قصة بالدارجة المغربية🌹تحت عنوان🌹:#مصير عاشقين🔞

💞📝 بارت 53 📝💞

عند فراح لي غير هبطات دخلات و سدات لباب و مشات جلسات حداهم فصالون ساهية كل واحد و فاش كيدوي تا حطات ليهم فاطمة لعشا حيت مشا لحال
أدم شافها ساهية و هو يحركها و دوا ليها فودنها: فراح مالكي
فراح شافت فيه بنظرة حزينة: والو
أدم بشك : واش ضربك
فراح مسحات دمعة من عينيها: لا
ادم ياله ايدوي تا قاطعو عمر
عمر: ياله بسم الله
و داكشي لي دارو تعاشاو مجموعين و من بعد توادعو و كل واحد مشا لبلاصتو لي فراح غير دخلات لبيت جلسات فوق سداري و بدات كتبكي بحرقة كتحس بقلبها كيضرها و نفس تقالت عليها ،تم داخل بدر شافها فديك لحالة مشا كيجري جاب ليها لما دخل و سد لباب و عطاها تشرب
هي شرباتو بزز و عنقاتو كتبكي و دوي
فراح: منقدرش على هادشي ابدر كنحس بقلبي كيضرني مبغاتش تنسى ليا نظرة ديالو لي كانت كلها امل فيا باش نرجع على لهضرة لي قلت مي انا لا حلفت تا نحقق طلب بابا مي راه منقدرش نصبر راه كنبغيه أبدر منقدرش نتحمل هادشي واش انا انانية أبدر
بدر بدا كيدوز ليها على راسها بحنان و نطق: ششش متقوليش هكا افراح نتي ما أنانياش بلعكس ، راه كولشي أيتصلح أفراح غير ماديريش فراسك هاد لحالة
فراح بنفي: لا فات لفوت على هادشي تا حاجة ماغتصلح
بدر بعدها عليه و بدا كيمسح ليها فدموعها: لا متقوليش هكا راه ربي غايدير غير لي فيها خير كوني متأكدة
فراح كتافات فقط باش تحرك راسها
بدر جرها و داها لبلاصتها: نعسي دبا ليام لي غادي يبينو ليك كولشي صافي
و داكشي لي كان غمضات عينيها و نتاقلات لعالم أحلام و تا بدر مشا لبلاصتو و نعس معارفينش ليام اش مخبية ليهم

دازو 4 أيام على خطبة ،دازو أيام دغيا كيجريو طول هاد لمدة و أحلام كتجي لعند فراح تعاونها نهار و نهار تعاون مها واخا فراح كاين لي يعاونها مي مبغاتش تخليها بوحدها خصوصا ملي عودات ليها على أش وقع بينها و بين سيف الدين
ليوما لخامس كان يوم الأربعاء فاقت أحلام مع 9 صباح حيت كانت دارت مع أحلام إتلاقاو و يمشيو لافاك لي غابو عليها هاد ليامات ، مشات غسلات وجهها و حكات سنيناتها و بدلات حوايجها لبسات تريكو بيض شوية عريض خشاتو فصاية لي كانت بلكحل و بوط فلكحل تاهوا و بونية فلبيض و زيف فوق منها فلكحل ، رشات ريحتها و هزات ساكها لي كان فلبيض و خرجات من دار كانت أحلام تاهيا ياله خرجات لابسة كسوة سماطي طويلة فلباج و فيها حزام من جيهة لخصر و لابسة معاها سندالة صبع فنفس لون و ساك فلكحل و شعرها جامعاه
تقدمات ناحية ديالها تسالمو مع بعضياتهم و تماشاو غادين لوجهة ديالهم
وصلو لافاك و دخلو كل واحدة للفاك ديالها وصلا 13:00 كانو سلاو حصص ديالهم خارجة فراح تا كتبان ليها أحلام جالسة مع إسراء لي كانت لابسة سروال تجين و بودي فلغوز و ساك و سبرديلا و زيف نفس لون و تجاكيطا بشيبي كتسنط لأحلام لي كتعاود ليها
أحلام: اوى هادشي لي وقع
إسراء بعصبية: مريشتيهاش اأحلام بحال الى مدرتي والو
أحلام: راه كتبقا صحبتي مقدرت ندير ليها والو
إسراء غوتات: وااااع أتسكتي ولا نوض ريشك نتي
وقفات عليهم فراح : سلام
احلام شافت فيها : ساليتي
فراح حشمانة من إسراء: اه
إسراء نطقات متصنعة قلق: ياك انا متسلميش عليا
فراح بتاسمات: لا و واش مامقلقاش مني
إسراء ناضت سلمات عليها: لاش انتقلق منك ألهبيلة
فراح: حيت انتزوج بأدم
إسراء جراتها تا جلسات حداها و شافت فيها بإطمأنان: شوفي فراح انا عارفاك تانتي مجبورة على هاد زواج و نتي معليك والو
فراح شافت فيها و عينيها غرغرو: راه كان بإمكاني نرفض وصية بابا مي هدا (نعتات لقلبها) مقدرش و الله
إسراء عنقاتها: ششش صافي تا دبا مقلنا والو اتزوجو و بحال إلى ممزوجينش تا تلقاو حل و انا تايقة فيك نتي و أدم
فراح شافت فيها بإمتنان: شكرا بزااف و الله
سكتات شوية و كملات: اجي و كفاش قضية ديالك نتي و أدم
إسراء ياله ادوي تا كتشوفها دايزة و كتماشا بشوية كانت لابسة ديباردور فلكحل و فيه كتبة فلبيض و شورط تجين حد لفخاض فيه تقاطع و سبرديلا بيضة و شعرها خلاتو مطلوق هازا كتوباتها و كتماشا بشوية
إسراء وقفات : تبعوني نتوما
أحلام شافتها فين كتشوف و هي تشد فيها: لا لا ا إسراء صافي
إسراء خرجات فيها عينيها: و الله لا سكت ليها كونو هانين غير زيدو
و داكشي لي كاين مشات إسراء و تابعاها احلام كدعي فخاطرها و فراح تابعاهم ما فاهمة والو
دخلو لحمام بانت ليهم كتغسل فوجهها تسناتها تا سالات و دارت عندها
إسراء: على سلامة
مريم شافت فيها و هي تلمح أحلام واقفة و حداها فراح نطقات بصوت خافت: أحلام
مع سالات كلمة ديالها كتحس براسها مجرورة من شعرها هدي كانت إسراء لي جبداتها كتنتف و تعاود
إسراء: اا دوي يا لقح*بة يا خنزات بيطان يا لداخل ناوي و خارج حا*وي اش كتحسبي كر*ك غير قح*بة كتحلي رجليك لمن والا  هكا كتجازيها حيت دخلاتك لدارها دوي القح*بة
جات لعندها أحلام كتحول تفكها: واصافي ا إسراء راه هادشي فات عليه كتر من سيمانة حشومة طلقي من درية
إسراء مامفكاش: والو ليوم نقتل قح*بة مها
فراح كانت مصدومة ما فاقت من صدمة ديالها غير على أحلام لي غوتات عليها
أحلام: فراح عونيني
فراح مشات كتفك تا بعدوها عليها و خلاو مريم مرمية فالأرض
أحلام: واش من نيتك اصحبتي دبا تقتليها
إسراء: مزال مشافت والو
بقاو كيتناقشو تا سمعو فراح نطقات بخوف: ناري مالها
تلفتو و هو يتصعقو كلهم ملي شافوها مرمية على كرشها سخفانة و فيها نقاطي ديال دم فشورطها
أحلام بخوف: ناري قتلتيها
إسراء تاعي بدات كتقفقف: لا نتوما لي نتفتوها ماشي انا
فراح و أحلام خرجو عينيهم : حنا
إسراء : اوووف دبا أش نديري خاصنا نعايطو لشي حد
فراح شافت فيهم بانو ليها كلهم كيشوفو فيها: شوفو بلا متحاولو راه سيف الدين عندو غير موطور مكينش كيف إدير ليها
ديك ساعة شافت هي و أحلام فإسراء: هانتوما انشرح ليكم راه ادم عندو حصة دبا و نتي ختو حفضاه كتر مني و الله لا خرج منها
أحلام بغباء: اه كاينة
ضورات راسها جيهة مريم و ملي رجعات شافت فيهم بانو ليها كيشوفو فيها
أحلام: لا بلا متحاولو الى صونيت ليه و قلت ليه هادشي راه ايدينا لحبس نسيتو راه بوليسي
إسراء: و نسيتي راه كيبغيك
فراح: غير عيطي ليه ماغادي إدير ليك والو
أحلام بإستسلام : اووف واخا
بعدات منهم و صونات ليوسف لديك ساعة جوبها
يوسف: ألو حبيبتي
أحلام: احم ألو
يوسف: صافا عليك
أحلام بتوتر: الحمد الله ونت
يوسف: تانا بيخير احم بغيتي شي حاجة
أحلام شافت فيهم بانو ليها كيشجعوها و هي تنطق: تقدر تجي لعندي لفاك الى مكنتيش خدام
يوسف صغر عينيه بشك: علاش واقعة شي حاجة
أحلام بنفي: لا والو غير اجي مهم ملي توصل صوني ليا
ديك ساعة قطعات عليه خلاتو مافاهم والو و تاهوا ماشي من عاكزين ديك ساعة شد طريق
أحلام شافت فيهم: هاهوا جاي
فراح: علاش مقلتيهاش ليه
أحلام: بغيت نخليه تايجي و نصدمو
إسراء بفخر: إرضي عليك وليتي كتفكري
أحلام ميقات فيها : ومن ديما
مشات فراح جيهة روبيني خدات شوية لما فليديها و بدات كتخويه ليها على وجهها مي هي والو مكتحركش
فراح شافت فيهم: ياكما ماتت
إسراء بتقة: لا مستحيل
بقاو تماك كيتسناو مدة ديال ربع ساعة عاد صونا تيلي ديال أحلام
أحلام: الو
يوسف: فينك انا قدام لباب
أحلام:احم دخل عندي لداخل انا فلحمام
يوسف بخوف: واش واقعة ليك شي حاجة
أحلام بنفي: لا متخافش غير دخل
قطعات معاه و بقات كتسناه تا كتسمع دقان فلباب حيت كانت سدات لباب خافت لايشوفها شي حد و يصدقو فماهي و ما لونها ،حلات لباب و دخل بانت ليه إسراء متكية على لحيط(معلومة هو مزال مكيعرف إسراء) و فراح محنية على مريم واخا مبانتش ليه مريم معرفهاش شكون
يوسف بتساؤل: اش واقع
أحلام بتوتر: هو بصراحة سخفات هنا و مقدرناش نخليوها بوحدها
يوسف: شكوناهيا
أحلام: مريم
يوسف عاد فهم لبلان: متأكدة سخفات بوحدها
أحلام بلعات ريقها و نطقات: نتفاتها إسراء
يوسف بتساؤل: شكون إسراء
أحلام: احم كيبغيها ادم
يوسف بصدمة: كفاااش شكون كيبغيها
أحلام : ادم علاش
يوسف شد راسو حيت بصح تخربق: دبا بلاتي عودي ليا اش واقع من لول
أحلام: دبا إسراء باش عرفات داكشي لي دارت ليا مريم حلفاتها فيها و ملي بانت ليها نتفاتها و هي تسخف و حيت سيف الدين عندو غير موطور معيطناش ليه
يوسف قاطعها: و ادم ياك حبيبتو لي نتفاتها اوى يجي يفكها
أحلام بتوتر: أدم عندو حصة
يوسف نتف شعرو بعصبية: واااع اأحلام
مزادش معاها لهضرة تحنى هزها و تم خارج بعد ما نطق: تبعوني بتلاتة
و داكشي لي كان تبعوه كلهم كانت أحلام لقدام و لور جالسة إسراء و حداها فراح ناعسة ليها مريم على رجليها حيت واخا هكاك فراح بقات فيها خصوصا انها بانت ليها اصلا عيانة

وصلو لسبيطار خرجو كلهم و يوسف ضار هز مريم و سد لباب داخل بيها تا تلقاو ليه فرمليات عطاوها ليهم و بقاو كيتسناو تا سولاتو طبيبة
طبيبة: ممكن نعرف اش واقع ليها
يوسف بتوتر: كانت بيخير تا سخفات
طبيبة حركات راسها بتفهم: واخا دبا ندخل عند لمريضة و نشوف سبب ديال سخفة
خلاتهم طبيبة كلهم متوترين و يوسف مشا عمر وراق لي خاصهم إعمرو و رجع جلس حدا أحلام و على وعدو و سعدو بدا كيتسنى مدازش بزااف تا خرجات طبيبة
وقفو و تمشاو لعندها
يوسف: طبيبة واش كولشي مزيان
طبيبة بحنان: متخافش اسيدي راه بيخير درنا ليها تحاليل و عطيناها مهدئ من دبا ساعة يخرجو تحاليل و بيما نيت فاقت مرتك و ميكون عندك باس
يوسف: شكرا دكتورة
مشات طبيبة و مع غيضور كيشوفها كتخنزر نطق بتساؤل
يوسف: مالكي
أحلام بعصبية: علاش قالت ليك مرتك و مقلتيش ليها ماشي مرتي
يوسف بنفاد صبر: وا اش ندير واش وقت شرح ا أحلام راه تخيلي معايا سيدة كون ماتت فين اتوصلو نتوما بتلاتة
شاف فيهم كلهم و نطقو: راه اقل حاجة هي 5 سنين ديال لحبس
كلهم بلعو ريقهم ملي تخيلو راسهم فلحبس و ما كاين لا حرية لا والو
أحلام بندم: سمح ليا مي راه مقصدناش
يوسف بعتاب: لي عطا الله عطاه اأحلام
مشا تحرك جلس فلكورسي معصب منها و خايف عليها كون وقعات شي حاجة لمريم كون مشات فيها و تا دبا فشك لا ما فاقت و دعاتهم
احلام شافتو هكاك مشات لعندو جلسات حداه و حطات راسها على كتفو و فراح و إسراء تاهما كل واحدة في جلسات بقاو هكاك تا دازت ساعة و هي تم جاية طبيبة هازة تحاليل فليديها
تلقاو ليها و نطق يوسف: إمكن لينا نشوفوها
طبيبة بإبتسامة: اهاه ياله دخلو باش تكونو مجموعين ملي نحل تحاليل
اومأ ليها يوسف بإيجاب و دخل هو و أحلام و إسراء و فراح و طبيبة تابعاهم

يتبع...✏️