قصة بالدارجة المغربية🌹تحت عنوان🌹:#مصير عاشقين🔞

💞📝 بارت 44 📝💞

🌹عند فراح🌹
دخلات لدار كيبانو ليها كولشي جالس تماشات ناحيتهم و نطقات
فراح: سلام
كلهم هزو راسهم و وقفو الى فاطمة لي غير شافتها ناضت كتجري عندها
سعد طلعها و نزلها و نطق بصدمة: فراااح شكون دار فيك هاد حالة
ياله ايتقدم ناحيتها تا كتبان ليه فاطمة جراها لسداري فين كانت جالسة هي و سعد
فاطمة: اجي ابنتي اجي
جلساتها و شدات ليها وجهها و كتشوف فيها بحزن و دموع فعينيها: كي وقع ليك عاودي لميمتك
فراح بحال إلى كانت كتسنى فهاد الجملة لي غير قالتها تلاحت عليها و بدات كتبكي بحرقة على نهارها زين
بدر زير على قبضة ديالو ندم بزااااف خصوصا دبا ملي شافها كلها مجروحة حيت كان غافل عليهم عند بالو غير صرفقها مي لا قضية فيها جروح
سعد نطق بصوت باين فيه الخوف و العصبية: فرااح حبيبتي مالك عاودي لينا
فراح كتافات فقط بلبكا و فاطمة كدوز ليديها على ظهرها خلاتها على خطرها تا تفشات و بعدات بوحدها
فاطمة كدوز ليديها على وجه فراح ونطقات: عودي ليا اش واقع احبيبتي
فراح شافت فبدر بان ليها كيشوف فيها بواحد نظرة قدرات تميزها و هي نظرة ندم و حزن و رجعات شافت ففاطمة و كدوي بصوت باكي
فراح: واالو اماما غ غير ملي قلت ليك انتبعو بدر نصالحوه مع عمران تلاقا لينا واحد شمكار و شدني ضربني و جا فيا بالموس و ملي غفلناه هربنا منو صافي كمالة راكي عرفاها
سعد وقف كينهج كيمشي و يجي: تا كفااش صافي افراح واش بغا تجهلينا فين هو هد خونا وريه لينا
ياله ادوي فاطمة تا كتقاطعها إيمان: فسبيطار
سعد عقد حواجبو بتساؤل: كفااش سبيطار امكن خاصو يكون فالحبس إتعاقب
إيمان: راه خدا لعقاب ديالو كون تشوفو كي ولا كون بقا فيك
سعد: كفاش شرحو ليا واش كولشي عارف اش كين الى انا ولا شنو
ضار شاف ففاطمة: خالتي شرحي ليا اش واقع
فاطمة: ولدي عقلتي على داك دري لي كان عاونك تعتق فراح نهار جيتي
سعد كيحاول يتفكر مي دغيا عقل: اه مالو
فاطمة كدوي بفخر: اوى راه هو لي رجعو شرويطا حتا وصل لسبيطار
سعد معرفش علاش محملش لبلان خصوصا نهار عنقها مبغاش : مي اش دخلو هو
هاد لمرة دوا عمران : حيت ولد جارهم
سعد: ولكن
فاطمة: مكيهمش دبا لي كيهم هو بنتي بيخير
قاصت ليها جرحة لي حدا فمها: واش هو لي
فراح هزات راسها بأه
فاطمة نطقات فخاطرها: الله إرضي عليه(زعما واش هو لي دواها ليك)
فاطمة: ياله نوضي ابنتي بدلي حوايجك و اجي باش نتغداو راه 2 هادي
اومأت ليها فراح و ياله اتخرج تا كتشوفو وقف قدامها و حط ليدو على حناكها
سعد بحنان: واش بيخير
فراح بتاسمات ليه بلطف : اه اسعدودي
سعد تاهوا بتاسم ليها بنفس إبتسامة : داكشي لي بغيت ليك
خلا ليها طريق منين دوز: ياله سيري
اومأت ليه و دازت متاجهة لبيت لاخور و هادشي كلو داز قدام عمران ،عقد حواجبو حيت واخا يله عندو 16 سنة مي دماغو كبر من سنو و فهمها من طيارة ان سعد كيبغيها مي لي خلاه إيشوف حرب اتنوض هو تفكير ديالو لسيف الدين لي تاهوا باين من طيارة ماشي غير كيبغيها راه مهووس بيها ، تلفت جيهة بدر كيبان ليه ساهي تا نغزو و شاف فيه و دار ليه حركة براس معناتها تبعها
بدر تردد فلول مي من بعد جمع لوقفة و تم متاجه لبيت لاخور
وصل لبيت و تردد واش يدق ولا لا مي زعم و دق تا سمعها نطقات
فراح: ماما غير دخلي
فلول قال تقدر تكون ملابساش مي من معرفة ديالو ليها عرفها كتحشم تا من ماماها
حل لباب لقاها لابسة فراشة زوينة فلون بيض و فيها وريدات بلقهوي عاطياه بظهر و مضاربة مع شعرها
سد الباب و تقدم ناحيتها و خدا ليها شعرها و بدا كيمشط ليها فيه
هي غير دخلات لبيت خبات لبواطة ديال خلخال و بدات كتلبس حوايجها سالاتهم و بقات كتمشط شعرها لي عنكشها تا كتسمع دقان عند بالها ماماها مي غير بدا كيمشط ليها عرفاتو هو حيت حافظة طريقة كفاش كيمشط ليها
نطقات بصوت خافت بحال الى ممتيقاش: بدر
هو بدا كيجمع ليها شعرها كوتشوفال غير سالا جا قدامها
بدر كيشوف فيها بندم خصوصا ملي سمعها اش قالت لماماهم و مع هي معروف عليها معندهاش مع لكدوب يعني خدات قوة كبيرة باش تقول هديك لهضرة
بدر نطق بصوت باكي: سمحي ليا
فراح هبطات ليها دمعة من عينيها: علاش انسمح ليك
بدر: على غوات
فراح بتاسمات وسط دموعها: مسامحة ليك عليه
بدر بحزن: على دفعة
فراح عوتاني بتاسمات ليه: مسامحة ليك عليها
بدر بنفس نبرة: على لعصا
فراح و بنفس طريقة جوباتو: مسامحة ليك عليها
بدر هاد المرة طاحة ليه دمعة من عينة: على تقة
فراح تاهي هبطات ليها دمعة من عينيها و بتاسمات و نطقات: تاهي مسامحة ليك عليها
بدر بندم : مسامحاني على هادشي كلو
اومأت ليه براسها: اه
هو هنا تلاح عليها معنقها و كيبكي و ينطق: سمحي ليا عافاك افراح و الله ما بقيت نقرب لشي حاجة اخر مرة غير تيقي فيا هدا وعد
فراح كتدوز ليديها على راسو و تاهي كتبكي: انا ديما تايقة فيك و عارفاك ماغاديش تخدل تقة ديالي مرة خرى انا راه يكفيني غير نشوفك بيخير و ما واقع ليك والو
بدر: سمحي ليا و الله اخر مرة
فراح كتافات فقط تبعدو عليها ملي سمعات فاطمة كتعيط
فاطمة: فراح بدر اجيو تغاداو
فراح بدات كتمسح ليه دموعو : ياله نمشيو جاني جوع
بدر تاهو مسح ليها دموعها و تم جارها : ياله قبل متسخفي ليا هنا
خرجو لقاوهم مجموعين على طبلة و عمران عينو غير فلباب كيشوفهم واش غادي إدخلو فرحانين و داكشي لي كان داخلين معانقين ، بتاسم حيت تصالحو
عمران: على سلامتكم
فراح و بدر دقة وحدة: ههه الله إسلمك
جلسو مجموعين على لغدا كيتغداو واخا كل واحد و فاش كيفكر سالاو لغدا جمعاتو فراح و إيمان غسلو لماعن و رجعو جلسو من بعد ما مشات فاطمة تنعس شوية فلبيت نعاس هي و صفاء
جالسين كل واحد و فاش كيفكر تا  كيسمعوها نطقات
إيمان: فراح تخرجي معانا
فراح شافت فيها و بدات كتفكر: و الله ما فيا غير سيرو
إيمان دلات شفايفها: عافاك راه خارجين كلنا غير نضورو و دغيا نجيو
فراح شافت فيهم كلهم كيشوفو فيها برجاء تنهدات و نطقات: صافي واخا مي ماشي دبا تال ديك 5 واخا
إيمان وقفات كتنقز: ياس ياس شكرا بزااف مهم انمشي انا و عمران لدار تال 5 و نتلاقاو حدا درب صافي
اومأت ليها فراح و توادعو معاهم و مشاو
فراح ياله اتجلس تا كتسمع تيلي ديالها صونا هزاتو تشوف شكون تا نطق
سعد بفضول: شكون
بدر فخاطرو:1_0(راه والو مبغاش إحيد هاد لبلية)
فراح غير شافت شكون وجهها دغيا تبدل شافت فسعد و نطقات: غير صحابتي
و قبل ما يجاوبها مشات كتجري لبيت لاخور ياله سدات لباب و هو يقطع تيلي تا عاود صونا خدات نفس عميق و نطقات بتردد
فراح: ا الو
مجاها غير صمت عودات نطقات: الو
كتسمع غير صمت و صوت أمواج
بعد تردد كبير نطقات: سيف
و أخيرا نطق سيف الدين: راحة قلبو
هي دغيا تزنگات بقات ساكتة شوية و نطقات: بغيتي شي حاجة
سيف الدين تنهد تنهيدة خارجة من قلب : بغيتك نتي
فراح خرجات عينها: ااا
سيف الدين بتاسم عرفها اتكون حشمات: كنبغيك
هي بتاسمات مي غير تفكرات اش واقع حسات بقلبها تزير عليها و نطقات بصوت مغنغن: ولكن ميمكنش نكونو مع بعضياتنا
هو هنا جن جنونو وقف من بلاصتو لي كان جرف عالي(لبلاصة لي مشا ليها يوسف و أحلام) و نطق بعصبية
سيف الدين: بربي مانكون لشي وحدة من غيرك و تانتي بربي ماتكوني لشي حد من غيري يا ليا يا للموت كوني هانيا و هدا وعد من سيف الدين
غير سالا هضرتو قطع عليها بعصبية و لحجرة لي لقاها يهزها تال لسما و يفتخها
هي قطعات عليه و بدات كتبكي: هدا هو مصيرنا
مشات لبسات لبسة ديال صلاة و سرحات صلاية و صلات جوج ركعات ديال إستخارة  سلمات و دارت دعاء و نطقات بصوت باكي
فراح: ياربي دير لي فيها خير راه منقدرش على هادشي كلو جاني كولشي متابع ياربي صلح الأمور و لي فيها لخير هي لي تكون
ختمات دعاء ديالها و مسحات دموعها و جلسات فلبيت

وصلات 17:30 خرجات من بيت لابسة تريكو بيض خاشياه فصاية فلغوز بارد و فنفس لون دايرة زيف و لابسة سبرديلا فلبيض و خاتم لي عطاها سيف الدين مزين ليديها مع جرميطا ديال نقرة جاتها واعرة و زيرو ميكاب خرجات من لبيت و تم جاي بدر
بدر: فراح ساليتي
فراح: اه غير دخل بدل
اوما ليها و دخل لبيت ، دخلات لبيت لاخور بان ليها حاطين كاسكروط وكيتفرجو شاف فيها سعد ساهي فجمالها كان لابس تيشورط باج مع سروال ديالو كيطما و داير سنسلة ديال نقرة عمرو حيدها من عنقو كان عطاها ليه عمو عبد الله 
جلسات حداهم و سمعاتو نطق
سعد: جيتي نتي مشا هو
ياله اتنطق تا كتسمعو دوا
بدر: انا غير 3 تواني نوجد كيتها هي لي خاصها 3 سوايع وهالعار
تلفتو ليه كان لابس تيشورط كحل و شورط تاهوا نفس لول و سبرديلا نايك بلبيض و فيها لكحل
فراح خرجات عينيها: انا هادي
جلس حداها و خطف من كاشير لي محطوط فطبسيل : لا انا
فراح ميقات فيه: وبااز ليك
بداو كيديرو كسكروط تا صونا تيليفون فراح سرطات ريقها عند بالها هو مي غير شافت فتيلي تنهدات براحة
فراح: الو إيمان، صافي هاحنا خارجين من دار، اوكي واخا
سالات هضرتها و شافت فماماها: ماما انخرجو و نجيو دغيا منتعطلوش صافي
ماماها: واخا ابنتي اسيرو منخافش عليكم معاكم سعد
سعد بتاسم بلطافة: كوني هانية اخالتي
ناضو من فوق طبلة خارجين و فراح دايرينها لوسط شادة فبدر و فسعد( غير سيري عالله كون شافك نهارك ميطلعش فيه شمس🙄🙂)
خرجو من درب تا بانو ليهم عمران و إيمان واقفين كيتسناو ، عمران كان لابس تيشورط فيه 4 ألوان بيض و صفر و حمر و كحل و سروال تجين تاهوا كحل و فيه تقاطع من جيهة ركبة و سبرديلا كحلة و ساعة مزينة ليدو ليسرية و إيمان معنقاه كانت لابسة سروال تجين مقطع من جيهة ركبة و تجاكيطا سنسلة مسدودة ميني بوط فلبيض و سبرديلا  فلگري و لبيض و جامعة شعرها كوتشوفال و دايرا ميكاب خفيف
وصلو لعندهم تسالمو و من بعد تحركو لوجهة ديالهم

💥فبلاصة خرى💥
خارجة من لافاك و كضحك هي وواحد دري كانت لابسة قميجة باج طويلة واصلة فوق من ركبة مع سروال كحل مزير و سبرديلا فلون باج بااارد بحالها بحال لون زيف
هو لي كان متكي فلوطو ديالو و عينيه على لباب كيتسناها غير إمتى تخرج مني رجع من عند سيف الدين وهو كيتسنى فلوطو
فاق من سهوتو ملي بانت ليه كضحك مع دري عقد غوباشتو و هو يخرج من لوطو سدها بعصبية اصلا لي فيه مكفيه و تم غادي بخوطواتو لعندها كان لابس اونصومبل فلگري تيشورط و شورط و سبرديلا بيضة  غادي متقدم ناحيتها كيلعب فساعتو  تا وصل لعندها و حيد نظاظرو
هي كدوي تا  كتحس بشي حد وقف قدامها ضورات عويناتها لعسليين جاو فعينيه لقهويين

يتبع...✏️