قصة بالدارجة المغربية🌹تحت عنوان🌹:#مصير عاشقين🔞

💞📝 بارت 48 📝💞

هي سمعات هاد لهضرة معرفاتش علاش حسات براسها كتبغيه فهاد لحظة حيت كبر فعينيها كون كان شي حد اخور مغاديش إفوت لفرصة ،شافتو مشا لجيهة ديال ماريو هز واحد لاباراي وتم راجع لعندها بدات كترعد عند بالها تنادم معاه لحال ، وصل لعندها جرها من رجليها تا جات ناعسا على ضهرها و عاود قلبها تا نعسات على كرشها و هي كتحاول تطلبو
فراح: عاااافاك مدير ليا والو عافاك اسيف
سيف الدين نطق بصوت غاضب: الله إنعل زااا*مل بويا حيت مقدرتش نديرها ،اه مرشمتكش من طبو*نك مي نقدر نرشمك من بلاصة خرى
هي سمعات هضرتو تخلطو عليها كولشي خوف توتر حشمة من كلامو مي دغيا خوات تفكيرها من غوتة لي غوتاتها
سيف الدين: خشي راسك فلمخدة حيت بربي و طلع شي حد على قبل غواتك يا حتا نحو*ييك قدامهم
هي بلهلا يطريه ليها دارت داكشي لي قال ليها و كتفها ليسر من لور كيعطيها صداااع و معرفاش علاش
كان هوا لي كيوشم ليها فسميتو و مرة مرة كيمسح دم لي كيهبط تا سالا و دوز عليها بومادا كانت سميتو مرسومة بطريقة زوينة مكتوبة بلفرونسي و حداها نجيمات سالا ليها بومادا و لوا عليها فاصمة
ضورها لعندو بانت ليه كتشهق و كلها حمرة و اتار دموع على وجهها مسح ليها دموع و باسها فراسها و نطق: نتي ديالي سمعتي نهار اتكوني لشي حد اخور عرفيني مت
فراح علات عينيها دبلانين بلعيا صافي وصلات بيها لعظم: اش درتي ليا ك كتفي عاطيني ص صداع
سيف الدين كيشوف ليها فعويناتها بقات فيه و بقا فيه تا راسو: اشوية و يهدا عليك صداع
فراح : ا اش درتي
سيف الدين: وشمت سميتي
هي هنا خرجات عينيها بصدمة: حشومة عليييك راه حرام لوشام و الله تا حرام عليك
شد ليها فكها مزير عليه و نطق بجدية: اش كتسناي من واحد كيشرب لحرام و كيدير لحرام و حياتو كلها حرام
طلق ليها فكها و وقف وتماشا لجيهة بلاكار و هو عاطيها بظهر و نطق بصوت مقدراتش تميزو واش حزين و لا فيه لخدلان
سيف الدين: ماعارفاش افرااح باش كنحس راه شتي ألم لي حسيتي بيه نتي دبا فكتفك انا راه ضوبل ديالو الف مرة كنحس بيه فقلبي راه منقدرش نتخيلك مع شي حد من غيري راه غير نتخيلها نقدر نموت باش منشوفش داك نهار ، مهم نعسي رتاحي ولا الى بغيتي هبطي عند أحلام
ياله ايتحرك تا كيشوفها قدامو واقفة بزز طلعها من رجليها  تال عينيها لي فيهم دموع بقا ساهي فيهم عندهم واحد بريق خااص مقادارش يوصفهم
فراح بقا فيها اه واخا دار فيها هكاك حسات بيه مجروح و بزاااف خصوصا ملي مغتصبهاش كبر فعينيها بزااف ناضت لعندو وقفات قدامو و هي تصدم حيت غير جات عينيها فعينيه بانو ليها مغرغرين تماك عرفاتو كيبغيها ديال بصح حيت مستحيل راجل إبكي على شي حاجة من غير لا كانت نقطة ضعفو هي هنا عرفات هي نقطة ضعفو واخا مبكاش مي غير تغرغيرة ديال عينيه تبين كولشي
شداتو من ليديه و تمات راجعة بيه لفوق ناموسية و بلا متحس عفطات على زاج حيت ملابساش فرجليها مي محساتش بجرحة بحال إلى جرحة لي فقلبها كضرها كتر جلساتو فصمت و مشات جيهة كوافوزة حيت باقا فوق منها علبة ديال إسعافات من صباح ياه شكون لي قال هو دواها فصباح و هي غادويه فليل ضحكات و سط دموعها على تفكيرها ،هزات لعلبة و رجعات عندو جلسات حداه حلات لعلبة و بدات كداوي ليه و كتسوط على جرحة لا تعگرو هو كان مراقبها كيتسناها غير طلع عويناتها فيه مي هي عاطية إهتمامها غير لجرحة
نطق بصوت باح و مجروح: كيضرني هنا كتر ( حط ليديه على قلبو)
هزات عويناتها فيه شافتو كيشوف فيها بحب  توترات و رجعات راسها كداوي ليه بلا متجاوبو ، سالات ليه ضورات عليها فاصمة و جمعات لعلبة و ناضت ترجعها منين هزات و هو كيطلعها و ينزلها بلباس لي لابسة و شعرها لي كيتمايل معاها و طرمتها مهزوزة و مدورة و ليهونش لي خارجين سرط ريقو ملي حس بلمعلم بدا كيتنفخ، هي اصلا نسات راسها اصلا واش معرية ولا ، هبط عينيه لرجيلاتها و هو يعقد حواجبو ملي لمح دم قفزات ملي زعزعها بصوتو
سيف الدين: اجي لهنا و جيبيها معاك
فراح ضارت لعندو: ااا
سيف الدين نعت ليها لجيهة علبة: اريها
اومات ليها بإيجاب و تحركات لعندو عطاتها ليه شدها من عندها و جلسها
سيف الدين: اري رجليك
فراح باستغراب: ااا
سيف الدين زاد عقد غوباشتو: رجليك
هي بلا متزيد لهضرة عطاتها ليه و عاد لمحات دم فرجليها سولات بغباء
فراح: هاااء منين جا
سيف الدين شاف فيها شوفة دياا من نيتك  نعت ليها جيهة زاج: اش كاين تماك
فراح تلفتات شافت زاج و ضربات راسها و نطقات: گعما حسيت
سيف الدين بدا كيداويها ليها ماكانتش شي جرحة كبيرة مي مع دمها سخون داز دم شوية كتير: و باش حاسة
فراح شافتو كمل ليها هزات من عندو علبة مرجعاها لبلاصتها: بوالو
سيف الدين تكا فوق ناموسية و نطق: عليها
فراح ضارت لعندو : اا
سيف الدين غمض عينيه: لا والو
فراح بقات واقفة حدا راسو مقدراتش تنطق  هو حس بيها و نطق و عينيه مغمضين
سيف الدين: اش عندك
فراح بدات كتلعب بليديها: دبا هو كيف شتي ظلام و منقدرش نهبط بوحدي ياكا
قاطعها سيف الدين ملي حل عينيه و شاف فيها : كتخافي من ظلام
فراح تزگات و رجعات شعرها من مورا ودنها: ماشي كنخاف غير
بدات كضور عويناتها تقلب على شي كدبة مي غير جات عينيها فعينيه شافتو كيشوف فيها شوفة ديال اتحصلي تحصلي
فراح دلات شفايفها بإستسلام: ااووووف اه عندي فوبيا منو
بتاسم على حركة لي دارت و نطق :راه دروج فيهم ضو
فراح وساعو عينيها بفرحة: بصح صافي غير نعس انا انهبط تصبح على خير
هي ياله اتحرك تا وقفها صوتو لي بحال زلزال: اتهبطي هكا
فراح نسات راسها : و مال هكا
شافتو شاف فيها بتخنزيرة و كيطلعها و يهبطها هي طلات على راسها و شهقات بصدمة: هاااء ويلي شكون عراني
بدات كتخبي فصدرها تا سمعاتو كيضحك لي وهلة سرحات فضحكتو عجباتها بجهد
سيف الدين: هه انا لي عريتك
فراح تزنگات ولا وجهها حمررر: احم عطيني تريكو باش لبسو و نهبط
سيف الدين خنزر فيها و هز بين صبعو داك ديباردور: دبا هدا يسميوه ناس تريكو
فراح: ولكن اش ندير انهبط هكا
سيف الدين: بربي لا عتبتيها هكاك غير دوزي تنعسي تال صباح و تجيب ليك أحلام شي حاجة تلبسيها
مع كمل كلامو غمض عينيه مخليها تخطط و تفصل
فراح بعد مجهود نطقات: صافي بلا منعدبك انخرج نعس فلبيت لاخور
ياله خطات جوج خطواتو سمعاتو نطق و هو مغمض عينيه
سيف الدين: و بربي و تخرجي من بيت تا نقطع لمك رجليك
فراح شداتها لبكيا: ولكن
سيف الدين: فرااح دوزي تنعسي
هي قفزاات و بلا هواها مشات جلسات فوق ناموسية و نعسات فطرف بعيدة عليه باش متقيسوش مي هو كان ليه رأي أخور غير حس بيها نعسات حداها جرها لعندو و نعس ليها على صدرها خاشي وجهو فيه كيستنشق ريحتها و ليديه ضورهم عليها خاشيها فيه بحالا الى غتهرب
هي وسعات عينيه بصدمة و نطقات: س سيف
سيف الدين: راحة قلبو ششش خليني هكا
مزادتش دوات حدها غمضات عينيها بحالو و مكملات 3 دقايق تا كانت ناعسة مكيناش فهاد علام نتاقلات لعالم أحلام و تاهوا نفس شئ

🌞أصبحنا و اصبح الملك لله🌞
فاق عاقد غوباشتو على دقان و سميتو حل عينيه و جات نيشان فصدرها لبيض باسها فيه بوسة خفيفة و بعد عليها اول مرة يحس بحلاوة لفياق هز تيليفون ديالو شاف شحال ساعة كانت 9 صباح عقد غوباشتو دوز نمرة أحلام تا جوباتو عاد نطق بصوت خافت مناويش إفيقها و غوباشا عاقدها
سيف الدين: نتي لي كدوقي
أحلام بتوتر: اه
نطق و عينيه مزال عليها : فاقو
أحلام : لا مزال
سيف الدين : هبطي جيبي ليها حوايجها و طلعي
أحلام: واخا
قطعات معاه و هبطات هو حط تيلي و عينيه مزال عليها كان شعرها مليوح على لمخدة و ناعسة ببراءة بقا مراقب ملامح ديالها تا سمع دقان و هو يهبط كيبوس ليها فشفايفها بحنية و حيت هي نعاسها شوية خفيف دغيا حلات عينيها بقات هي حلاهم و سيف الدين كيبوس تا ستوعبات عاد شهقات وسط فمو
سيف الدين بتاسم بحنية و نطق بصوت باح باين ياله فاق من نعاس : صباح لحب
فراح بقات كترمش بزربة ما فاهمة والو او بلأحرى مبغاتش تفهم
سيف الدين ضرب ليها نيفها بصبعو: نوضي راه أحلام كينة فم لباب و جابت ليك حوايجك
ناض من حداها و هي مصدومة خرج من بيت و تم غادي لباب عريان من فوق لابس اسروال و شعرو مخربق حل لباب كتبان ليه جالسة فدروج كتسناه هو غير حل لباب خلاه ليها و تم داخل و نطق
سيف الدين: سدي معاك لباب و دخلي عندها راه فلبيت نعاس انا فدوش
أحلام حلات عينيها على وسعهم ملي تاهي لمحات لوشم حيت احلام برگاگة من طراز رفيع بقات تا ستوعبات و هي تسد لباب و دخلات لبيت مع ادخل اتزيد تصدم
أحلام: ويلي ويلي هي درتو شي فشي و نتوما تمعشقو و انا مخليني ناعسة و مناعساش
فراح تزنگات: لا راه و الله مدرنا شي حاجة
أحلام صغرات عويناتها فعنقها : لا باينة
فراح : اوووف تا نهبطو و نعاود ليك غير رتاحي  غير اري دغيا نبدل قبل ما يجي
أحلام حطاتهم ليها فوق ناموسية: هاكي اختي هاكي و نتي كلك معطوبة داكشي لي بداه تيتونة كملو سيف الدين
فراح بدات كتلبس و ياله بغات تلبس تريكو تا كتأوه حيت كتفها عطاها صداه
أحلام شافتها ناضت كتجري: اويلي مالك هنا
فراح كتزرب باغا غير تهبط ماباغاش تلاقا معاه مرگات: واتي تنهبطو غير زيدي
كملات حوايجها و خرجات كتجري و أحلام تابعاها
هو مع سدان باب دار حل باب حمام لاوي عليه فوطة على خصرو و شعرو فازگ تماشا لبيت نعاس كيبان ليه أليديه و ريح خلات غير حوايجها مرميين
هز شورط ديالها و ديباردور و نطق و هو مبتاسم: هربتي مي هانية هاهما هنا تا تلبسيهم مرة خرى و نحقق فيك مزياان
حطهم فلماريو و جبد حوايجو لبسهم كانو عبارة على تيشورط و سروال تجين و تجاكيطا بلقب فلجري و سبرديلا فلجري سالا حوايجو رش ريحتو و هز تيليفون و سوارت موطور و خرج عاقد غوباشتو متقولش هدا لي كان فرحان ملي كانت حداه فراح ياله ايحل باب دار تا كيبان ليه ادم تا هوا هابط لابس تيشورط كحل و سروال تجين و جاكيطا تجين خرج سيف الدين و خلا ليه لباب هو يسدو

يتبع...✏️