قصة بالدارجة المغربية🌹تحت عنوان🌹:#مصير عاشقين🔞

💞📝 بارت 34 📝💞

فراح بعدات منو و نطقات : راه هدشي لي كنحس بيه بزاااف مقادراش عليه راه بابا هداك لي دمعة مكانش كيبغي إيشوفها فعيني و إلى مكنتش انا واكلة مياكولش تا هو و خلاص إلى كنا داوين و قلقني غير بلغلاط راه ميخليني نعس تا يحزرني اه كان مفششني و مدللني مي عمري خنت تيقتو على بالك قبل ميجي من خدمة كان كيصوني ليا و يسولني واش خاصني شي حاجة واخا نقول ليه لا كان ديما كيجيب ليا معاه واخا ميكونش عندو كيجيب ليا غير مصاصة على أقل حيت عارفني خاسرة من جيهة داكشي مي دبا لا شكون أيتعامل معايا هكا و شكون غينسيني فلبلاصة لي كان يجلس فيها ولا ينعس فيها ولا يصلي فيها و تا وقت لي كيمشي فيه لخدمة و وقت لي كيجي فيه وتا من طياب لي كان ديما إطلبني نوض نطيب ليه حيت كيعجبو مكلتي واش فنظرك أنبقا نطيب لا حيت مكينش هو لي يعلق ليا على طيابي و يقول ليا طيابك أحسن طياب فلعالم راه هادشي شوية من بزااااف راه منقدرش أسعد منقدرش
سعد لي شد ليها فوجها و نطق: فراح نتي قوية و مستحيل تخلي ضعف إغلبك هو راه بغاه الله كتر منا و نتي عارفاه كانت معدة ديالو معدباه بزااف إذن فراه مشا لبلاصة لي رتاح فيها فهمتيني منبغيكش تكوني ضعيفة بحال هكا فين هو إيمانك قوي نبغي تقوي راسك و إيمانك إبقا معاك تفقنا اه بصح عارفة صعييب تقبليها و صعييب بزااف مي معندك مديري راه غير كتعدبيه هكا بعدا هو مخلي ليك دكرى زوينة تبقا معاك
فراح أومأت ليه بأه و بتاسمات ليه إبتسامة باهتة
نوضوها بعد ما عنقاتها فاطمة و نطقات ببعض كلمات دياول العتاب على فكرة إنتحار لي طاحت فبالها
داوها فوق واحد سداري و خلاوها تنعس و خرجو و كانو غافلين على بدر لي بقا كيشوف مصدوم و ساكت و فجأة خرج كيجري

هو لي خرج معصب بزاااف مشا لدار و غير كيخبط ياله ناوي يخبط واحد فاز تا شداتو نادية و كطلب فيه
نادية: عافا وليدي غير تهدن راه مواقع والو
سيف الدين كيدوي وشرار كيخرج من عينو : كفاااااش بغيييتيني نتهدن و داك زااا*مل  بارك كيتلمس فيييها و هي بنت القح*بة واخدة راحتها
قرب لماماه ونطق بنبرة هادئة مي باين عليها لغضب: غنقتلهم أنادية سمعتيني معندوش الحق إقيسها
نادية رجعات خطوة لور و هي كتولول فخاطرها حيت عارفة ولدها مزياان
نادية: راه أسيف الدين بنت مريضة و ماحاساش بداكشي لي كدير و تا هداك دري إقدر إيكون غير كيجيها
سيف الدين نتف شعرو بعصبية و نطق: واااااع واخا يكون كيجيها معندوش لحق إيقيسها سمعتي راه خوها صغر منها و ملي كنت كنشوفو كيقيسها و يعنقها كنحس براسي أنوض نشتف عليه بقا ليك غير هدا
ياله أتجاوبو نادية تا كتلمح فاطمة لي واقفة فم لباب و مصدومة
هي لي كانت ناوية تجي تسول نادية على داكشي لي وقع فدار بين سيف الدين و فراح  تا كتصعق من جملة لخرى لي سمعات
نادية: فا فاطمة
على إثر سميتها غمض عينيه و حلهم و تلفت عندها و هو عاقدهم

( أجي نعرفكم على شخصية جديدة سعد هو ولد عربي لا علاقة ليه بباه هو شخص لي حنين و ضريف بزااف خصوصا فعمو عبد الله الله إرحمو كيحسبو فمقام باه كان ديما نهار كضيق بيه دنيا كيلقا أعمو فجنبو هو كان فلغربة  كتر من 4 سنين نهار بغا يمشي قالها لباباه إعطيه باش يمشي إكمل قرايتو برة مبغاش و ملي ساق ليه عبد الله لخبار مشا باع واحد الأرض و فلوسها عطاهم ليه و ديما كان كيسول فعبد الله على عكس باباه لي مرة مرة و نهار ساق ليه خبار مات جاتو صدمة و خدا كونجي واخا خدمة فلول مقبلاتش مي بقا معاهم تا عطاوه ليه و داكشي لاش تعطل مجاش نهار مات )