قصة بالدارجة المغربية🌹تحت عنوان🌹:#مصير عاشقين🔞

💞📝بارت 37 📝💞

 

فراح سرطات ريقها و شدات فإيمان لي كتبان تسنطيحة و هي غير خاشية وجهها واحد خوافة منها ما كاين
تقدمو ناحيتهم ،فراح و إيمان بقاو جوج خطوات لور خافو
تيتونة هز راسو شاف عمران و بتاسام بإستهزاء : فين اساط غبرتي
عمران : عفا الله
تيتونة: هههه و بغيتيني نتيق
عمران ربع ليديه و نطق : تيق ولا لا شغلك هداك ( تلفت جيهة بدر ) شي ناس إمكن خليتيهم مشطونين عليك
بدر: عمران الله إرحمباك قيلني عليك راني مغير امعا دماغي
عمران نطق بعصبية: و نمي راك غادي لهوية بهادشي لي كتدير راه مانفعاك فوالو غير بخسران فلوس
تيتونة قاطعو: ونت اش دخلك سيد بغا انسا لهم و يسافر نت أش دخلك
عمران قرب ليه ناوي على يخ زيت واخا عارفو هو غدار مي دمو إحرقها معاك
بدر شاف قاضية ممسلكاش و هو ينطق : عمران عافاك سير دي فراح و إيمان من هنا
هو سمع سميات دريات و تلفت جات عينيه فعينيه فراح نيشان، ياله رد ليهم لبال تقدم ناحيتهم و هضر
تيتونة: ياااه زبدة عندنا فدرب و أنا مفخباريش
ختم هضرت و مد ليدو بغا إقيس ليها حنكها تا جراتها إيمان و جات قدامها
إيمان: مالنا أعشيري منخافوش
تيتونة ضحك بفقصة: هاهي لبوءة جات فين غبروك علينا
ختم كلمتو بغمزة ، تا جا عمران و دفعو بغفلة منو و نطق
عمران: دريات فرقهم عليك و حاجة خرى هاد خونا( نعت لجيهة بدر) تبقا تبيع ليه شي لعيبة بربي تا لحناش إحضرو عندك سمعتي الأخ
تيتونة جمع قبضة ليدو و تقدم جيهتو : كتهددني أعشيري و فقنتي
غمزو و كمل كلامو: مخفتيش على راسك
عمران رد ليه لغمزة : موت وحدة أعشيري لي كاينة
ياله أيدوي تيتونة تا كيلمحها مشات عند بدر و جراه معاها
فراح شدات فبدر و نطقات: عافاك ياله نمشيو بلا شوهة و غلاوتي عندك
هاد جملة لي قالت لي خلات بدر ساكت غادا هي وياهم حادرة راسها تا كتحس براسها مجرورة
هو لي متسرطاتش ليه جرها عندو ضهرها عند صدرو خرج موس ماضي من جيبو دارو نيشان على عنقها
تيتونة: بغيتو تمشيو راه طريق مي ضروري تخليو ليا هاد تيتيزة
بدر كيشوف فختو و فلحالة لي وصلات ليها كيندم راسو على هاد لحالة لي وصل ليها
بدر: عشيري طلق ختي و خلينا نتفاهمو
تيتونة ضحك بإستهزاء كيدوي و يحرك لموس على وجهها كيلعب بيه : ههههه من نيتكم نخلي هاد زبدة و ندوي معاكم نتوما غير سيرو إلى بغيتو اما هي بربي لا مشات
فراح ماتت بالغلعة غمضات عينيها كطلب ربي ميوقع ليها والو حلات عينيها بانت ليها إيمان كتنعت ليها جيهة رجليه و كدير حركة برجليها زعمة عفطي عليه حركات راسها بلا خايفة لا تصدق فشي حاجة مي مع نظرات إيمان زعماتها هزات رجليها و عفطات عليه تا دفعها و جات طايحة على الأرض هادشي لي خلا ليديها و رجليها يتحردو مع أرض و كسوتها تقطعات من جيهة ركبة مي من سوء حضها ملي عفسات عليه بلا ما يرد ليها لبال جرحها فعنقها مي جرحة صغيرة و ملي بغا إيلوحها صدق جارحها بلموس فدراعها ليمنية وقفات و كتسوس حوايجها
هو غير ستوعب أش دارت ليه تعصب و عينيه حمارو تم غادي ليها غير وصل ليها هز ليديه و صرفقها تا عينيها دمعو و مع كان داير خاتم جرحها فجنب فمها ياله ناوي إيزيدها وحدة خرى تا تم جاي ليه عمران و بدر شدوه ضربوه تا طاح فالأرض و كيغوتو على إيمان و فراح إمشيو
بدر: فرااح سيري جري نتي و إيمان
فراح بقات مصدومة تا كتحس براسها مجرورة ياله بدات كتجري هاربة هي وياهم تلفتات تا كيبان ليها ناض من الأرض و تابعهم
بقات كتجري و مرة مرة كتلفت تشوف وبلخلعة خرجات فحيط تا داخات و كانت أطيح كون ما شدها من خصرها بلاتي اه راه ماشي حيط فاش خرجات راه غير صدر سيف الدين هداك عرفاتو من ريحتو واخا ماعرت فين تمشي و شحال من ريحة تشم مي ريحتو تعرفها سرطات ريقها و بعدات عليه شوية جات عينيه فعينيها لي عامرين بدموع دغيا لمحاتو عقد غوباشتو و عروق جبهتو برزو و مع حاطة ليديها على صدرو حسات بشنج لي وقع ليه غمضات عينيها و حلاتوهم كتلعن فراسها و فبدر لي وصلهم هاد لحالة