قصة بالدارجة المغربية🌹تحت عنوان🌹:#مصير عاشقين🔞

💞📝 بارت 82 📝💞

خرج و سد لباب و هو ميت بضحك هبط من دروج و ياله ايخرج من دار و هي تبان ليه أحلام و رجع لعندها
أدم شد فأحلام: ياله معايا انعطيك شي سخرة طلعيها لفرااح احفضك
سالا هضرتو و تم جارها ماخالاها تا تفهم اش واقع طلع فلوطو و تحركو لسوق
أحلام بتساؤل: اشمن سخرة هادي
أدم : فراح بغات فريز و گلاص و حلوة لاكريم بجوج ديال فريز
أحلام كضحك : ومال راجلها ميجيبهم ليها
أدم بمزاح: وحيت انا سباب مشاكيل
أحلام بإستغراب: كفاش زعما
أدم بدا كيعاود ليها اش دار و كفاش تا فراح بداك كتوحم و تشرط عليه
أحلام ميتة بضحك: وسرك اش داك تقرب ليها لشي فريز
أدم : و اش عرفني ديالها
سكت شوية ملي وقف عند واحد محال و قبل ميهبط شاف فيها ونطق
أدم: على بالك فراح سولاتني على يوسف خليت سيف الدين ايعطبها
أحلام خرجات عينيها: ناري مسخوطة قفراتها
أدم دوا بإستغراب: مي علاش سولاتني عليه
أحلام شافت فيه بنص عين و نطقات : هانت انا غنقول ليك مي مضحكش
أدم بجدية: واخا
أحلام: احم بصراحة فراح كتوحم على يوسف مي ماشي كلو
أدم بإستغراب و صدمة: كفاش ماشي كلو
أحلام بلعات ريقها و نطقات: كتوحم على شفايفو كيعجبوها
هو هنا شرگات ليه بدا غير كيكحب و هي تصدمات بدات كتخبط ليه ظهرو و عطاتو لماء
أحلام: ويلي بسم الله عليك
أدم كيشوف فيها مخرج عينيها: واش من نيتك
أحلام شدات حناكها: ويه غير سكت راه مابقاتش غير هنا راه تا لبارح ملي كنا عند ماماها نهار كلو و هي كتشوف فبدر قالت ليك عينيه سطاوها
أدم مسح على وجهو : بربي تا هاد لبرهوش ايجي بحال شي قوس قزح انا من دبا قاد نتخيلو كفاش ايخرج عنين بدر و فم يوسف و زيدي تا تخنزيرة سيف الدين اتكون حيت اتولي تشوفو فصباح و ليل
أحلام بنفي : لا محال توحم على شي لعبة من عند سيف الدين
أدم بتاسم بإستهزاء و نطق: اوى ابتي كبيلة بدات كتعنق و تشمشم كشي سلوگية قالت ليك ريحتو واعرة
أحلام خبطات ليد مع ليد : لا صافي فراح اتسطا ما فيهاش
أدم حل لباب و كيضحك: ولكن كولشي على وحم لي جاها على شفايف يوسف ايقتلها سيف الدين مافيهاش ههه مهم بقاي هنا هاني جا
هبط تقادا ليها لفريز بانت ليه باتيسري مشا خدا جوج حلوات فريز و جوج شكلاط و رجع ركب
أدم عطاها ميكة: هادي ديال شكلاط دخليها لدار عند نادية و هادو طلعيهم لديك لحلوفة راه بانت ليا حاطة تا شكلاط امكن اتبغيه تا هو
أحلام حطاتهم و حطات تا لفريز لور: و فيناهوا لگلاص
ادم ديمارا: وراه تنشريه من حدا دار حيت ايدوب ليها
أحلام حركات راسها و هي تنطق: على بالك من دبا حاسة هاد لولد غيدخل علينا فرحة كبيرة
أدم بإبتسامة : ايكون ذيب بحال باه
أحلام سكتات و هي تنطق: ولا اتكون مشة بحال مها
أدم ضحك: تسمعك فراح قلتي عليها مشة تقتلك
سكتو تا نطقات أحلام: كفاش انديرو تا نقولوها لدار
أدم سكت و نطق: نخليو تا دوز جوج سيمانات و نقولو ليهم راه حاملة
أحلام : ولكن غتفرش حيت ملي اتكمل 9 شهور و تبغي تولد هما ايكون عند بالهم ياله 7 حيت راه دبا عندها تلت شهور
أدم: كينة هاد لهضرة، معرفتش تا نشوف سيف الدين اش ايدير
أحلام: راه سيف الدين مكيهموش گاع مي لا قال ليهم ديجا حاملة راه ايفهموها غلاط
أدم بجدية: مكنضنش حيت كولشي عارف فراح اش كتسوا
أحلام : اه عندك صح
سكتو و أدم سايق راجعين لدار