قصة بالدارجة المغربية🌹تحت عنوان🌹:#مصير عاشقين🔞

💞📝 بارت 123 📝💞

ادم حاط ليديه على خصرو و نطق: بان ليا اعشيري ما كفاتوش قتلة لي كلا داك نهار
ياسين نطق بغضب: اشنو باغين عندي راه هي قابلة بيا اش دخلكم نتوما
يوسف زير على ليديه و نطق: لا بديتي كتخصر لهضرة
اوى مع سالا هضرتو مع نزل عليه، دقة منو دقة من ادم تا رجعو ليه وجهو خريطة جلسو يرتاحو تا سمع تيلي صونا ماجاوبش حيت تعصب مع هاد خونا مي غير تفكر إقدر ايكون سيف الدين هز تيلي دغيا، بانت ليه غير إسراء مي جاوب
ادم: الو اسراء
إسراء بجدية: هانت جيب معاك خالتي فاطمة و لحق علينا لسبيطار
ادم وقف ديك ساعة ونطق: ياكما قتلها ااا
إسراء بغضب: هي كنتي عارف و ساكت
ادم بعصبية: دبا قولي اش واقع
إسراء: فراح راه جاها لوجع و تقدر تولد مهم جيب خالتي فاطمة و جي صافي
سالات هضرتها و قطعات عليه خلاتو مصدوم و متوتر تقول هو لي غادي يولد
يوسف شاف حالتو و نطق: واش قتلها ااا
ادم بنفي: لا خاصها تنفس بحال هاكا اوووو اااه شهيق و زفيير
يوسف وسع عينيه ما فهم تا وزة: تا اش كتخربق قول اش واقع
ادم جلس الأرض فرق رجليه و بدا كيتعصر: ااامممم اوووفف ااا اممم اربيي اربي
طل على رجليه و نطق: مزال ما خرج اوكي بلاتي اووووه اييي
يوسف تكرشخ فأرض بضحك ما فهم تا حاجة مي لحركة لي كيدير مات فيه بضحك نطق و هو فشلان: اش كتدير
ادم نطق بتوتر: راه خاصها دير بحال هكا باش تولد
يوسف مسكين ولا شاد كرشو بضحك: واش غتولد
ادم وقف و نتف شعرو: ويلي ولدها قبل لوقت
يوسف صرفقو و هو كيضحك: و تا توقض معانا اصحبي
ادم صايب لكول ديال تريكو و شعرو و نطق بجدية: زيد ياله نمشيو نجيبو فاطمة و لحقو عليهم
اومأ ليها يوسف لي مرة مرة كيطلقها بضحكة ملي كيتفكر اش دار ركبو فلوطو كسيرا ديريكت لعند فاطمة علمها راه فراح امكن غتولد ديك ساعة لبسات جلابتها و خرجات هي و بدر اما تا صفاء راها لاصقة فعمران

💥عند فراح💥
وقفو قدام كلينيك ما بغاوش إديوها لسبيطار لمخزن عارفين غادي إلعبو فيها كيما بغاو داكشي لاش جابوها لكنينيك ديريكت ياله خرجات من لوطو و هما كلهم شهقو بخوف ما عرفوش اش واقع شافو لماء داز معاها نطق سيف الدين بخوف
سيف الدين: اش واقع واش ولدي بييخير اا
نادية بجدية: ماتخافوش راه غير صگية لي طرطقات ليها خاصها دبا تولد و لا غادي يتخنق دري
ديك ساعة خرجو ممرضين بكورسي جلسوها فيه و هي كتوجع و تأوه بصمت و تقرى فلقرآن و ليديها شادة فليد سيف الدين لي هاد أخر ما طلقش منها و كون لقا شي طريقة كفاش يتقاسم معاها لألم كون تقاسمو وصلو قدام لبلوك
بغاو إدخلها نطقات واحد ممرضة : سمح لينا و لكن خاصك تبقى هنا
نطق سيف الدين بجدية: بغيت ندخل معاها
ممرضة نطقات: و لكن راه ما يمكنش
عمر مع داير بحساب ملي عرفها غتولد دخل لبيتو هز لفلوس
جبد لفلوس و عطاهم ليها و نطق: ولدي بغا يدخل مع مرتو
ممرضة بتوتر: اه واخا ياله دغيا
سيف الدين خنزر فيها واحد تخنزيرة مي طمر على قبل فراح ،دخلو لداخل عاونو لبنات فراح تجلس فوق لبياص عطاوها واحد لبسة و تمات جاية ممرضة تعونها باش تلبس و داكشي لي كان لبساتها قدام سيف الدين لي ضور وجهو ماشي باش ميحرجهاش ولا شي حاجة لا راه عارف راسو راه 3 شهور و زيادة ما قاسها و الى شافها دبا فهاد لحالة اجا ما يبردو ليه داكشي علاش
سالات ليها لبس تقدم لعندها و باسها فراسها و نطق
سيف الدين: شش ان شاء الله ما غادي اوقع والو و تولدي على خير
نطقات فراح بحزن: الى وقعات ليا شي حاجة كنتمنى تسمح ليا داكشي لي درت على قبلك
سيف الدين زير ليها على ليديها و نطق: ششش عارف وماغادي اوقع ليك والو ان شاء الله
سكت ملي بان ليه واحد طبيب داخل و هو ينطق بجدية و خوف على فراح فنفس لوقت
سيف الدين: كنظن من حقي نختار طبيب و لا طبيبة لي تولد ليا لمرأة اولا لا
طبيب بإنزعاج: اش كتقصد
سيف الدين: بغيت طبيبة لي تولد ليا مرتي من حقي
طبيب تفهمو و بتاسم و نطق: ما قلتي عيب
سيف الدين بتاسم ليه و طبيب خرج بعد مدة دخلات طبيبة فرقات ليها رجلها قلباتها و نطقات
طبيبة: ڤوالا ياله زحمي راك خاصك تولدي
فراح بدات كتزحم و تزير على سيف الدين تا فواحد لحظة تخنقات و نطقات : اااممم عافاك حيد ليا زيف تخنقت
سيف الدين دار داكشي لي قالت ليه حيت كاينين غير لبنات لي معاها فلبلوك
نطقات طبيبة: هانتي تنفسي مزيااان راه راس خرج نقول ليك تلاتة دفعي دقة وحدة و لا غادي يتخنق
فراح حركات راسها بإيجاب و بدات كتنفس وجهها كلو عرقان و شعرها لصق ليها على وجهها غير سمعاتها قالت تلاتة و هي تعصر تا حسات بشي حاجة زلقات من تحتها تنفسات و رجعات راسها لور و بدات كتنفس و ضحك ملي سمعات غوات ولدها تحنى سيف الدين لعند راسها باسو ليها و نطق
سيف الدين : على سلامتك
فراح شافت فيه لفرحة كانت باينة فعينيه لي كانو مغرغرين شوية بدات كتشوف فضبابة تا غمضات عينيها
سيف الدين تخلع ما عرف باش تبلا نطق بخوف: فراااح مالكي مالها اش واقع ليها
طبيبة بإبتسامة: ماتخافش راه غير مع لعيا راه غير شوية و تفيق
اومأ ليها باسها فحنكها و خرج برى لقاهم كلهم مجموعين شافوه و جاو لعندو كيجريو
فاطمة بخوف: اش واقع بنتي بيخير ااا
سيف الدين بإبتسامة : لباس عليها راه غير يطرفو ليها حالتها و يخرجوها
نادية بإبتسامة: و حفيدي بيخير
سيف الدين بإبتسامة: اه بيخير مهم نتوما جلسو رتاحو تا يخرجوها
اومأو ليه و جلسو هو ديك ساعة خرج لزنقة مشا لحانوت خدا گارو حيت ضروري خاصو شي حاجة باش يطفي صداع لي فراسو دخل للوطو و جلس و بدا كيكمي تا سمع لبيبان تسدو كانو دوك جوج نطق بجدية
سيف الدين: سديتو عليه
يوسف : اه
ادم : واخا تشرح لينا اش واقع و كفاش عرفتيه معاهم حيت انا ما فهمت تا وزة
سيف الدين نتر اخر نترة من گارو لاحو و نطق بجدية: اوكي بغيتكم تحلو ودنيكم مزيااان حيت انعاود ليكم من لول
يوسف و ادم: سير عالله
سيف الدين بجدية: عقلتو على نهار جا ياسين يخطب أحلام و قلت ليها راك بهاد تصرف اتخسري خوتك خليتها و طلعت
نطق ادم: اه و من بعد نضنا كلنا خليناها هي و فراح و إسراء
سيف الدين: اوى فداك نهار شفت فراح تعطلات خفتها لا مطلعش لبيت هبطت لعندها باش نطلعها ساعة سمعتها كدوي مع أحلام فواحد لموضوع لي خلاني نحل عيني و نفهم مزيان
يوسف بتساؤل: إنا موضوع
سيف الدين بدا كيعاود ليهم بضبط اش ضار بين فراح و أحلام
سيف الدين: اوى تماك عرفت ان فراح غير كتمتل و عرفاتني ما خنتهاش
ادم نطق و هو مصدوم : وايني بنت لقحب*ة هاد نسرين
يوسف بعصبية: وايني هاد جوجات مكلخات اهاه كمل
سيف الدين : اوى ملي فكرت لقيت حل أنسب اني خاصني لعب بلعبتها
ادم بتساؤل: كفاش اش كتقصد
سيف الدين ببرود: لغد ليه هو فين سافرت مي كنت ناوي نقلب عليها اول حاجة ما بنتش انا فلواجهة سيفطت جوج رجال إراقبوها واحد راقب دارها باش يشوف واش اتجي ولاخر لبار و طول شهرين لي دازو ما بان ليها اتر تال شهر تالت و رجعات لبار و هنا فين درت خطة لي غادي تجيب ليها تمام
يوسف بتساؤل :اشمن خطة

💥فلاش باك💥
كانت خارجة من لبار بان ليها ياسين واقف كيتسناها مشات سلمات عليه و طلعو فلوطو و محيحين بلموسيقا تال واحد لحظة وقفات بيه لوطو هبطو يشوفو اش واقع لقاو روايض مفشوشين كلهم دقة وحدة كان سيف الدين لي حاط ليهم لمسامر فطريق ياله ايضورو تا كيبان ليهم واقف راجل قدامهم و هاز موس عليهم نسرين غوتات بخلعة ما عرفات اش واقع و ياسين ماشي قل منها نطق داك راجل
راجل: ليوم نقطعكم طراف طراف و نبيع أعضاء ديالكم ماكاين لي فككم
نطق ياسين بتوتر: شكون نت و و اش كتقصد
نسرين ضورات عينيها بان ليها واحد لفردي مشات كتجري هزاتو و وجهاتو ناحية راجل
راجل: اجي لهنا نتي اش كديري
نسرين بجدية: حط داكشي من ليديك ولا نتيري فيك
راجل ما تسوقش لاح لموس ملي شاف واحد ضو شعل و طفا عرف لإشارة هاديك غير لاح لموس تم متقدم لعندها و نطق محاول إستفزها
راجل: دبا شوية غادي يوصلو رجالي و ماكاين لي يعتقكم مني غير حطي داكشي من ليديك
نسرين ولات كترعد و رغبة البقاء سيطرات عليها و بلا ما تفكر ضربات بلقرطاسة جات ديريكت لراجل فصدرو من جيهة ليمن هي غير ضرباتو لاحت لفردي ملي شافتو طاح ودم مهود ليه من صدرو ياسين غوت بصدمة
ياسين: اش درتي القحب*ة اش درتي
نسرين بخوف: ناري واش مات راه كان ايقتلنا كون ماقتلتوش
ياسين بعصبية تحنى لعندو بان ليه سيد ما كيتنفسش: مات اش غانديرو دبا
نسرين شافت فجنب بان ليها غير لخلا نطقات بتوتر: من احسن لوحوه تماك باش مايعيقوش بينا ولا غنمشيو لحبس
ياسين مسح على وجهو بعصبية : ندمت على نهار لي شفتك فيه زيدي نشوفو هادشي فين ايخرجنا
و داكشي لي كان تعاونو عليه تا هزوه و تمو غادين بيه بانت ليهم واحد لحفرة لاحوه فيها و بداو كيتلفتو يشوفو ياكما شي حد شافهم غير تأكدو ان تاحد ما كين مشاو ركبو فلوطو و كسيراو
راجل غير سمع لوطو كسيرات رجع تنفس حيت كانت عندو لقدرة على حبس نفس لمدة 15 دقيقة او اكتر ،جبد تيلي و صونا ليه
راجل: راه مشاو غير اجي
و داكشي لي كان جا لعندو سيف الدين و واحد راجل اخور نطق سيف الدين: ما وقع ليك والو
راجل: لا الحمد الله كيما خططتي وقع
بدا كيحيد راجل فلقميجة تا بان كيس ديال دم متقوب برصاص و كان لابس سترة واقية من رصاص حطهم و تمشاو هما و سيف الدين هزو واحد لكاميرات لولة كانت محطوطة حدا شجر لي فلحفرة و وحدة معلقة فشجرة و لاخرى فبوطو ديال ضو لي حدا شريع تبسم سيف الدين ملي شاف داكشي لي بغا كانت بدات كاميرا كتسجل غير من لقطة لي من مورا باش لاح لموس
نطق بإبتسامة: لعبة قربات تسالي
💥اند باك💥

ادم و يوسف مصدومين فيه نطق ادم بصدمة: داكشي لي خاص مرتك و ختك فلعقل خديتيه نت مي علاش نت ما قلتيش ليا هادشي كامل و علاش خرجتي من دار كان بإمكانك تبقا فيها و دير هادشي
نطق يوسف مقاطعو: واخليه بعدا غير يكمل لينا اش وقع
سيف الدين نطق: واخا انكمل ليكم مي اطط نجاوبك نت على تساؤلات دياولك
شاف فأدم و نطق: اولا الى قلتها ليك غادي يولي دماغك كلو معايا اتبغي تخرج من دار اوى هادشي لي مابغيتش حيت انا بغيتك تبقا مع فراح حيت انا بعيد عليها و من ناحية نبقا حداها مستحيل حيت كنت عاجلا و لا اجلا غادي نتفرگع عليها و انا مزاال ما واصل لداكشي لي بغيت و زيد عليها كنتي سولتيني كفاش عرفتي فراح حاملة بولد اوى حيت بكل بساطة كنت مركب كاميرا فلبيت و كنت كنعرف كولشي
ادم حل عينيه بصدمة: عليها فيما كنتي كتعيط ليا تقول ليا طلع لعندها شوفها مالها و انا كنطلع نلقاها كتبكي و انا كنت كنقول غير حسيتي بيها ساعة نت كنتي تشوفها
يوسف ضحك: لا خوك بوحدو ا ادم ايه كمل اش وقع من بعد
سيف الدين بدا كيعاود ليهم

يتبع...✏️
ادم كان ناوي يولد🙂
لا سيف الدين صدق خطار🙂
صدمتك عوتاني ياكو🙄🤦