندالة عالية فلكحل تا كتلمحو جالس وشاد قهوة فليديه بتاسمات بشر و نزلات تريكو شوية باش إيبان صدرها تماشات ناحيتو تا كتوقف عليه
مريم:سلام صدفة زوينة هادي
ياسين طلع راسو فيها لمحها و هو يبتاسم : مرحبا جلسي
مريم جلسات بطريقة أنتوية و تحنات على طبلة تا بان صدرها
مريم: غير بوحدك
ياسين كان أيجاوبها مي عينو هربات ليه لجهة صدرها سرط ريقو و هز راسو جوبها
ياسين: اا اه غير بوحدي و نتي
مريم عضات على شفايفها: تا أنا بحالك
جا نادل و طلبات منو عصير و طول هاد مدة ياسين عينيه مرة فصدرها مرة ففخادها كيحس بلحرارة طلعات ليه خصوصا هو زهواني
جا حط ليها عصير ديالها ياله بغات تهزو تا كتخويه عليها
مريم: أحححح أش درت أوووف
ياسين : أبشوية عليك
جبد ليها كنينيكس و بدا كيمسح ليها و مرة مرة كيقيصها فلحمها
مريم مكانتش غافلة على لمساتو بتاسمات بجنب فمها حيت وصلات لداكشي لبغات
مريم بطريقة مقحبنة : سمح ليا واحد دقيقة أنمشي لحمام و نجي
ياسين صافي مسكين وصلات ليه لعظم ناضت مريم كتعوج دخلات لحمام شافت فلمراية و نطقات بملامح غضب و شر
مريم: و الله لا كان ليك
بدات كتمسح فحوايجها تا كتشوفو من مرايا داخل هايج مشا ليها نيشان جرها و دخلها لطواليط و سد عليهم
مريم دايرة راسها مصدومة مي عجباتها جرأة ديالو
مريم: أش واقع أ ياسين مالك
ياسين بلا سابق إنذار هز ليها ليديها و حطها ليها على تبو
ياسين: شوفي أش درتي فيه
مريم تصدمات دغيا سحبات ليديها و بغات تبعد
مريم: لا ياسين واش من نيتك
ياسين رجعها لبلاصتها : مريم أنا كتعجبيني و مكرهتش تكون بيناتنا علاقة
مريم فخاطرها: أححح ماكنتش كنظن دغيا غادي طيح
نطقات: و لكن أحلام راه معجبة بيك
ياسين: و أنا مالي مهم أنا معجب بيك نتي
مريم بغات تخرج : معرفتش بلاتي دبا نخرج
ياسين رجعها و نطق: ماكاين فين تخرجي تانجيبو واحد خفيف و ديك ساعة سيري

🔞🔞بارت فيه سفالة🔞🔞🔥🔥🔥

مريم بغات تجاوبو تا كتحس بيه طار ليها على شفايفها كيبوسهم شافها مدارت تا ردة فعل و هو يعضها بشوية تا بدات كتجاوب معاه و ياريتها متجاوباتش سيد ذاب الأخت حرايفية بداو كيفلورطيو هبط ياسين ليديه و خشاها تحت تريكو ديالها و بدا كيلعب ليها فصدرها لي كان شوية صغار هي حرارة طلعات معاها حيد من فمها و بدا كيمص ليها فعنقها
مريم كتوحوح بصوت خافت نطقات بصوت محلون: أحححح ياسين متخليش فيا إمارة
ياسين بعد من عنقها و عينيه نايميين بشوهة: عيون ياسين

يتبع.....✏️