قصة بالدارجة المغربية🌹تحت عنوان🌹:#مصير عاشقين🔞

💞📝 بارت 119 📝💞

غير دخلات شهقات بصدمة و حطات ليديها على فمها رجليها فشلو عليها بزز باش قربات ليه كان حالتو حالا كلو مجروح و تحت عينيه زرق بالإرهاق و ضعاف على أخر مرة شافتو كان وزنو شوية تنقص راه بسيف سيد راه كيتحشش تا من شعرو ما تفكش منو كان محسنو تحسينة عادية مي جاتو ناضية بيناتو بعقلو مي واخا هكاك من شوفة لولة تعرفو واكل دقة لا من ناحية جسدو لا نفسيتو
حطات ليديها على راسو كدوز ليديها بشوية و عينيها ما سكتوش جا حداها أدم لي كان لا يقل صدمة على فراح بقا تاهو كيشوف فيه دازت مدة و نطق
ادم : ياله نمشيو قبل ما يجي شي حد
فراح شافت فيه بعويناتها لحمرين و شفارها لي فازگين نطقات بصوت مغنغن: شحال خاصو عاد يفيق من مهدئ
أدم نطق : 24 ساعة او أقل علاش
فراح شافت فيه برجاء و نطقات: عافاك عاوني نساخرو
ياله اينطق ادم تا شافها كتشوف فيه دوك شوفات تنهد و عاونها تا ساخروه غير بشوية على حساب لجبص لي فليديه و لبانضة لي فرجلو طلعات جلسات حداه و نطقات بأمر
فراح: غدا مع 6 صوني ليا و تسناني برة انجي لعندك
ادم شاف فيها بعدم إستعاب: كفاش اش كتقصدي
فراح : غانبات حداه و عااافاك بلا ماتعكس
ادم خرج عينيه بصدمة: واش من نيتك واش عارفة هادشي لي كاديري لاحصلوك ا اش غادي اوقع
فراح هزات كتافها بلا مبالاة و نطقات: و عااافاك راه متخافش 6 جي و الله تا نمشي قبل ما يجي شي حد
أدم ما متافقش: لا نوضي فحالاتك و الى وقعات ليك شي حاجة لولدك
فراح ميقات فيه بطفولة: وراني اصلا فسبيطار و راه واخا ماعرت اش فراه انبقا غير خرج و سد معاك لباب
ادم بقا غير كيشوف فيها كفاش ما حشماتش منو و نعسات حداه و هي معنقاه و ليد صحيحة ناعسة عليها تنهد و شاف فيها بقات فيه واخا هكاك
ادم: 6 صباح نصوني ليك
اومأت ليه و خرج هي بقات كتشوف فيه ضرها بزاااف فقلبها كتشوف حالتو كيف ولات نطقات و هي كتلعب ليه فشفافرو اما تا شعرو ما بقاش
فراح: علاش وصلتي راسك لهاد لحالة ااا تانا ماباغاش نكون بعيدة عليك مي راه حنا مجبوريين كان بإمكانك طلق مني عادي بلا هادشي مي نت ختاريتي طريق صعيبة ما عرفتش كفاش غاتكون حالتك ملي تعرف اني كادبة عليك ابسط حاجة هي عمرك تبقا دوي معايا حيت عارفاك ما كتحملش لكدوب
هبطو ليها دموعها على صدرو كيف شتا و كملات كلامها و هي كتشهق: الى ما قبلتيش تعالج راه بصح نيت انهرب غير باش ما نشوفش حالتك بحال هكا
سكتات شوية و كملات كلامها: فخبارك عندي ولد غادي يكون قالها ليك ادم عرفتي فرحت بزااف حيت انا متأكدة ايكون كيشبه ليك نت مي فلعينين شاكا ههه حيت كنبقا نشوف غير فبدر فهاديك لحظة كنت بغيتك تكون معايا فاش قالتها ليا مي مكتابش مي كون هاني واخا نطلقو عمري ما غنحرمك من ولدك
سالات هضرتها و طلعات شوية تا وصلات لشفايفو باستو بوسة خفيفة و بعدات مسحات دموعها بعد ما تأكدات منو بصح ناعس غير من تنفسو لمنتظم و مؤشرات ديالو لي ماتزادت ما نقصت من بعد هضراتها(راه اخت كتقرى بيولوجي داكشي علاش🙂)
نعسات على ليديه و غمضات عينيها بعد مدة كانت تاهي ناعسة بحالو