قصة بالدارجة المغربية🌹تحت عنوان🌹:#مصير عاشقين🔞

💞📝 بارت 41 📝💞

فراح حلات عينيها و بدات كتبكي: ع عافاك مدار هو و والو ماكانش ك كيقصد
سيف الدين ضحك فقصة: و مزاااال كدافعي على زا*مل
فراح شافت فيه بترجي و ياله أدوي تا كتحس بيه شدها من دراعها ليمن تا غوتات بألم و بصوت عالي
هو لي بلا ميحس شدها من دراعها غير سمعها غوتات هبط عينيه بإستغراب من غوتة ديالها حيت مزيرش عليها غير شدها ، وسع عينيه بصدمة من دم لي كيشوف حيد ليديه و هي تبان ليه كسوة مقطعة و تقطيعة شوية كبيرة وباينة جرحة ديال لموس ( حيت سيد خبير فلماس و جناوا🙄) هنا صافي ولاو عينيه حمرييين باين عليه عصاب تقيصيه يحرقك، شاعلة فيه لعافية واحد شعور هو براسو ماقدرش إوصفو
بعد منها و بدا كيمشي و يجي بان ليه واحد فاز شدو لاحو تا قفزات تم غادي لجيهة بيت نعاس ما باغيش إغلط فيها
ياله حل لباب لبيت نعاس تا قفزها بصوتو: و برب الكعبة و تحركي من تماك تا نحو*ي مك
و زاد بلا تا كلمة هي لي سمعات ديك لكلمة حمارت و صفارت گاع ألوان طيف دازو عليها
بقات مدة 5 دقايق واقفة فنفس لبلاصة عيات و بغات تجلس مي خافت تحرك و يديرها بصح( و الله إهديك هو قصد ليك تخرجي من دار ماشي تحركي من بلاصتك نيت🤦🚶)، هو دخل و وقف فشرجم كيكمي باش إهدن أعصابو ما باغيش إغلط فيها ،بقا هكاك تا كما تقريبا 5 گاروات تا حس براسو تهدن  و خرج غادي جيهة حمام كتبان ليه بقا فبلاصتها و حادرة راسها محاساش بيه ، دخل لحمام هز علبة ديال إسعافات و رجع خارج و بانت ليه باقية ساهية قفزها ملي نطق
سيف الدين : تبعيني
هي بقات غير كتشوف تا عاود غوت عليها عاد تحركات تابعاه وقفات حدا لباب ملي بان ليها جلس فوق ناموسية و حط علبة فوق كوافوزة وبقات كضور فعويناتها على لبيت عجبها بزاااف لبيت جاها رجولي بإمتياز خصوصا رائحة ديالو لي عاطية( اهديك الله ابنتي راك ماشي فوضع إسمح ليه تبرگگي 🤦)
شاف فيها بملامح باردة ونطق : أجي لهنا
فراح توترات: ااا
سيف الدين عقد غوباشتو : غاتجي ولا نوض نجيبك
هي بلا هواها مشات وقفات نيشان قدامو تا جرها و جات جالسة حداه( لي كيتساناني نقول جات جالسة على ركابيه الله إمسخكم اناقيصات الحنان🙂😌)
شاف فيها و هضر بصوت شوية عالي: خاصك تعرفي أني مكنحملش نعاود هضرتي جوج مرات و قد ما دخلتيها هنا ( ضرب ليها على راسها)دغيا أيكون أحسن سمعتي
فراح كتافات فقط باش تحرك راسها و عوتاني دازو ليها دموع بلا هواها تجمع ليها كولشي ماعارفة من رجليها من راسها
هز ليديه لي كانت مزيناها گورميطا ديال نقرة غليضة شوية و خاتم نقرة فيه صورة ذئب لي مكيفراقش صبعو مسح ليها دموعها و حط ليديه لاخرى حدا جرحة لي فدراعها و نطق بصوت بارد تحلفي عليه سيد گعما مسوق و ماشي هو لي شاعل فيه عافية
سيف الدين : مااالكي هنا
فراح براءة لي فيها خرجات عليها حيت بلا متحس بدات كتمسح دموعها و كتهضر: لا والو راه غير هو ملي عفطت ليه على رجلو جرحي هنا (نعتات ليه عنقها) ياكا و ملي بغا يدفعني صدق جرحني تا هنا( نعتات جيهة دراعها)مسكين مقصدش يجرحني( ويلي أفراح كون أخريتي و متقوليش ديك مسكين🙂🔪راه نتي لي مسكينة) 
اجيو تشوفو داك خونا لي ضرب فيها واحد مولاتي تخنزيرة على ديك مسكين مي جاب الله مشافتوش اما تكون ماتت بالغلعة
ضحك بفقصة و نطق: ايه و أش أخور
تا فراح ماشي من عاگزين مسكينة على نيتها كتعاود: صافي غيير هادشي و الله (سكتات شوية و كملات) شوف ( وراتو ليديها من لداخل) ملي دفعني طحت و تجرحت هنا و تا فركبتي شوف
نعتات ليه جيهة ركبتها وهي تشوف فيه بعويناتها لي فيهم دموع دلات شفايفها بطفولية : تقطعات ليا لكسوة و هي عزيزة عليا
صافي سيد داك لعصاب لي كان فيه حس بيه تمص ملي شافت فيه ديك شوفة، بلع ريقو تا تفاحة أدم طلعات و هبطات، بعد نظر ديالو لجيهة لعلبة هز منها بيطادين خوا شوية فقطن و دار عندها حط لقطن جنب فمها تا قفزات و غمضات عينيها ،هز عينيه بانت ليه مغمضة عويناتها قرب ليها و بدا كيمسح ليها كينفخ على لبلاصة باش متوعتش و مرة مرة كيقيس ليها شفايفها بإبهام ديالو بلعاني تا حس بيها تبورشات بتاسم بجنب فمو
هي كانت مغمضة عينيها تا حسات بنفس ديالو حدا فمها تبورشات خصوصا ملي شمات ريحة گارو مخلطة مع ريحتو رجولية جاتها فشكل حسات بيه بعد عليها و هي تحل عويناتها جات نيشان فعويناتو لي كيشوف فيها بواحد نظرة معرفاتش تفسرها لي عرفاه هي نظرة ديالو خلاتها تحس بالأمان هز سبارادرا لصقها ليها على جرح سالا و شد ليها وجهها بين ليديه و عينيه فعينيها ومرة مرة عينيه كيهربو لشفايفها لي توحشهم توحش طعم لعسل لي مداقو مدة بنسبة ليه دوز صبعو على شفتها سفلية و طلع عنيه فيها هي هبطات عينيها و عضات على شفايفها بتوتر
تنهد بشوية و نطق بصوت خافت غادي و كيقرب لفمها
سيف الدين : شحال من مرة قلت ليك متعضيهمش
بغات تدوي تا كتحس بيه باسها فوق جرحة و بعد
سيف الدين: هاحنا سالينا
هي ولات حمرة و مزنگة مي دغيا طلعات عينيها بخوف من هضرتو لي نطق بيها
سيف الدين: كنحلف ليك ان صباعو باش قاسك إتقطعو كوني هنية
فراح شدات ليه ليديه لي شادين وجهها : لا لا عافاك صافي راك عقبتيه بما فيه كفاية عافاااك
مع ديك عافاك دبلات عويناتها فيه و تغرغرو هي هكا طبيعتها معندهاش مع لعنف ديما كتخدم بتفاهم و مكتحملش لعنف نهائيا داكشي باش كتبغي ديما تفاهم باش تخرج بأقل خصائر
سيف الدين عقد غوباشتو : رااحة قلب سيف الدين تقاصت و بغيتيني نسكت
فراح شافت فيه بتساؤل: ااا راحة قلبك
سيف الدين فك لغوباشة ديالو و نطق بصوت حنين: اه حيت نتي أفراح من نهار دخلتي لحياتي و لقلبي وليت كنحس براحة لي عمري حسيت بيها داكشي علاش نتي رااحة قلبي
هي متكدبش ملي سمعات كلامو قلبها بدا كيضرب بزربة و فرحات بهضرتو مي دغيا توترات و بدات كضور فعويناتها و بغات تبعد گاع مي غير هو لي حكمها
فراح نطقات مبدلة موضوع مي كون غير منطقاتش: هااا و واش مغاداويش ليا تا هادي( نعتات ليه جيهة عنقها)
سيف الدين عرفها بغات تبدل موضوع مي بتاسم بمكر: اهاه علاش لاش حيدي زيف
هي شافت فيه و وسعات عينيها بصدمة: اااااا( شتي قلت ليك الأخت كون أمدويتيش🤷😌)
بتاسم بجنب فمو إبتسامة صغيرة مستحيل تميزها: هااااء و كفاش أندويها ليك و نتي دايرا زيف
فراح شافت فيه بترجي: صافي بلاش هيهيهي
ختماتت كلامها بإبتسامة غبية
سيف الدين تصنع لعصبية عقد غوباشتو و نطق بصوت شوية مرتافع: فراااح قلت ليك حيديه
فراح شافت لا مهرب و دارتها بليديها مادارها ليها تاحد دلات شفايها معلنة على أنها أطلق لبكية: هاء و لاش كتغوت عليا
سيف الدين بنفس ملامح: حيت قلت ليك مكنحملش نعاود الهضرة
فراح هزات كتافها و ميقات فيه جابت ليه ضحك كتبان بحال شي درية صغيرة معندهاش لعقل:واخا هكاك متغوتش عليا
سيف الدين بدا كيحيد ليها زيف ملي بدات كدوي معاه مي هي هامها غير هضرة گعما حاسة بيه بالعكس كانت معاوناه ملي كيتعنكش ليه: و كون سمعتي لهضرة من لول منغوتش عليك
فراح بدات كدوي و كتعبر بليديها: مممم دبا إلى سمعت متغوتش عليا ياك
أومأ ليها سيف الدين بإيجاب واخا معرف أش قالت ليه حيت دماغو دبا ولا غير مع شعرها لي كحل و گصة لي غير حيد ليها زيف هبطات ليها على عينيها نطق بصوت خافت ماسمعاتوش: مشاء الله
حيد ليها گصة على عينيها و هي عاد عاقت شهقات بصدمة و موسعة عينيها
فراح: هاااا إمتى ح حيدتيه
سيف الدين قهقه برجولة : هههه ملي كنتي كتعبري القطيطة
فراح ضربات طم مابقاتش عوداتها معاه حاجة وحيدة لي كدير هي كتهرب عينيها عليه ،هو عارفها متوترة مي بغا يوترها كتر و ربي كبير ، هز عوتاني بيطادين و خواه فقطن و بدا كيداوي ليها فعنقها سالا و دار نفس شئ ، شاف فيها ساهية و قرب لعنقها باسها من فوق جرحة تا قفزات
هي حسات برعشة و بلا شعور بعدات منو بشوية معوجة عنقها لجيهة لاخرى، سيف بعد منها و شافها كيف متوترة و مزنگة حس براسو دار إنجاز
حنحن بصوتو و عينيه على ملامح ديالها متزعزعوش: احم حيدي لكسوة
فراح وقفات بلا هواها و حالا عينيها على وسعها: ك ك كفاااش ن ن نحيدها
سيف الدين بتاسم بخبت: عجبني تفكيرك فين مشا مي باقي عليه الحال دبا،حيديها و اجي باش نداوي ليك ليديك و رجليك
فراح بدات كتفرك ليديها بالخلعة و حشمات حيت لأول مرة دماغها يخونها فتفكيرها سرطات ريقها و بدات كدوي بطفولة: هانت هاه شوف بلا منحيدها هاه شوف ليدي نطوي ليها كم بحال هكا( طوات كمامها) شتي و تا رجلي نطلع غير كسوة بحال هكا( طلعات كسوتها)
ياله جات تدوي تا كتحس بقرصة على خصرها تا غوتات
فراح : ااااي حرام عليك
بدات كتحك فلقرصة و هو جرها و مخنزر
سيف الدين: لا كون غير خرجتي عريانة حسن ، علاش ملابساش تحت منها
فراح من نيتها دوات: لا لا راه لابسة شورط وحق الله نوريك باش تيق
سيف الدين طالب عليها: اهاه انشوف
فراح ياله كانت أطلع كسوتها تا فهمات لبلان و حسات بحال تصرفيقة ضارت عندو ببطء كتشوف فيه مبتاسم بإستفزاز تا هي ضحكات ليه ضحكة غبية
فراح : هيهيهي بغيتي تقلبني عقت بيك
سيف الدين شداتو ضحكة تا بغا يضحك و هو يعاود يخنزر فيها: و دبا الى جا شي برد مجهد و طارت ليك كسوة گاع زوا*مل إتفرجو متلا ولا شنو (الله إهديك اسيف مشيتي بعيد راه و الله ماهنود حنا🤦🙄)
هي سكتات فضلات متجابوش بقات كتكمد غير فقرصتها
هو ضار عندها و شاف فجرحة لي فليديها كتبان ليه كبيرة شوية مي مغرقاش و توعد ليه بأحسن قتلة ايكولها بدا كيداوي ليها بزز حيت ست الحسن كانت كتقفز و تهرنن حيت كتوعت ،سالا ليها من ليديها طلع ليها رجليها و عرا ليها على ركبة و هرب نظر ديالو لرجليها سرط ريقو من ديما كيجدبوه رجلين نقيين و حميمر خصوصا مع رجيلاتها شوية مطيبزين كيشهيو بعد نظر ديالو تالف لحمها لي بيض باين امن رجيلاتها ،بدا كيداوي ليها و حاول باش ميشوفش ليها فرجيلاتها حيت إقدر إتهور
شاف فيها بعينيه لي باين عليه متوتر و نطق بصوت خافت و فيه رنة: اري رجل لاخرى
بعدات رجليها لاخرى و حطات رجليها تانية و يا ريتها كون مدرتهاش حيت جابت رجلها فوق قشاوشو وبحركة لا إرادية منو زير على رجليها
هي حسات برجليها فوق شي حاجة ماشي طبيعية بغات تحيدها تا كتسمعو نطق
سيف الدين: تحيديها نقطعها ليك من جدر
بلعات ريقها و رجعات تقادات و مع إحتكاك و داكشي مبقاش خدام بخاطرو غير سالا ليها دوز صباعو بنعومة من ركبتها تال رجليها لتحت
هي فلول حسات بتبوريشة مي غير قاس ليها رجليها لتحت تهرات و بعدات منو كضحك
سيف الدين شاف فيها كضحك عرفها كتهر ضحك تاهوا بلا هواه خصوصا ملي شاف ديك تقبة زين و شحال كتسالي معاه: ههه كتهري
كتافات غير باش تحرك راسها بإيجاب و تحيد كصتها
وقف و شاف فيها و نطق: متحركيش من تماك
حركات راسها بإيجاب بان ليها مشا جيهة بلاكار حلو جبد منو واحد بواطة طويلة فلكحل و عاود سدو تم راجع لعندها تا تحنى على ركبة وحدة هي تقادات فجلسة

يتبع...✏️