قصة بالدارجة المغربية🌹تحت عنوان🌹:#مصير عاشقين🔞

💞📝 بارت 26 📝💞

ناض خرج من طواليط بعد ما غسلات ليه فراح وجهو و ليديه مشات تجيب ليه ماء إشرب تا كتسمع أذان ديال المغرب دات ليه إشرب و هو كيتوجع بمعدة ديالو غير سالا أذان و قف
فراح: مالك فين غادي
عبد الله: أنمشي أنصلي و نجي
أومأت ليه فراح و واخا هكاك مرة مرة كتمشي عند فاطمة تقول ليها تجيب من عند نادية دوا مي فاطمة مبغاتش تخلعهم على والو
عبد الله سالا صلاتو و مشا لصالون نعس فوق واحد سداري و كيتوجع مبغاش إخلعهم كثر
فراح شافت باباها تعطل و مشات عندو كتصدم ملي شافت كرشو تنفخااات بزاااف بحال شي مرة حاملة و بغا تولد مع علم عبد الله معندوش لكرش مشات كتجري عندو و عينيها شلال
فراح: هيئ هييئ بابا مالك متخلعنيش عليك عفاك
عبد الله سخف و عيا هز ليديه دوزهم على وجها : متخفيش أحبيبتي
فراح شدات ليديه و بدات كتبوسهم: واش نمشيو سبيطار عفاك
عبد الله بلا إعتراض: ديني سبيطار أبنتي هادشي بزااف راه قتلني
فاطمة لي كانت داخلا تصدمات هي وفراح حيت عارفين عبد الله واخا تكون واصلا فيه لعظم ميقولش ليهم ديوني سبيطار
فراح دارت عند ماماها: ماما لبسيه و لبسي تانتي أنا راه نمشي نجيب لوراق و لاكارط ديالكم و تا فلوس واخا
فاطمة تخلعات هاد مرة بلمعقول ناضت كتجري جابت ليه حوايج و بدات كتلبس و كتلبسو لي فيما كتقيصو كيتعگر سلات ليه و بانت ليها فراح جايا و عينيها دايزييين بدموع و تا بدر مخلوع جاو عندو تحنات فراح كتحاول توقفو و تعاون معاها تا بدر
عبد الله لي كان مسكين حالتو حالا و كيتشوا جابوه فراح و بدر لوسط كل ليد محطوطة على واحد
خرجوه بمشقة أنفس حيت عبد الله حس برجليه ماتو عليه و سخفة شاداه
لتافت عبد الله لدار و نطق: كنحس ان هادي هي أخر خرجة ليا من هاد دار
فراح بدات كتشهق: متقولش هكا أبابا مزال أترجع
خرجو جلساتو فراح و جلسات حداه و حطات راسو عليها و بدات كتمسح ليه فلعرق
عبد الله كيتألم و كيدوي بشوية : أححححح بنتي بشوية كتوعتيني عفاك نوشي عليها راه صهد
فراح مسكينة كتشهق
بدر تعصب و خاف على باه: دبا أش كتسناو ياله نديوه
فاطمة: شكون أيسوق بينا راه طونوبيل كاينة مي شكون غيسوق
فراح شافت فماماها: أجي جلسي نتيا فبلاصتي أنمشي نشوف أدم خو أحلام أجي
جات فاطمة جلسات فبلاصتها بعد معانات ديال عبد الله لي توعت
فراح هبطات عند باباها حطات ليديها على وجهو بشوية باش ميتعگرش
فراح: بابا تحمل غير شوية واخا باست ليه راسو و مشات
مشات لدار عمر كدق بجهد تا تخلعو ناض أدم يحل لباب تا كيتصدم من منظر ديالها كانت حمرااا و عينيها مزگاوش من دموووع و كترعد شد ليها ليديها
أدم: فراح مالكي أش واقع
فراح مشا ليها صوت و بدات كتشهق تا كولشي خرج من بيت جا يشوفو أش واقع إلا سيف لي كان لفوق
فراح: هييئ عفاك هيىئ عتق ليا بابا
سلات هضرتها و بدات كتجر فيه
أدم شد ليها وجهها : هانتي أبشوية شرحي لينا أش واقع
فراح كتحس بروحها غتخرج ليها: بابا هييئ خاصو إمشي سبيطار و ما مالقيناش لي دينا هيييئ هييئ عافاك عاونا
أدم : صافي واخا صبري غادي نجيب ساروت
أومأت ليه براسها و مشات سبقاتو هو لي خدا ساروت و خلاهم و يله أيخرج تا نطق عمر
عمر: أنمشي معاك
أدم : ياله دغيا 
خرجو لقاو عبد الله حالتو حالة و فاطمة و بدر تا هما تحدر عمر عند عبد الله
عمر: حاج ياكما كاين باس
عبد الله: لموت هادي أسي عمر عائلتي أمانة عندك
فراح غير سمعاتو بدات كتشهق كثر
عمر: ماتقولش هكا الحاج مغادي يكون غير لخير
فراح: عفاكم دغيا
ناضو أدم و فراح يعاونوه وخا عمر عيا ففراح تخاليه هو إيعاونو مي مبغاتش طلعوه لطونوبيل ركبات فاطمة حداه و عمر لقدام و فراح ياله أطلع لجهة لخرى شافت فبدر و نطقات
فراح: بدر بقا مع صفاء صافي
أومأ ليها بدر براسو و ركبات هيا و نطالق بيهم أدم