قصة بالدارجة المغربية🌹تحت عنوان🌹:#مصير عاشقين🔞

💞📝 بارت 133 و الأخييييير 📝💞

فراح غير حسات بيه بعد حطات صباعها على فمها لي كان كيوزوز و حمار ليها و تنفخ بقوة مصان نطقات و هي حشماتة تا من شوفاتها كتحاول تشتتهم
فراح: ااا احم هو بصراحة راه
سيف الدين هز صبعو دوزو ليها على شفتها كيمسح دم غير مسحو حط صبعو ففمو لحس دمها نطق و عينيه نايمين كيشوفو فعينيها : فراح راني موحشك بزااف
فراح حسات بقلبها كيضرب حدرات راسها و نطقات بصوت خافت : راه فيا احم هاديك
هنا سيف الدين عض شفايفو بغضب و لا ماشي وقتها هادي نطق بعد ما نتف شعرو بعصبية: ماشي وقت ضحك افراح
نطقات فراح و هي عاضة على شفايفها راه واخة دوزات معاه 8 سنين راه كتموت بالحشمة معاه : و الله ما ضحكت جاتني لبارح
سيف الدين تنهد و نطق: اوووف مالقات امتى
سالا هضرتو شاف فيها بانو ليها حناكها ايطرطقو بتاسم بحب هبط لعندها باسها فحنكها جرها جلسها فوق ناموسة و نطق: واخا رتاحي اندوش و نجي
اومأت ليه و داكشي لي دار دخل دوش برد على راسو و خرج لقاها باقا فايقة بتاسم ليها نعس حداها جرها تا جات ناعسة على صدرو نطق بحب
سيف الدين: نعسي اراحة قلبي نعسي
فراح بتاسمات و غمضات عينيها دازت مدة تا حس بيها نعسات عاد غمض عينيه و نعس، اه طول هاد سنوات و هاد لعادة باقة فيه ماينعس تا تنعس هي

🌞اصبحنا و اصبح الملك لله 🌞
ناعس تا كيحس بليديه كيتحيدو من عليها عقد غوباشتو و هو فنعاسو نطق بصوت باح و باين فيه نعاس و عينيه باقين مغمضين
سيف الدين: بربي و ماتغبر ياتا نوض نلوحك من داك شرجم لي مقابل معاك
إسلام حيد ليديه دغيا و نطق: وا راه بغيت نقول ليها صباح لخير
ياله اينطق سيف الدين تا سمع صوتها هي لي فيقوها من نعاس
فراح بحب و صوت خافت: حبيبي صباح لخير
حل عينيه بانت ليه شادا وجه إسلام و بغات تبوسو نطق بصوت لي خلاها تقفز و طلق من إسلام: فراااح
فراح شافت فيه و سرطات ريقها نطقات بصوت باين فيه لخوف ماشي عليها لا راه لي متأكدة منو شي نهار غادي يلوح ولدها فشي خلا مافيهاش : نسيت و الله
سيف الدين خنزر فيها و تحنى على شفايفها باسها و ناض حاقد على لوضع مخليهم بجوج راه عدوه لي يتحاك معاه فصباح حيت كيفيق خاسر مي هاد الأخ من نهار تبلز و هو محرمها عليه، راه كيبغي فراح اول واحد تصبح عليه هو براسو تا من لبنات ما كيبغيهاش تصبح عليهم باش فلخر إيشوفها ناوية تصبح على إسلام تال هادي لا
فراح شافت فإسلام و نطقات بتوتر: قفرناها
إسلام هز ليديه مسح ليها شفايفها زعما بوسة ديال سيف الدين و هو يبوسها فحنكها و نطق بصوت خافت: نوضي اماما صيبي ليه قهوتو قبل ما يخلطنا
فراح اومأت ليه و ناضت تاهي كتجري لبسات حوايجها و خرجات لعند بناتها لبساتهم اما تا إسلام لبس بوحدو هبطو لتحت عاد غسلو وجهم حيت الأخ شد ليهم طواليط
جلساتهم فصالون و دخلات لكوزينة توجد لفطور بيما فاقو هما حيت ديما كياكلو مجموعين
فاقو لاخرين و هبط سيف الدين تسناو تا جات صفاء و بدر عاد حطو لفطور و بداو كيفطرو تا سمعو دقان وقف ادم و نطق
ادم: انا نشوف شكون
مشا ادم يحل لباب و هما بقاو مجموعين نطقات أحلام موجهة هضرتها لبدر: اوى نت امتى ناوي دير لعرس
نطق بدر و هو كيخشي فوجهو: راه ماشي غير تزوجتي نتي بغيتي كولشي يتزوج
نطقات إسراء بشر: ياكما بغيتيني نعيط ليها و نقول ليها راه فسخ الخطوبة
بدر وحلات ليه بدا كيكحب عطاتو فراح لماء و نطقات: بسم الله عليك
بدر نطق بجدية و عينيه حمرين راه سيد تجيف: ارجعو ناس من لحج و ندير ليكم لعرس
(قصد فاطمة و عمر و رشيد و نادية)
نطقات احلام: هههه اوى ديرها من صباح راه إيمان مسكينة كتسنى غير امتى تعفي عليها
نطق بدر بصوت خافت لي سمعاتو غير فراح: راه انا لي تسنيتها تا تعفو عليا
قفزو كلهم ملي سمعوها غوتات بجهد
فراح: وااااع سعد
نقزات فراح من فوق سداري غادا لباب كتجري ملي لمحاتو واقف كيضحك هو و مريم و معاهم بنوتهم نهى و ياله وصلات عندو وغادي تعنقو سمعاتو نطق
سيف الدين ببرود: تعنقيه نقبرك
هنا ادم طلقها بواحد ضحكة عالمية فراح تلفتات لعندو و نطقات
فراح: سيف الدين
سيف الدين نطق بجدية: دويت
فراح عضات شفايفها مي ماتسوقاتش حاولات ما تقلقش ضارت لعندو سلمات عليه و عنقات مريم باست نهى هزاتها و نطقات
فراح: ناري علاش ما قلتوهاش ليا
سعد نطق بابتسامة: قالت لينا مريم نديروها ليك مفاجئة
نطقات فراح بابتسامة: و احسن مفاجئة و الله
دخلو لصالون تسالمو مع لكبار و دازو لصغار وصلو لعند إسلام سلمو عليهم تاهو و ياله اتسلم عليه نهى حبسها
إسلام: حبسي
كولشي تلفت يشوفوه اش كيصنع نطقات نهى بصوت طفولي و هضرتها لي معكلة بسيف و الاخت كابرة برى
نهى: عناس (علاش)
إسلام تحنى لعندها خربق ليها شعرها حريري و نطق بحب: حيت نتي مرتي خاصني نبوسك من هنا
سالا هضرتو و باسها فشفايفها تا كولشي خرج عينيه بصدمة الى واحد الأخ لي بتاسم بجنب فمو و نطق
سيف الدين: درية اسعد ولات ديالنا بلا مانحتاجو نعاودو لهضرة ملي تكبر
سعد بتاسم و نطق: على لقا حسن من ولد ذيب
ضحكو كلهم الى صغار لي مافاهمين والو و إسلام لي كيشوف غير فعوينات نهى و تاهي خدودها مزنگين كتلعب بليدياتها بحشمة حيت هي بطبعها حدودية و حشمات من تصرف إسلام حيت واخا صغيرة عارفة اش لي حشومة و اش لي عادي

دازو يامات و داز عيد الكبير على خير رجعات مريم و سعد و نهى لبلادهم لي بزز باش نهى تفرقات على إسلام جا عمر و رشيد و نادية و فاطمة من لحج دازو يامات من موراها و دار بدر و ايمان لعرس ولاو دبا مزوجين و بحال هكا دازو ايامهم

خارجين ناس من المطار بضبط مطار ديال مراكش كل واحد جار ڤاليزتو كانت هي خارجة دايرة نظاظر و كسكيطا مهبطاها مزيان خارجة و هازة ساك خرجات برى المطار وقفات شيرات لواحد طاكسي عطاتو لعنوان حيدات نظاظر و كاسكيطا و عينيها شر خارج منهم بتاسمات بإستهزاء و نطقات بشر
نسرين: هاني رجعت اذيب

            🌹النهااااااااااااية🌹
          💥 تمت والحمد لله💥

شكراااااا بزااااف بزاااف على تفاعل ديالكم معايا و على آرائكم و تعالق ديالكم زوينة و لوقفتكم معايا واخا كانت اول تجربة بالنسبة ليا و شكرا لقراءة قصتي المتواضعة و لمساجات ديالكم زوينين و كنتمنى نكون كنت خفيفة ضريفة على قلوبكم و بصراحة غادي نتوحشكم بزاااف و ان شاء غادي نتلاقاو فقصة جديدة و يقدر يكون جزء تاني لقصة على ديب صغير مي لكان تحت طلبكم طبعا و كنتمنى تعطيوني رأي ديالكم على قصة حيت أرائكم كتهمني ♥️🌹

مسموح نشر لقصة بس بعد اخد إذني و طاگيني فمنشور ياله باااي البنات 💋♥️