قصة بالدارجة المغربية🌹تحت عنوان🌹:#مصير عاشقين🔞

💞📝 بارت 7 📝💞

                   

بينما فبلاصة خرى و ماشي بعيد غير فدرب لي موراهم كتمشا شابة فعمرها 22 سنة رقيقة شوية و طوييلة شعرها قهوي واصل نص فضهرها كتمشا و تعوج( بحال مشية حمامة 🤣🤣) و غير كدور فعينيها قهويين و صغار فيما تشوف شي تيتيز تعض ففمها صغيور و غوز وجهها طويل و دايرة ماكياج خفيف لابسة شورط تجين قصير حد فخاضها و ميني بوط فحمر و سندالة ديال صبع مصبغة ضفار رجليها بلون تيشورط و تا ضفار ليديها و هازا ساك فلبيض وصلات لوجهة ديالها و قدات شعرها و دقات جوج دقات خفاف
نادية سمعات باب ياله بغات تنوض و هي تبان ليها أحلام غادا جيهت باب لابسة كسوة سماطي قصير حد فخيضاتها فلكحل و سندالة بلياج و ساك فلون سندالة و طالقة شعرها و مديراش ماكياج
أحلام : أنا أنحل
حلات باب و هي تلقاها و شكون من غيرها مريم صديقة عمرها منين عقلات على راسها و هما صحابات فحلوة و مرة و أي مشكيل عندها كتشاركو معاها تا كتلقا ليها الحل
بتاسمات و سلمات عليها: دخلي دخلي
مريم تمات داخلا: ياله أصحبتي راه غادي لقاو طوبيس عامر
أحلام: ماتخافيش غادي إيدينا أدم
هي سمعات سميتو عينيها لمعو بالفرحة و بتاسمات بلا متشوفها أحلام
مشات سلمات على عمر و نادية
أحلام : أنا جاية نعيط لأدم و نجي
مريم: واخا سيري
نادية: كيدايرة أبنتي و كيدايرة ماماك كولشي بيخير
مريم : و الله أخالتي تا كولشي مزيان
عند أحلام لي طالعة فدروج وصلات طبقة لولة و هي دخل كان عبارة عن 3 بيوت و صالون لي مدور بسدادر فلخضر  و كوزينة و حمام تمشات جيهت واحد بيت دقات جوج دقات و عيطات
أحلام: أدم دغيا راه حنا غادي نتعطلو
يله كملات جملة ديالها تا حل أدم باب و بانت غرفة لي كانت بلون باج و أبيض كانت نموسية مربعة و قدامها فوتوي فلباج و حداها كوافوزات من جناب بلقهوي و مقابل معاها ماريو كبير شاد من قنت تال قنت بفعل لبيت لي كبير خرج من بيت و ريحتو سابقاه كان لابس تيشورط فباج و سروال تجين كحل مقطع شوية من جيهت ركبة و سبرديلة فگري بارد و كاسكيطا فلكحل
أحلام: أنا اعباد الله لي بنت و ساليت قبل منك
أدم: على نتي محسوبة من بنات
أدم ضربها بجرية خلاها كتحلف عليه كون شداتو كون ريشاتو تبعاتو و سدات باب

لتحت⬇️⬇️

كانت مريم كتهضر مع نادية تا كتلمحو هابط من دروج صافي عينيها خرجو منهم قلوبة و سهات فيه فيقها من سهوتها غير هو
أدم حنحن : مريم ختي لباس هو يمد ليها يديه
مريم كانت ضاحكة أسمعات ديك ختي كحلات بالعما كانت ناوية سلم عليه بوجه مي تفكرات شحال من مرة حرجها و قمعها داكشي لاش فضلات سلم غير بيديها تفاديا لأي إحراج
مريم: لباس الحمد الله ونت
أدم سحب يدو بكل هدوء: الحمد الله
سد هضرة بهاد الحمد الله و هي تلتاحق عليهم أحلام لكانت كتشوف فأدام بنضرات قتيلة
أحلام: واش غنباتو هنا ياله نمشيو
أدم: طلعها و هبطها أش لابسة و محكرش حيت خارجة معاه و مغاديش إقدر إدوي معاها شي حد فحضورو 
ودعو نادية و عمر و خرجو من دار ركبو فلوطو ديال أدم و كسيرا لوجهة لافاك 💫

💥فبلاصة أخرى💥

و بضبط فدرب سلطان نيت مع 5 مساءا وقفات لوطو ديال يوسف قدام دار مكونة من جوج طوابق و سطح مصبغة بأحمر و أبيض و بعض ألوان باردة هبط من لوطو ديالو توجه لدارو حل لباب بساروت سد باب و تم داخل كل ما كيقرب لصالون كيسمع صوت تلفازة كتمجهد وصل و هز راسو كيلقاه جالس كيتفرج فعمرو 50 سنة شعرو مزيج بين خصلات كحلين و بيضين عينيه كحلين و حجبانو كحلين عندو لحية شوية مهملة مي جات معاه لابس تيشورط فلكحل و سروال فبرو مارين حنحن بصوتو رجولي تا كيضور عندو باه دار نظاضر و شاف فيه
رشيد: أهلا ولدي جيتي
يوسف حيد سبرديلتو و دخل باس ليه راسو
يوسف: كيف داز نهارك ألواليد
رشيد نقص صوت لتلفازة و دار عندو : الحمد الله ونت
يوسف: الحمد الله
وقف يوسف نطق قبل ميمشي: راه انطلع نتاكا شوية واخا
رشيد: واخا الله إرضي عليك
نساحب يوسف و طلع لفوق لي كان عبارة عن صالون و جوج بيوت واحد كبيير و واحد متوسط و حمام و كوزينة دخل لبيت لي مكون من ثلاتة ألوان رمادي بارد و مغلوق و زائد لون لبيض فيه نموسية فجنب و حداها كوافوزة و فجنب لاخور ماريو و تلفازة معلقة مقابلة مع نموسية حط حوايجو و بقا بوكسور خرج و تم غادي لجيهت حمام داز على بيت لي كان مفرش بسدادر بلباج عاد وصل لحمام

🌺فمنطقة أخرى🌺

بضبط مطار محمد الخامس نزلات طيارة🛬 على أرض الوطن، بعد مرور بعض وقت تم خارج بخطواتو معتادة وعضلاتو بارزين لابس تيشورط بلكحل بارز ليه نص لوشام لفيدو ليسر و سروال كحل مقطع من جيهت ركبة و سبرديلة نايك فلبيض و فيها كحل شاف ساعة فيدو لقها 5:45 جبد تيليفون و دوز نمرة
بقا حاط تيلي على وذنو كيتسناه إيجاوب مي والو تقطع خط و بدا كيتعصب عاود للمرة ثانية صونا يله كان أيتقطع خط تا كيسمعو جاوب بصوت باح باين عليه كان ناعس
يوسف: ألو
سيف الدين خصر عليه جوج كلمات : أنا فلمطار
متسناهش إرد عليه حيد تيلي من وذنو و قطع عليه خلا يوسف وسع عينيه بصدمة و قفز من بلاصتو
يوسف: واش أعشيري داوي بصح
تسناه إيجاوب ملي مجاوبش حيد تيلي من وذنو إيشوفو واش باقي دايز خط تا كيلقا غير ريح سيد قطع هنا يوسف جاتو لقوة دقيقة كانت كافية باش إستوعب أن سيف مكيتفلاش ناض بزربة لبس تيشورط بيض و مكتوبة فيه اديداس بلكحل و شورط ديالو فلكحل و سبرديلا كحلة(هادو غير مكحلينها🙂) هز سوارت لوطو و هبط فدروج دغيا بان ليه باه ناعس تمشا بشوية خرج و سد لباب بشوية باش ميفيقوش ركب فطوموبيل و كسيرا 15 دقيقة كانت كافية باش إوصل مطار فرانا هبط من لوطو و بدا كيقلب عليه ملقاهش تا كان ايصوني ليه و هو يلمح قهوة حدا مطار عرفو أيكون مريح فيها سد باب لوطو و قطع شانطي و تم داخل لقهوة و عينيه كيقلبو

يتبع ...✏️