قصة بالدارجة المغربية🌹تحت عنوان🌹:#مصير عاشقين🔞

💞📝 بارت 78 📝💞

طبيبة حيدات كمامة و كتحيد فليگات و كتنطق: منكدبش عليكم لمريضة مامنتابهاش لصحتها مزياان حنا دبا اه قدرنا نقدو لجنين بصعوبة مي الى بقات كتصرف بحال هكا راه كونو اكيدين اتخصروه
أحلام شافت فيها بخوف: مي راه حنا راضين ليها لبال
طبيبة عقدات حواجبها: لا ابنتي مراضينش لبال انا اش قلت ليكم ديك لمرة راه خاصها تاكول مزيان و تنعس مزيان و راحة يعني دروج هما لخرين مخاصهاش كل مرة تبقا طالعة هابطة فيهم و من حالة لي وصلات لينا فيها باينة انها تحملات فوق طاقتها لا جسديا لا نفسيا حيت تا توتر كيلعب دور كبير
سيف الدين غير كيسمع و يسجل
نطق ادم: و دبا هي كيف بقات
طبيبة: دبا بيخير راه عطيتها مسكن ديال ألم امكن ليكم تخرجوها مي كونو متأكدين راه الى بقات على هاد لحالة غتخسر لجنين
اومأ ليها أدم بإيجاب و مشات شاف فسيف الدين لقا عروقو بارزين للحظة كان ايخصر ولدو مزال ممتيقيش
سيف الدين نطق بصوت جدي مي باين فيه لحزن: دخلو لعندها انمشي نكمل إجراءات باش نخرجها
و مشا قبل ميجاوبوه ،هما بقاو كيشوف فبعضياتهم فلخر تحركو لعند فراح
لي هاد أخيرة كانت مغمضة عينيها تا حلاتهم ملي سمعات لباب تحل بانت ليها أحلام و أدم داخلين بقات كتسنى واش أيدخل مي مابانش ليها
أحلام تقدمات لعندها شادا ليها فليدها: شوية دبا
فراح بتاسمات ليها ونطق بصوت عيان: شوية
سكتات شوية و كملات كلامها: فين هو
أدم نطق بجدية: فراح راه خلعتيه بزاااف عليك
فراح عينيها غرغرو و تفكرات حالتو كيف كانت ملي شافها هكاك: عارفة مي مقصدتش
أحلام تاهيا بجدية مي بنبرة حنينة: عارفينك مقصدتيش مي راه خاصك تردي لبال لصحتك و نتي كل نهار طالعة نازلة فدروج و زيدي عليها تا ليوما تقل لي هزيتي ميهزوش تا جون سينا
هنا أدم شاف فيها شوفة ديال ربطيها شوية ابنت ميمتي
أحلام ميقات فيه: زدت فيه شوية
فراح ضحكات نسات راه أدم ما قايلينش ليه
نطقات هي و أدم دقة وحدة: بزااف گاع
وياله اتجاوبهم تا كيشوفوه داخل مخنزر مادوا مع تا حد مشا ديريكت هزها و تم خارج بيها تا لاخرين فهموه و تبعوه
ركبها لور بلا ميشوف فيها عكسها هي لي كتشوف فيه نضرات لحب و ندم ،ركبها و سد لباب و طلع ركب حدا أدم هنا أحلام فهماتو مبغاش يركب حداها طلعات هي حداها و تكاتها على كتفها ديك ساعة أدم ديمارا تاهوا بلا كلمة و صمت سيد لموقف
فرانا لوطو حدا باب دار نزل عوتاني سيف الدين هزها و تم طالع بيها لدروج و هما تابعينو دخلها لطبقة ديال أدم حطها فبيت نعاس و خرج بلا تا كلمة هبط مع دروج و ركب فوق لموطور و كسيرا
سمعوه هما من لداخل عرفوه مقلق فراح شداتها لبكية ملي شافتو تعامل معاها ببرود و زائد ملي تفكرات هضرتها باش قالت ليه سير عند شي وحدة تبغيك تكون راجلها خافتو غير ليديرها بصح
أحلام و أدم شافو فبعضياتهم تنهدو و مشاو جلسو حداها دايرينها وسطهم
نطقات أحلام لي حطات ليديها على راسها: مالكي
فراح هزات راسها شافت فيها بحزن: مالو مشا بلا ميقول والو
أحلام بإبتسامة : اتلقايه غير شي حاجة شاطناه
فراح بنفي: لا حيت كون كان بصح كان ايحطني فدارو ماشي هنا ياك انا مرتو
أدم نطق بمزاح: ياك اشيطانة سخيتي بيا
فراح شافت فيه بحزن: لا مسخيتش بيك مي راه هوا مقلق مني و الله
أحلام داتها على هبالها: واخا ياله علاش ايتقلق منك راه خاصك نتي لي تقلقي منو الهبيلة
أدم نطق و هو مخنزر: واش باغا تشعلي لعوافي ولا شنو
أحلام خرجات عينيها مصدومة: انا هادي
أدم : لا انا
فراح شافت فيهم بجوج و وخرات شوفتها فأحلام: مقلق حيت قلت ليه شي هضرة بينات ليه انا مباغاش نزوج بيه و قلت ليه
سكتات سرطات ريقها ملي سمعات احلام نطقات
أحلام: اش قلتي ليه
فراح بتوتر: قلت ليه إمشي عند شي وحدة خرى راه مقصدتهاش بصح ولكن عندك يديرها بصح و يمشي عند شي وحدة انا و الله تا بغاه يكون راجلي
أدم خبط ليها نيفها بصبعو: ماتخافيش سيف الدين كيموت عليك نتي، عمرو يقدر يشوف فشي وحدة من غيرك الى ادا هنتيه فرجولتو و كبريائو فهادي اي راجل ميقدرش إسمح عليها
شاف فأحلام و نطق: راه لهضرة تا عليك نتي
أحلام تزنگات عرفاتو عارف بعلاقتها مع يوسف
فراح شافت فيه بحزن: ولكن راه هنتو انا لا
أدم قاس ليها حنكها: لا افراح مهنتيهش،راه غير خاف عليك و هو راه كيبقا إنسان و راه هادشي لي كيمر بيه راه فوق طاقتو خاصك تخليه على راحتو و توقفي معاه هنا فين كتبان زوجة صالحة
ياله أدوي فراح تا قطعاتها أحلام: وليتي كتبان ليا بحال أستاد تربية إسلامية ههه
فراح ضحكات
أدم هبط عليها لقرفادة: اتجمعي الأخت
أحلام كتحك عنقها: اااحح ابشوية عليك مالك مسموم
ادم خنزر فيها: اتجمعي
رجع شاف ففراح: دبا افراح تحلو لمشاكيل ادن حاولي تصلحي امور و تنساي هادشي لي عشناه فهاد لفترة و هادشي لي كلنا انحاولو ننساوه
فراح حركات راسها بإيجاب: بصح عندك الحق
أدم نطق بمزاح: فخبارك انتوحش ماكلاتك هه
فراح بإبتسامة : دبا نزوجوك بإسراء و تصدق ماكلاتها حسن مني
أدم بمزاح : لا ماكلاتك نتي فشكل هه
فراح وقفات غادا بشوية لجيهة بلاكار: اوى كل صباح جي فطر مع سيف الدين
أدم بتساؤل: جي؟؟
نطقات أحلام لي مشات تجري ملي شافتها هازا ڤاليزا: احااااي واش باغا تسطيني اشنو كتخو*ري واش طبيبة قالت ليك متهزيش تقل و نتي عاد مزايدة فيه
هنا فراح حسات بصهد طالع معاها شافت فأحلام و أدم و عضات شفايفها هنا ادم فهمها و حاول ميحرجهاش او بلأحرى بغا هاد لموضوع يتشرح ليها من طرف سيف الدين
أدم نطق بنبرة غباء مصطنع: علاش مخاصهاش تهز تقل
فراح تنفسات براحة و نطقات: راه غير حيت ظهري كيضرني
ادم بتاسم و نطق: اه اوى ولي ردي لبال لراسك
نطق محاول إبدل لموضوع: ياكما ناوية تغضبي فدار ماماك
فراح ضحكات تا تغمضو عويناتها: لا راه ناوية نسكن فدار زوجي
أحلام قرصاتها: هاي هاي على زوجي تسيفتي اشعيبية
فراح كتحك فقرصتها: احح قرصتك مسمومة ازمرة
أحلام : تجربي تا لعضة تا بربي تا هيا مسمومة
فراح بعدات: انا بالله و شرع معاك المهاوشة
أدم كيضك : هههه اوى صافي نويتي تهجري دار
فراح بتاسمات: منسمحش ليك الى خرجت منها انا و مدخلتيش فبلاصتي إسراء
ادم ناض عنقها: كوني هانية و كوني متأكدة واخا مبقيتيش ساكنة معايا مي راه وقت لي بغيتي دخلي راه دارك
فراح بعدات منو كتشوف فيه عينيها مغرغرين: اتبكيني ادحش بعد مني
أحلام حطات ليديها على حناكها: اويلي حي نتي اتبقاي ساكنة معاه فنفس دار غير طبقة لي غتبدليها و دايرة هاد لحالة
فراح بدات كتمسح دموعها: نتي مغاديش تحسي بهادشي اعديمة لإحساس من هادشي كلو اجي عونيني نجمع شراوطي
بتاسمات ليها فراح و بدات كتعونها و ادم جالس فوق ناموسية مرة مرة كيلوح ليهم شي نويطة كيخليهم ميتين بضحك

نمشيو لبلاصة خرى عند سيف الدين لي غير خرج مشا لداك جرف ديريكت هبط و تماشا شوية تا وصل حافة ديال جرف و جلس مراقب أمواج و لبحر حيت لبحر بليل ليه طعم خاص جبد گارو بدا كيكمي و كيتفكر هو ماشي مقلق منها لا مقلق من راسو حيت مقدرش إحميها كون خسرها كان أيتبعها مافيهاش شك ميقدرش إعيش بلا بيها بسباب عصبيتو كان ايخسر ولدو لي مزال تا متكون 100٪  رما لگارو و جبد واحد أخور شعلو و دماغو ما حبسش من تفكير مي لي كيزيد إجهلو كتر ملي عرفها تا هيا هاملة صحتها و ديما كيشوفها طالعة هابطة فدروج كون عرف راه عليها خطورة كون رجليها هرسهم ليها مي هادشي فات دبا مكاين لاش إفكر فيه و داكشي لي كان ديك ساعة ناض لايح لگارو عفط عليه برجليه و تحرك لموطور طلع و كسيرا راجع لدار

✨عند فراح لي سالات كولشي و طلع ليها أدم حوايج لفوق من زهرو غير ضور لبواني تحل لباب
هبط من بعد ما طلع ليها كولشي بانت ليه خارجة كتمشا بشوية عليها شاف فيها و نطق بمزاح: اااح و شحال توحشت ناموسيتي
فراح ضحكات و نطقات: ناري و متسكوتش تاندير بناقص و نبقا بوت نبت هنايا
أدم نطق بمزاح: لا الله ارحمبوك اطلعي لفوق
ضحكات فراح و تمات خارجة تا كتحس براسها مهزوزة تا غوتات
فراح كتشوف فأدم هازها نطقات بصدمة: اويلي اش كدير تا هبطني عندي رجليا
أدم نطق و هو كيضحك هو أحلام: شكون فحالك هازينيك كون لقيت لي هزني گعما نتكبر
فراح تاهيا ضحكات بلهلا يطريه ليها طلعها لي غير دخلو سد لباب و حطها مشاو لبيت نعاس و نطق
ادم: مهم انا مشيت نخليوك ترتاحي دبا
نطقات أحلام: ويه تانا عيت هاد نهار انمشي نطيح كاو قبل ماتجي نادية تزيدني نوجد لعشا لي هو فلأصل سحور
فراح ضحكات: صافي اسيرو تصبحو على خير
ادم و أحلام: تصبحو على خير
اوى خرجو و خلاو فراح ستفات حوايجها فبلاكار و حطات ميكاب ديالها فوق كوافوزة تاهوا ستفاتو ولات كتبان لغرفة فيها لمعة ديال انوتة
ناضت صلاة لعشا حيت كانت موضية حيدات زيفها و تا عبيتها بقات ببيجامة صيفية فايتة ركبة و نص كم تكات فوق ناموسية ناوية تساناه ساعات نعاس كان ليه رأي أخور مكملاش 3 دقايق تا كانت ناعسة

دخل لدار بان ليه ظلام و صقيل عرفهم نعسو سد لباب و تم طالع فدروج فداك ظلام معندوش مشكيل وقف فطبقة ديال أدم شاف فلباب و جمع قبضة ليديه هاهوا بدا كيتنادم معاه لحال حيت خلاها هنا ،نعل شيطان و كمل طريقو وصل لطبقة ديالو جبد ساروت بغا يحل لباب تعكس ليه تعصب ضور بواني تحل عرف راسو نساه محلول سد لباب بعد ما دخل تماشا ناحية لكوزينة هز كاس لماء نزل عليه دقة وحدة حيد تيشورط ديالو لاحو و تحرك بخطواتو وصل لبيت و حلو و تحل معاه فمو و عينيه بصدمة لدقيقة قال مع راسو راه غير كيتخيل مي عينيه يقدرو يكدبو اه مي نيفو لا كفاش اصلا يكدب نيفو و ريحتها مالية لغرفة
بقا واقف مدة كيحاول إستوعب، للحظة بانت شبه إبتسامة على فمو تقدم جيهة ديال بلاكار حلو و عوتاني تصدم بان ليه حوايجها مستفين هنا عرفها صافي ناوية تسكن هنا

يتبع...✏️