قصة بالدارجة المغربية🌹تحت عنوان🌹:#مصير عاشقين🔞

💞📝 بارت 71 📝💞

كان خدام على ماسو تا كيشم ريحتها حداه نطق بصوت جدي و بلا ميشوف فيها
سيف الدين : اش طلعك
فراح دلات شفايفها: بغيت نشوفكم كتوجدو
سيف الدين شاف فيها : وعلاش
فراح بإبتسامة: كيعجبني نحضر لهدشي الى محضرتش ليه كنحس بحالا مدوزتش لعيد
سيف الدين هبط راسو كيكمل شغلو : ملي نسالي بغيتك تهبطي معايا
فراح بتساؤل : وعلاش
سيف الدين شاف فيها مطلع حاجبو: بغيت سوقك
فراح دلات شفايفها بحزن و هزات كتافها مادواتش معاه بقا فيها لحال
سيف الدين بتاسم جنب فمو كيشوف فهاد مشة لي حداه و باش هبلاتو كتر سمعات هضرتو لي كيقول ليها ملي تكوني طالعة لسطح لمستور و زيف ابنت ناس و داكشي لي دارت دايرة زيفها و بيجامة طويلة
اوى ياله بغات تمشي عند أحلام لي كتعاون بدر تا كيتم جارها سيف الدين و غادي بيها
وصل حدا أدم و نطق بجدية: كمل داكشي لكنت كندير ولا الى مساليتيش خلي تنطلع ليهم
حرك أدم راسو بإيجاب و كيشوف ففراح لي باينا فيها مقلقة
سيف الدين هابط مع دروج و جارها معاه وصل لطبقة ديالو دخلها و تمشاو نيشان لصالون طلق منها و دور ليديه بجوج على خصرها و جرها بجهد و حركة لا إرادية منها هزات ليديها و حطاتها على صدرو مكالية بيها
سيف الدين كيشوف فيها حادرة راسها ونطق بصوت حنين: مال مشة مقلقة
فراح هزات عويناتها لي مغرغرين و نطقات بصوت حزين: حيت نت قمعتيني
سيف الدين كيشوف فيها بحب كون لقا ياكولها بلا خبز قرب وجهو خلا مسافة قصيرة حك نيفو مع نيفها و نطق: امم إذن مقلقة مني
فراح توترات مي فنفس لوقت جوباتو: اه على شكون قمعني من غيرك
سيف الدين خرج عينيه بصدمة دار راسو مصدوم: انا هدا على انا نقدر نقمع راحة قلبي
ختم كلامو ببوسة لحنكها
فراح صغرات عويناتها بشك : اممم كتعرف تمتل
سيف الدين قهقه برجولة بعدها عليه شدها من ليدها و تماشاو حدا واحد فوتوي فيه ميكات و كرطونات ديال سبابط
فراح بتساؤل: شناهوا هادشي
سيف الدين: هادشي هوا لي بغيتك تهبطي معايا على قبلو
فراح عقدات حواجبها بتساؤل: و ديالمن
سيف الدين هز حاجبو بمعنى واش من نيتك: ديالمن فنظارك على انا لمن قلت متشريش جلابة و داكشي لاخور
هنا فراح وسعات عينيها بفرحة : واش هادشي ديالي ياك مكتكدبش
سيف الدين كيشوف فلفرحة ديالها كتافا فقط باش يحرك راسو بإيجاب
فراح بلا سابق إنذار تلاحت عليه معنقاه: ناري تا قلت اتنساهم و متجيبهمش
سيف الدين معنقها و خاشي وجهو فعنقها يااه كون كان عرفها اتفرح بحال هكا كون كل نهار يجيب ليها كتر من هكا غير يشوف فرحتها لي هاد ليامات كان حضيها وكيشوفها اغلب أوقات ساهية
بعدها عليه شد ليها وجهها بين ليديه و نطق: على انا نقدر ننساك ابنت ناس
هي كتشوف فيه بفرحة و حب و داكشي مخلط
عطاها لميكات و نطق: دخلي شوفي واش غيجيوك باش لا مجاتكش شي بياسا نبدلوها
فراح خداتهم من عندو بفرحة : واخا
مشات و هو تبعها حط ليها سبابط و خرج ساد من موراه لباب مخليها على خطرها و بقا برة كيتسنى
ماكملاش جوج دقايق تا خرجات لابسة فراشة فلبيض و مخدومة بلعقيق و معاها سندالا ديال طالون فبلونكاسي جاتها فراشة خطيرة
سيف الدين شافها منطقش بقا غير كيطلعها و يهبط طلعات حسن ملي تخيلها
نطقات فراح بإبتسامة: كيجاتني
سيف الدين ساهي فيها: جاتك قنبولة
فراح ضحكات تا تسدو عينيها و برزو غمزات دياولها خلات سيف الدين غير ساهي فيها
فراح: بصح
اومأ ليها بإيجاب و ياله جات ترجع تا سمعاتو نطق بنبرة ديال جدية
سيف الدين: فراح راه زيفها كاين معاها لداخل ماتنسيهش تاهوا ديريه الله إرضي عليك
هنا فراح حسات بيه ماشي هضر معاها راه هددها و هي بلا متناقش معاه نطقات بإبتسامة
فراح: صافي واخا احم اندخل نقيس داكشي لاخور
أومأ ليها سيف الدين و دخلات و ديك ساعة خرجات هازا فليديها جوج گندورات نص كم وحدة فلكحل و وحدة فلبيض وبجوجهم فيهم خميسة بلبلونكاسي
فراح نطقات بتساؤل: سيف الدين كينين جوج من هادو ديالمن تانية
سيف الدين وقف و تمشا لعندها و هو مبتاسم شحال كتسالي معاه ملي كتعيط ليه بسميتو: ختاري وحدة لي عجباتك و تانية عطيها لأحلام
فراح بحيرة: راه بجوجهم زوينين ختار نت وحدة ليا
سيف الدين بتاسم خدا من عندها لكحلة: هادي لي ناويها ليك افراح
فراح تاهي بتاسمات و نطقات: صافي غنلبس لكحلة و لاخرة نعطيها لأحلام
ياله جات تمشي و هي ضور عندو: و خالتي جبتي ليها شي حاجة
سيف الدين بقا كيشوف منساتهاش يعني كون وحدة خرى تقول ليه لاش جايب ليها ماشي واش جبت ليها: اه جبت ليها
و ياله جات تمشي تا سمعاتو نطق: فراح هاد گندورة ملي تبغي تلبسيها الله إرضي عليك لبسي معاها شي حاجة تغطي ليك ليديك و شعرك
فراح عارفاه مع سطح راه يموت و ميبغيش شي حاجة من لحمها تبان بتاسمات ليه و نطقات متفادية صداع : صافي كون هاني
بتاسم ليها و ديك ساعة رجعات لبيت تلبس و هو خلاتو راجع لبلاصتو
حلات لباب و خرجات كانت لابسة جلابة مخزنية بلگرونة و مخيطة بلبيض و فيها عقيق مخلط بلون لگرونة و لبيض واخا مخزنية مي جات فرمتها باينة واعرة و جات جلابة تال تحت و تفتحات من جناب و لابسة معاها بلغة بلبيض و فيها عقيق بلگرونة و تا زيف مخلط بين لون بيض و گرونة بمختصر جاتها جلابة ناضية لا ففورمتها لا فوجها
سيف الدين بقا كيطلع و يهبط فيها نطق بجدية: ضوري