قصة بالدارجة المغربية🌹تحت عنوان🌹:#مصير عاشقين🔞

💞📝 بارت 127 📝💞

سيف الدين تحنى ناحية شفايفها و نطق بصوت خافت بحال فحيح أفعى: هداك لي حارماه كتر من 3 شهور دبا
و ياله اتسولو تلاح على شفايفها بجهالة كيمص و يبوس فشفايفها لي تحرم منهم كانو بحال لادروگ بالنسبة ليه خاصو اداوم عليهم كل نهار مي دبا تحرم منهم ما غادي افكها تا يفدي فيها نار شوق ديالو ،جر ليها شفتها لتحتنية بجهد تا سال ليها شوية دم دوز عليه لسانو و نطق بعينين معسلين
سيف الدين: اااحح حلووة كيف ديما
هي فمها كتحس بيه بدا كيوزوز مي متكدبش تاهيا متوحشاه لواحد درجة لي بزااف دلات شفايفها و نطقات بدلال طفولي ما متصنع ما والوو
فراح: حراام عليك شوف اش درتي
سيف الدين خشا نيفو فعنقها كيدوزو بحناان نطق بمرارة: و شوفي نتي نيت اش درتي
سالا كلامو نعت ليها جيهة لمعلم و تاهي من نيتها متبعة بعينيها تا كيبان ليها منعت تماك دغيا هربات عينيها و بدات كتلون هو ضحك و رجع لعنقها نطق
سيف الدين: كتحشمي زعما
ما جوباتوش اصلا لسانها راه تحلف عليه تا تسرط هو منساجم فعنقها تا حيد منو حااقد و عاقدهم ملي حس بيها كدفعو ملي شاف فيها نطقات بتوتر حيت عاارفة مزياان ما كيبغيش لي يحبسو ملي يكون غارق فيها و اصلا راه هي باقا نفيسة ما بغاتوش اتهور مي ماعرفاش راه هو مريگل عليها
نطق سيف الدين بغضب: اش كاين
نطقات فراح بتوتر: إسلام
سيف الدين تلفت ليه و بان ليه لولد خارج عقلو يااه واش لهاد درجة كيسكر و كيغيب ملي يكون فحضنها و ملي يشم ريحتها غوتة من غوتات إسلام ما وصلاتش لمسامع ديالو تا قالت ليه راه كيبكي  ،مسح على وجهو بغضب و نطق و هو كيشوف ففراح
سيف الدين: لاش ولدتي لاشااا
فراح خرجات عينيها بصدمة ما تيقاتش داك نهار فسبيطار انه كيغير عليها من ولدها راه شي حاجة بزاااف تقدر كون ما كانتش كتعرفو و تقالت ليها على شي حد اخور تقول عليك بسايكو مي هي عارفاه مزيااان و عارفاه بعقلو سرطات ريقها و نطقات بتوتر
فراح: ااا
سيف الدين نطق بجدية: انا ملي جبت رضاعة الى و خاصو يولفها بزز منو عندك ضسريه على بزولتك راه يا ويلك افراح
سالا هضرتو و تحنى لعند إسلام كيبوس فيه و يضحك معاه تشوفو تحلف عليه واش ماشي هو لي دوا دبا ،هو اه ما كيحملش فراح تبقى قريبة ليه كتر منو و لكن هادشي ما كيمنعش عليه هو يكون قريب من ولدو راه غير من لبارح لدبا يشري ليه و يجيب ليه و لكن فاش كيشوفها كترضعو و لا تبوسو كيجهل
باسو بوسة طويلة و بعد منو كان ناعس شاف ففراح و نطق
سيف الدين: ياله نخرجو برة راه جات حشومة
فراح نطقات بإبتسامة: راه خاصني نخرجو معايا منقدرش نخليه بوحدو
اومأ ليها سيف الدين هزاتو و نطق بجدية : اريه ليا نتي راك عيانة
فراح بتوتر: ولكن راه ليدك نت مريض
سيف الدين بتاسم مي بقا محافظ على نفس الجدية: غير اريه ماتخافيش
اومأت ليه فراح و حطاتو ليه فليدو و ليد لي فيها لجبص مكالي بيها بتاسمات ليه و تحركو خارجين من لبيت

✨عندهم هما برة داخلة أحلام و هازا صينية و حادرة راسها و دمعة فطرف عينيها و تا من هضرة إسراء فودنها مي لي خلاها ما تهربش و ما ترفضش هي رضات سيف الدين ليها اذن باغي هاد زواج حطات صينية سلمات على رشيد و يوسف و هي حادرة راسها مابغاتش تشوفهم تا شكون نطق عمر بإبتسامة
عمر: اوى يا سيادي ها احلام جات نسمعو قرارها
شاف فيها و كمل كلامو: بنتي فراح اش بان ليك واش نتي قابلة على هاد زواج
احلام بقات ساهية و غير جات فبالها كلمة راه خطاب لبنت نطقات بحسرة: اه
زغرتات نادية و هي بقات حادرة راسها و دموعها على سبة نطق عمر : خاص غير لعدول اجيو
ادم نطق بغيض : اوى خليو عرسان واحد جوج دقايق بوحدهم
نطقات إسراء بإبتسامة: واخا اجيو معايا
أحلام ما فاقت من سهوتها تا وقفاتها إسراء و تمو غادين و يوسف تابعهم و حابس ضحكة بزز
مع خارجين مع طلاقاو مع سيف الدين و فراح و لعدول جا
نطق سيف الدين و هو عاقدهم: فين بسلامة
إسراء سرطات ريقها و نطقات: بغاو احلام تهضر شوية مع خطيبها
غير سالات هضرتها غمزاتو دغيا و هبطات راسها حيت مزاعماش عليه لديك درجة نطق بجدية ملي فهم راه مزال ما عارفاش
سيف الدين: واخا 5 دقايق و جيو راه سيد بغا يمشي عندو شغل اخور
شاف فأحلام لي حادرة راسها و نطق: احلام 5 دقايق مفهوم
احلام اومأت ليه و تماشات بعد ما سمح ليها تمشي،هما دخلو لصالون و جلسو
احلام دخلات لبيتها و هي عاطياه بضهر زيرات على ليديها لي شادين لقفطان ملي سمعاتو سد لباب نطقات و هي متوترة
احلام: باش نجيك لصراحة انا ما بغاش نتزوج بيك انا كنبغي واحد اخور واخا
دازت دمعة من عينيها و كملات كلامها بنبرة إستهزاء: واخا خطب وحدة خرى مي واخا هكاك قلبي معاه و انا مجبورة على هاد زواج الى بغيتي ترفضو معنديش مشكيل و الى بغيتي تقبلو كنتمنى تفهمني
سالات كلامها و مسحات دموعها مي عاد كينزلو زيرات على ليديها ملي سمعاتو نطق
يوسف تصدم من لهضرة لي قالت عليه و لي عمرها قالتها ليه فاص مي تصدم كتر من كلمة خطب سول دماغو شكون كدب عليها مي عرف إسراء خدمتها نقية هادي نطق بحب
يوسف: مي انا كنبغيك
أحلام تعصبات و نطقات : واش ما كتفه
و مزال ما كملات كلامها سكتات مصدومة و عينيها توسعو بصدمة حيت صوتو لي سمعات و متأكدة نطقات قبل ما ضور: يوسف
غير ضارت رجعات جوج خطواات لور من صدمة ما متيقاش كتشوفو قدامها لابس و ناضي بدا كيتقدم لعندها تا ولا مقابل معاها نطق بحب و جبهتو محطوطة على جبهتها
يوسف: عيون يوسف
احلام بصدمة: اش ك كدير هنا
يوسف بتاسم و نطق: واش من نيتك كنتي كظني غادي نخليك تكوني لشي حد من غيري
احلام حركات راسها بنفي و عينيها مدمعين
نطق يوسف بحب: نتي ديالي و انا ديالك ربي الى كتبنا لبعضنا فراه تاحد من غيري ما غادي تكوني ليه
احلام بتاسمات و ياله اينزل ليها على شفايفها سمعو دقان و قفزو ملي سمعوه نطق
سيف الدين: الإخوان راه دازت 7 دقايق طلقونا
يوسف بعد منها و بدا كيعض شفايفو و يبرگم من تحت سنانو حل لباب لقاه مبتاسم بإستفزاز خصوصا ملي ضرب على فم احلام و لقا عكر مقاد
سيف الدين بإستفزاز: ياله راه كيتسناكم
يوسف ماجاوبوش حدو خنزر و مشا لصالون تبعو سيف الدين و احلام مزنگة و فرحانة دبا عاد طلعات معاها حشمة ديال خطوبة ،دخلو و دازو من أسئلة روتينية ديال زواج كتبو كتابهم و جلسو كيتحدتو من بعد ما مشا لعدول
نطق عمر بتساؤل: اوى اولدي امتى لعرس
يوسف نطق و هو مبتاسم : من هنا جوج سيمانات
ادم طلقها بواحد ضحكة و نطق: بغيتي تقصد من هنا لشهر
يوسف ايدوي و هو يغمزو ادم و فهم اش قصد عض شفايفو بغضب، نطقات نادية
نادية: مزيان هاد لمدة صافي تافقنا
نطق سيف الدين ببرود: لعرس ما غادي ادوز تا تفوت شهر و 10 ايام
نطق رشيد بتساؤل: وعلاش ديك 10 ايام
سيف الدين شرب من قهوتو و نطق قبل ما يجمع لوقفة: راه امكن يوسف عارف علاش اولا لا
ختم كلامو و شاف فيوسف بإستهزاء هاد لخر كون لقا ينوض يقتلو
يوسف بعصبية نطق ملي تفكر راه حلف عليه : اه عندو لحق
(بالنسبة لي معقلش راه نهار حلف ليه سيف الدين ماغادي اقيس احلام تا يقيس هو فراح عقلتو)
عمر بأبتسامة: اوى صافي من هنا ل 40 يوم نديرو لعرس
خلاهم سيف الدين كيدويو نزل عند فراح لودنها و نطق: غنطلع لفوق نكمي بغيتي شي حاجة صوني ماطلعيش نتي و دري اتكون ريحة صافي
فراح كتافات غير باش تحرك راسها و بتاسمات ابتسامة باهتة عرفاتو ماغاديش اكمي غير گارو و هو ديك ابتسامة فهمها مزيان داكشي لاش باس ليها جبهتها قدام كولشي و نطق
سيف الدين : كنواعدك انحيد كولشي
فراح ماجاوباتوش حيت اصلا كانت اتموت فحوايجها ولات كلها حمرة مرگات قدامهم حيت كولشي سمعو اش قال فلخر و تا ملي باسها ،هو عرف راسو حشمها بتاسم و خلاها و تم غادي ناحية دروج بعد ما توادع مع رشيد ،شحال كيعجبو يحشمها قدام ناس تنهد و كمل طريقو
كملو نهارهم عادي و سيف الدين مقابل غير أحلام و
يوسف واخا مرتو حلف لا كانت ليه، يا يعيشو بجوج لحياة يا يتحرمو مجموعين ما كاين ما ولكن

🌞اصبحنا و اصبح لملك لله🌞
خارج من لمحال و ملامح ديال فرحة باينة فوجهو علاش لا و هو اخيرا غادي يعيش مع محبوبتو بلا صداع و بلا مشاكيل بعيد على أي حاجة غادي تحرق ليه دماغو وقف فشاريع كيتسنى ضو لحمر صونا ليه تيلي هزو شاف شكون لقاه ادم ياله جاوب و حط تيلي فودنو شاف ضو لحمر و تم قاطع و كيدوي معاه

فجيهة اخرى كان جالس فلوطو على أعصابو و ملامح غدر و غضب على وجهو متسرطاتش ليه ابدا لقتلة لي كلا من عندو غير لمحو قاطع شانطي بلا مايزيد يفكر ديمارا حط رجليه و كسيرا بسرعة 180  و عينيه معميين بلغضب حاجة وحدة لي فبالو و هي يصفيها ليه

هو كان ملاهي فتيلي و كيدوي مع ادم و ماسمعش ناس لي كيحدروه و يقولو ليه عنداك عنداك ماحس براسو تا  تهز تال فوق و جا مخبوط مع الأرض و دم خارج ليه من جميع أنحاء جسد ديالو وجهو مابقاش كيبان بقوة دم لي تكب فيه عينيه بداو كيتغمضو بشوية و راسو عاطيه ألم رهيب و صوت ادم كيتسمع من تيلي مي شكون لي يقدر يجاوبو صافي سيد مشا مابقاش واعي بلي حداه
تجمعو عليه ناس بان ليهم ما كيتحركش و عينيه مغمضين ولات كتسمع غير كلمات
"عيطو لإسعاف"  "واش مات" "الله أكبر" "مسكين باقي صغير" "الله إصبر ميمتو"
هاد لكلمات لي تسمعو فلمجمع لي دايرين و طاحت كيف صاعقة على ودنين أدم لي كان باقي فالخط
هما عياو إقلبو على لوطو و مولاها ساعة أرض تشقات و بلعاتو

هو لي وقف لوطو فشاريع لي موراه و نطق و شرار خارج من عينو: انا نهار شفتها حلفت تا غتكون ديالي و ما كيهمش واش عزبة و لا مزوجة و لا مطلقة
زير على قبضة ليديه و كمل كلامو :الى ما كانتش ليا فا عمرك تحلم انها غتكون ليك
غير كمل كلامو هز تيلي و صونا لواحد شخص
ياسين: دباا بغيت تقطع ليا فطيارة ماتسناش تال غدا و لا ليل تا من لحوايج بلاش
غير سالا كلامو قطع عليه و كسيرا بعد مانطق
ياسين: انا غنمشي مي بعد ما تأكدت اني خسرتها انا وياك
بتاسم و كمل: قلت ليكم اتندمو
ادم بدا كيدق بجهد فلباب ديال دار سيف الدين و هو كيقفقف بالخلعة خبط لباب ملي ما سمع تا صوت فدار ديك ساعة نزل كيجري لعندهم لتحت غير هبط تمشا ناحية صالون لقاهم مجموعين نطق بخلعة
ادم: سيف الدين عتق يوسف دار كسيدة
سيف الدين ديك ساعة جمع وقفتو و نطق بخوف: ماكضحكش ياكا

يتبع....✏️
عنداك يموت🙂🥺