قصة بالدارجة المغربية🌹تحت عنوان🌹:#مصير عاشقين🔞

💞📝 بارت 89 📝💞

 

دخلو هو مشا لكوزينة حط فيها لميكة و هي دخلات لبيت نعاس جلسات كتفكر فهاد لموصيبة ،دخل عندها تماشا ناحية لبلاكار حلو كيقلب على بكية گارو ملقاهاش صافي راسو ولا عاطيه لحرييق بجهد قلب و هو يلقاها جبدها و طاح ليه شورط و ديباردور ديالها(عقلتو على لحوايج لي كانت لابسة نهار كان باغي إغتاصبها فاش خلاهم عندو )
تحنى هزهم و بانت شبه إبتسامة خفيفة على فمو ملي تفكر كيف جاوها هداك نهار تلفت عندها و تماشا تا وصل ليها و هو عاقدهم حطهم ليها
سيف الدين و هو كيخنزر نطق بعصبية: لبسي هادو تفقنا
فراح بلا متشوف اش حط ليها هزات راسها بإيجاب تماشا ناحية كوافوزة هز منها قلم ديال عينين و وصل لعندها و حطو ليها حدا لبسة و هضر
سيف الدين بجدية: و دبا ديريه لعينيك
سالا هضرتو و خرج جلس فصالون بعد ما سد عليها لباب باش متشمش ريحة ما باغيش إضرها ،شعل لگارو لول كيكميه و كيتنشوى زاد تاني و والو شعل تالت بداه و هو يجبد تيلي و عيط لأدم

✨عند أدم✨

ركبو كلهم فلوطو نطق يوسف : ماشي عطلتو تركاب لخواتم تال نهار سبت
نادية نطقات بإبتسامة: وا سمعتيها اش قالت راه بغات تركاب خواتم و عقد نهار واحد راه خاص بزااف زائد فراح و سيف الدين راه عرسهم الأحد مفاوتين نهار
أحلام: اوى صافي غير عجلو دغيا راه واحد مسكين ما قادرش إصبر
بداو كيضحكو و ياله أدم أينطق تا كيسمع تيلي كيصوني شاف شكون و خرج من لوطو
أدم: ألو
سيف الدين بجدية: تقدر تجيب ليا معاك واحد لعيبة
أدم بتساؤل : شناهي
سيف الدين حاط ليديه على جبهتو كيماسيها: بغيت لمعسل
أدم سرط ريقو: من نيتك متقولش ليا اتشيش حدا فرااح
سيف الدين بعصبية: و ديها فكر*ك راه بسباب ديلمكم انا فهاد لحالة الى ماكميت شي طرف ديال حشيش راه انوض نقتل ديلمها اللهم جيب شوية لمعسل نشعل شيشة حيت هاديك لي كنشيش منها خليتها عند يوسف(كيدوي على شيشة إلكترونية)
أدم تنهد بقلة حيرة حيت عارف الى ماجابوش ليه ايهبط يجيبو و حيت طلبها منو و قليل فين سيف الدين كيطلب شي حاجة فراه بطبيعة الحال ايديرها
أدم: هبط لدار عندي اتلقاها محلولة دخل لبيت نعاس فوق كوافوزة كين تماك راه كنت بغيت نشيش لبارح ولكن درت بناقص و خليتو تماك هبط جيبو
سيف الدين: الله إحفضك
قطع معاه ادم تنهد و طلع لوطو مكسيري
سيف الدين طفا لگارو و حل لباب و هبط لدار ديالو خدا داكشي و طلع ما شاف هاه ما قاص هاه
دخل تماشا ناحية كوزينة و بدا فلمسائل بدا كيشعل فيها سالاها و داها لصالون مرجع راسو لور و كينتر منها راسو عاطيه لحريق

✨لداخل عند فراح غير خرج ضورات راسها تشوف اش داكشي غير سرحاتو عرفاتو بدات كتولول حشمات تلبس هادشي بقات كتر من تلاتة دقايق و هي اجالسة مبغاتش تلبس شافت تا عيات و ناضت لبساتهم قالت مع رساتها راه مرتو و عادي تلبسهم شافت راسها فلمراية جاوها مزيرين على اخر مرة لبساتهم حيت تنفخات شوية شافت فلمراية و قضات لقلم ياله اتجمع شعرها تفكرات راه قال ليها ملي تكون معاه طلقو مي جمعاتو و مشات هزات صلايتها و عباية و زيفها و بدات كتصلي المغرب كانت ناوية تصليه تماك مي زرب عليها سيف الدين
سلا صلاة و بدات كطلب من ربي إهديه و يولي تاهو كيصلي ناضت و حيدات عابيتها و طلقات شعرها و مشطاتو و صيبات گستها رشات ريحتها و بان ليها كلوز و زعمات و دارت شوية قالت مع راسها ما غيبانش حيت دارت هادشي خفيف مي مع هي مامولفينهاش بلميكاب نهار كدير غير كلوز كتبان ناضية
سالات و جلسات مزعماتش تخرج شوية كتشم شي ريحة واااعرة داخلة من شرجم و قفات و تماشات ليه و بدات كتشم ناري سطاتها و بلا متفكر حلات لباب بيت ناوية تمشي تقول لسيف الدين اجي تشم و لكن مع حلات لباب سدات عينيها و بدات كتشم (تحية لبنات لي كتصطيهم ريحة شيشة🙂 مني انا نيت كنشم ريحتها كنعرفها راه ريحتها شي حاجة بزااف اهياتا راه ماشي كنشيش غير ولد جارنا ملي كيشيش كتطلع عندنا ريحة مي راه ناضية🥺🤤)
حلات عينيها بان ليها سيف الدين جالس و مرجع راسو لور و كيشيش ماهواش هنا مركز امع راسو اه هي ضريفة و نية و بنت ناس مي راه ماشي جاية من كوكب اخر راه اتعرفها تيليفون كيوري لعجب هي غير عمرها شافتها مباشرة مي راه كتشوف مشاهير كيشيشو ففيديوهات
تماشات لعندو و هي عقداهم معجبهاش بمرة منظر ديالو كانت عارفاه كيكمي واخا ماكيكميش حداها مي قالت مع الوقت ندوي معاه من أحسن يحيدو مي دبا شافتو كيشيش واخا هي نفسها عجباتها ريحتها مي راه هو كيدير فلحرام وقفات قدامو و ياله أدوي شافتو نطق و حواجبو تعقدو
سيف الدين بعصبية: اش خرجك
هو كان كيتسنط لراسو تا شم ريحتها واخا ريحة شيشة و گارو مجهدة مي راه ريحتها بوحدها إقدر إفرزها ماعرت فين دغيا عقدهم و نطق بعصبية حيت اولا مبغاهاش تشم هاد روايح و تانيا مابغاهاش تشوفو فهاد لحالة و تالتا بغا تا يتكالما عاد يدوي معاها
حل عينيه لي كانو حمريين بانت ليه عاقداهم و فنفس لوقت خايفة منو مداهاش فيها اش لابسة ولا تا ملامح ديالها حيت معصب و باغي إبرد و باغي إحيدها من قدامو
سيف الدين بعصبية: سيري رجعي منين جيتي
فراح جلسات حداه و نطقات بصوت خافت: اش كدير راه هادشي خايب لصحتك و زائد حرام
سيف الدين عقد حواجبو هادشي لي ما باغيش نتر من شيشة و شعل گارو حطو ففمو و نتر و حيدو نفخ دخان بعيد عليها و نطق
سيف الدين: فراح ديها فراسك و نوضي راه معصب و ماباغيش نغلط فيك
فراح كون كانت فموقف اخور ايبقا فيها لحال حيت قال ليها ديها فراسك مي شافتو كيف كيهز رجليه بتوتر و جامع قبضة ليديه و تا هي مامفاكاش دغيا خطفات ليه لگارو و تمت غادا بيه لفمها و ياله اتحطو ففمها تا حسات بيه نترو ليها و لاحو و جمعها معاها بتصرفيقة تا ضار وجهها
حطات ليديها على حناكها و عينيها غرغرو ماشي حيت ضربها لا غير حيت توعتات ضارت شافت فيه و لقاتو غيتفرگع لا صافي هاج ولا كلو حمررر ماشي غير عينيه و عرقو برزو شافت فيه و سرطات ريقها و نطقات بتوتر
فراح: ياك ق قلتي ليا نديها فراسي و تانا بغيت نكمي تانت
سرطات ريقها و نطقات: ديها فراسك
سيف الدين ولا كينهج و حالتو لا تبشر بالخير شدها من شعرها و جرها مقربها ليه نطق و كشاكش بغاو يخرجو ليه من فمو: واش باغاني نفرع قحب*ة مك اش هاد لخصايل ديال لقحا*ب واش انا عااطيك تيساع ماباغيش نغلط فيك و نتي عاد ما كتنبشي
فراح نطقات بتوتر: و و راه ما خاصكش تكمي الى كميتي تانا انكمي معاك
و هنا هو جن جنونو عينيه ولاو فيه غضب لي بزااف حيت تخيلها بداك منظر ،قربها ليه كتر و نطق من تحت سنانو
سيف الدين: صافي بغيتي تخرجي ليها طاي طاي على اخر ياماتي تولي مرتي قحب*ة
فراح تخلعات حيت بصح حالتو دبا فكراتها غير فنهار ضربها تيتونة عرفات قضية مامسلكاش خصوصا ملي تفكرات هضرتو نهار قال ليها ملي نكون معصب ماتحادينيش حاولات تخدم معاه تحلوين لي بزز قدرات تخرج من فمها كلمات: هانت راه كيما مابغيتينيش انا نكمي تانت مابغيتكش واش يهون عليا نشوف حبيبي كيقتل راسو و انا غير كنشوف
سيف الدين رخف ليها من شعرها شوية و عينيه ياله قدرو يميزو قلم لي دايرة فعينيها لي عطاو بريق خاص هبط عينيه لشفايفها يااه و شحال بانو متيرين نطق بصوت لي تعسل بشوفة ديالها كتر ما تعسل بشيشة
سيف الدين: اش قلتي
فراح سرطات ريقها و نطقات بتوتر: قلت ليك ك كيما مابغيتينيش نشو
قاطعها سيف الدين ملي زير عليها من شعرها و كيشوف فيها بنظرات معسلين: لا ماشي هادشي
فراح شافت فيه بتوتر: اش
سيف الدين عض على شفايفو : اش قلتي عليا
فراح عرفاتو دبا علاش كيلمح بدات كضور فعويناتها غمضات عينيها بألم ملي شافتو زير على شعرها كتر فتحات عينيها لي كيبريو بحشمة و نطقات
فراح: ح حبيبي
سيف الدين باسها بوسة خفيفة و بقا هكاك مابعدش و نطق قريب لشفايفها و عينيه معسلين: انا حبيبك
فراح غمضات عينيها ماقدراتش تجاوبو حلات عينيها بزربة ملي حسات بيه عضها فشفتها نطقات بألم
فراح: أاحح حشومة عليك
سيف الدين خرج لسانو لحس ليها دم من شفايفها و نطق بتهديد: هاد شفايف هما لي كانو ايتكيفو لگارو راه نحيدهم من جدر بلا منحن
فراح بعدات منو شوية و نطقات ببراءة: وعلاش نت كتكمي
سيف الدين سرط ريقو من نبرة صوتها و نطق: كون ماكميتش كنت اندخل نقبر مك فهاداك لبييت
فراح عينيها غرغرو عارفة غلاط منها مي مابغاتوش بسبابها إدير هادشي وقفات و تمات غادا بلا متشوف فيه
سيف الدين مع وقفات عينيه وساعو بصدمة على عكس سروالو لي ضياق من جهة لمعلم ،بدا كيطلع و يهبط فيها ناري جبداتو و ماكاين لي فكها منو صافي خصوصا ملي شاف داكشي كيتحرك معاها كيطلع و ينزل كملات لباقي غمض عينيه ضبط نفس ديالو و نطق بصوت كيزعزع
سيف الدين: بربي و متجي لهنا تا نوض و نتي عارفاني الى نضت اش اندير
فراح ضارت لعندو و عضات على شفايفها بخوف كحلاتها مافيهاش نطقات بصوت باين فيه لخوف: نجي و متدير ليا والو
سيف الدين عينيه متحيدوش من صدرها و فخاضها بقا غير كيطلع و يهبط غير سمعها اش قالت عينيه تركزو على عينيها لي هبلوه و نطق بنبرة تهديد: غتجي ولا نوض
و مزال تا مارمش كانت واقفة قدامو كترعد و مهبطة راسها ليديها كتفرك فيهم بتوتر
فراح: هاني اش بغيتي
ديك ساعة جرها سيف الدين جات جالسة على ركابيه كيشوف ليها فعينيها لي توسعو بصدمة حيد ليها شعرها من على وجهها و حط ليديه على حناكها لي مزنگين كيتحسسهم بليديه
سيف الدين بجدية مي بصوت حنين فنفس الوقت: قولي ليا أمدام هي كنتي ناوية كبيلة تخرجي هكا
فراح خرجات عينيها بصدمة واش من نيتو: اويييلي لاش كتكدب انا نخرج بهاد لحوايج مستحيل
ديك ساعة قرصها من طر*متها و خنزر فيها: لا غير جربي تا تفكري فيها
فراح بدات كتحك فقرصتها: و انا ماقلت والو نت لي قلتي
سيف الدين خشا وجهو فعنقها كيهرها بنيفو: داوي على عينيك افراح
فراح كتهرب عنقها حيت هرها مي حكمها تا بدات كضحك: هههه وا رصا راه كتهرني ولا
سيف الدين ضحكة لي ضحكات كانت كافية تخلي غضب ديالو إنقص بقات كتردد ليه فودنو بعد منها شاف فيها بانت ليه كضحك و عينيها مسدودين و غمزات ديالها ضاهرين كتبان بحال شي لوحة فنية قدامو
سيف الدين بإبتسامة: كتهري
فراح حبسات من ضحك و نطقات: و بزاااف
سيف الدين هز ليديه و بدا كيمسح ليها فدموع لي خرجو بقوة ضحك: واش دموعك غير شايطين عليك
فراح هزات كتافها و بدات كضحك: راه بوحدهم كيخرجو ملي كنضحك

يتبع...✏️