قصة بالدارجة المغربية🌹تحت عنوان🌹:#مصير عاشقين🔞

💞📝 بارت 32 📝💞

هو صافي كان أيهرس لباب تا كيسمع تيلي كيصوني شاف شكون لقاه باباه ضروري خاصو إيجابو
يوسف: ألو لواليد بغيتي شي حاجة
رشيد: سلام يوسف عافاك أولدي جي أنا فم دار من كبيلة و كنتسنا مجيتيش راه ساروت نسيتها
يوسف تعصب مي حافظ على نفس نبرة ديال صوتو: واخا هاني جاي
قطع معاه تيلي و دار لجيهة لباب شاف فيه و نطق مجهد باش تسمعو : مزاال مساليناش هاد الموضوع سمعتي مزال ما سالينا
قال هاد لكلام و خرج فحالاتو وهي بقات هكاك واحد لمدة تا تأكدات منو خرج و مشات لحمام طرفات حالتها و رجعات نعسات فوق ناموسية كتبكي تا داها نعاس

✨فبلاصة خرى✨

جالس و دايرين بيه تلاتة دراري تقريبا فعمرو ياله تعرف عليهم غير فلموت ديال باباه جالسين و كيتكيفو لحشيش تا نقز هو و نطق
بدر: عطيوني نجرب
نقز دري لي حداه (محمد): لا هادشي قاصح عليك
بدر مرضاش: لا غير عطيوني نجرب
نقز دري أخور(أسامة) : هكا جرب مي بدا غير بلگارو أما لحشيش باقي ليك شوية
بدر خدا من عندو لگارو بدا كيدورو بين صباعو و هي تجي تصويرة ديال باباه فبالو مي دغيا نفضها ملي دري (أحمد) شعلو ليه
بدا كيوريه فطريقة و هو يزعم و جربها مرة لولة تخنق و بدا كيكحب
بدر: كح كح كح أش هدا كح
محمد كيضحك : قلت ليك قاصح عليك
أسامة : گاع بدينا هكاك غير كمل أتجيبها
بدر حاول مرة خرى مصدقاتش ليه مي غير دارها مرة تالتة صدقات
أسامة: شتي قلناها ليك أعشيري
بقا كيكمي و تبويقة بدات كطلع معاه مي داكشي لي بغا إنسى عاد مكيتفكرو تا كيوقف عليه حاقد و غير مخنزر  خدا ليه لگارو و طفاه
بدر  بدا كيعاير: و خونا واش من نيتك
عمران وقفو و شدو من عنقو لور و نطق: اش هاد نم أز*بي
بدر حيد ليه ليديه و نطق: ماشي سوقك ديها فكر*ك
عمران عقد حجبانو و نطق
عمران: اه ماشي سوقي و مغاديش ندخل مي دير فبالك إلى حصلتك بقيتي حطيتي هاد قلاو*ي ففمك بربي تنخسر ليك كمارتك و هاني علمتك
ختم كلامو بضربة لراس بدر و كمل كلامو: و دبا ياله خيمتك
بدر بقا غير كينخنزر شاف تعيا و مشا ميقدرش إتزايد معاه فلهضرة تعارفو غير هاد يامات مي ولا عارف طبيعتو
غير مشا بدر و هو يدور ليهم عمران و شبعهم معيار و نطق أخر جملة قبل ميمشي تاهو
عمران: توصلني خبار بيلي شي زا*مل عطاه شي حاجة تا ديك ساعة هضرة خرى

🔥فبلاصة خرى🔥

فواحد الگراج كبير و مظلم فيه شرجم صغير بالكاد مدخل شوية ضو ديال قمر بحكم كانت ساعة 23:00
تيتسمع أنين خفيف ديال شخص مي تا حد ميقدر إسمعو حيت كان لگراج فواحد إيقامات ياله تبناو مافيهمش سكان
تحل باب الگراج و هو يبان شخص لي كان معلق من ليديه
تم داخل سيف الدين و معاه كل من أدم و يوسف بخطاوات موازنة سدو من موراهم گراج و شعلو ضو، كمل سيف الدين خطواتو تال عند شخص لي كان حادر راسو هزو ليه من شعرو مجهد و هو يبان ملامح وجهو لي كلها تمسحات من ضرب يوسف ليه وجهو كان كل عامر بدم متقدرش تفرز فين كانت دقة
ضرب ليه على وجهو واحد ضربات خفاف و نطق
سيف الدين: وا عشيري فيق
ياسين كاتافا فقط باش يحل عينيه و يسدهم، سيف الدين شاف فأدم و هز راسو و هو يتم خارج أدم شوية و تم داخل و هز معاه سطل ديال لماء خداه من عندو سيف الدين و خواه على ياسين تا شهق هز راسو و بدا كيشوف قدامو و شكون هاد أشخاص لي بقا عاقل غير على يوسف لي ضارب هو وياه عفوا بغيت نقول لي ضربو و لكن شكون هو معرفش نطق بصوت خفيف و متقطع
ياسين: ف فين أنا و ش شكون نتوما
سيف الدين خنزر فيه تا سرط ريقو و هو يسمعوه نطق
أدم: دبا بلا منبقاو مطولين قول من لخر فين كتعرف ختي أحلام
نقز يوسف بالغوات تا ضارو عندو دراري: ولاش كنتي شاد فيها
تماشا جيهتو تا وصل ليه و قرب وجهو ليه و عينيه حمرين و كمل هضرتو: ولا نقتل مك هنا و نخلي لكلاب ياكلوك
أدم تحنا تا لعند يوسف و نطق بصوت غير مسموع سمعو غير هو و سيف الدين
أدم: أحم عشيري شتك تأترتي بلهنود بلا متحمس أشريف
يوسف ضار عندو و خنزر فيه و أدم تكمش عرف لبلان مامسلكش و لي مبغاش إتفهم ليه ياك هو غير شد فأحلام باش إشرح ليها على حساب ما قال ليه سيف الدين إوى لاش هاد روينة كلها
سيف الدين محافظ على لهدوء ديالو تا سمعو نطق
ياسين بضحكة ديال إستهزاء: و ملي متيقينش فيها لاش كتخليوها خارجة بلباس ديال لقحا*ب
أدم هز ليدو مسح على نيفو بصبعو إبهام و نطق: لا لا هدا بصح خصك تحمس معاه
مع سالا هضرتو مع ضربو لكرش تا تزوا و خرج ليه دم من فمو
سيف الدين مشا جاب كورسي و جلس مقابل معاه و غوباشتو هي غوباشتو مكتبدلش حط مرفقو على ليد كورسي و تكا بوجهو على ليدو و حاضي فيلم
يوسف هز ليه راسو و ورك ليه على دقنو و نطق: أخر مرة أنسولك اش بينك و بين أحلام و أش وقع بيناتكم ولا قسما برب الكعبة و تكدب يا بربي تا نقتل زا*مل بوك و بلا منحن فيك
ياسين عرف راسو طاح مع ناس الغلط و نطق : ما بيناتنا والو كنت عرفتها هي و مريم فلافاك و بقينا على تواصل مجموعين و شحال من مرة طلبت منها نكونو فعلاقة ولكن..
مزال مكمل هضرتو نزل عليه يوسف بكروشي لوجه
يوسف: ياله كمل
ياسين تسخسخ ولا طالب غير سلاك مي نطق فخاطرو قبل ميكمل هضرتو: غادي تندمو على هدشي كلو
ياسين: و لكن مكناتش كتبغي و انا هادشي دبا كنديرو حيت بصح كتعجبني ( لمح يوسف جمع قبضة ليديه و بغا ينزل عليها تا شدو غير أدم) مي قبل فلول كنت كندير هادشي على قبل مريم حيت هي حولات تغويني و انا حيت راجل شهوتي غلباتني
غوت أدم تا خلعهم و يوسف شد فقلبو
أدم: اااااه كنت عارف ديلمها قح*بة كنت متأكد غير من دوك شوفات لي كانت كدير فيا
ياله بغا يكمل هضرتو تا لمح سيف الدين خنزر فيه
و يوسف نطق: بغيت ليك عجز جنسي مال مك على ديك الغوتة
أدم: أحم أحم سموحات الإخوان إمكن ليكم تكملو
ياسين معرف راسو واش مخطوف ولا فمسرحية
أدم : واشريف و قلنا ليك كمل
ياسين: أااا واخا مهم باش غواتني على قبل حلوة وافقت مي من بعد كيما قلت وليت كنسولها على قبلي تال ليوما ملي جيت عند مريم و هي دخل علينا أحلام مي ملي مريم بينات وجها حقيقي لأحلام خصرات عليه جوج كلمات و خرجات و أنا حيت مبغيتش نخسرها خرجت تبعتها و حاولت نوقفها مي مبغاتش، كتقول ليا راه ما بيناتنا والو و حياتك هديك و صافي تماك فين جيتو
سالا هضرتو و نزل عليه يوسف لكرش جوج كروشيات و نطق
يوسف: 1 حيت تماديتي معاها و شديتي فيها و تانية حيت كطلب منها طيح معاك
نزل عليه أدم تا هو لوجه تا ولا ياسين كيحل عينيه بصعوبة: و هادي حيتاش قلتي على ختي قحب*ة ( شاف فيه يوسف بمعنى ياك كبيلة ضربتيه) و راه أعشيري متسرطاتش ليا
سيف الدين داز كولشي على عينيه غير سالاو و هو يتم غادي لعندو و كيحيد فساعة ديالو عطاها لأدم وصل عندو و شد ليه فراسو لور و نطق
سيف الدين: دبا حنا أنطلقوك مي توصل هدشي لشي ز*امل ولا تبقا تحادي أحلام ديك ساعة هضرة خرى
ياسين بتاسم إبتسامة باهتة و فلمقابل تا سيف دار إبتسامة إستهزاء
تا تسمعات غوتة ديال ياسين لي من موراها سخف مقدرش إستحمل الألم
كان سيف الدين لي غفلو و هرس ليه ليديه ليسرية تا دازو ليه دموع و نطق تحت سنانو
سيف الدين: و مرة خرى شوف باش تقيسها
ادم كيشوف فيه مصدوم أما تا يوسف برد ليه قلبو
أدم: سيف اش درتي
خدا من عندو سيف ساعة و نطق
سيف الدين: فكوه باش نديوه
يوسف بدا كيفكو بلا ميسولو و تا فاق أدم من صدمة ديالو و مشا عاونو
تمو مخرجينو لبرى و لمحو سيف الدين حال ليهم لوطو و كيكمي ماشي فهاد لعالم بغاو إدخلوه لور تا كيسمعوه نطق
سيف الدين: أراوه هنا
أدم ممتيقش هاد صدمات لي وقعو ليه حل ليهم سيف الكوفر و هما حطوه فيه ركب سيف الدين القدام حدا أدم و يوسف لور
طول طريق و صمت سيد الموقف تا وصلو حدا واحد لابواط و هو ينطق
سيف الدين: دور مورا لابواط و وقف
أدم دار داكشي لي قال ليه وقف و هو ينزل سيف الدين بقا حوالاي شي 3 دقايق مراقب مكان تا تأكد بلاصة خاوية و هو يدير إشارة ليوسف لي خرج و هز معاه ياسين لاحوه حدا باب لوراني ديال لابواط و ركبو و كسيرا
هادشي كامل داروه و كانو غافلين على تيلي لي كان كيصورهم

وقفو حدا لقهوة لي موالفين إجلسو فيها دخلو بتلاتة ( دايرين بحال فتيات القوة🤣🤣) جلسو و طلبو داكشي لي بغاو و هو ينطق
أدم: دبا شناوا و إلى ديكلارا بينا
نطق سيف الدين لي كان كيتشيش جابها ليه دري لي خدام فالقهوة: ماغادي إقدر إدير والو كون هاني
جابو ليهم لقهوة و بقاو ساكتين و بعد مدة نطق يوسف بعد مجهود و تشجيع لي دار لنفسو
يوسف: سيف الدين بغيت ندوي معاك فواحد الموضوع
شاف فيه سيف الدين و أدم و كمل كلامو: ضروري
سيف الدين : كنسمع
يوسف متوتر تقول معرت أش أيقول : أحم فصراحة هو كيف شتي
قاطعو أدم لي ميت عليه بضحك: ههه تا طلقنا أعشيري تقول باغي تخطب
يوسف شاف فيه و سرط ريقو و نطق فخاطرو: أحنا أنشوفوك نت أش دير
شاف فسيف الدين لي مكيشوفش فيه : هو فصراحة أحلام
ياله بغا يكمل كلامو تا قاطعو سيف الدين

يتبع....✏️