ياله أيشعلها تا بدل رأيو ناض لاح لبريكة من طبقة و رجع شد لكارو فرتو رجعو غبرة و نطق بعزم
بدر: هي تاقت فيا مرة خرى مستحيل نخون تقة ديالها
رجع جلس نفس لجلسة و شكارة حداه رجع راسو لور و عينيه مغمضين بقا هكاك تا حس بشي ليد تحطات عليه وسمع صوتها ندات بسميتو حل عينو و شاف فيها كانت بنت قصيرة شوية و زوينة فلملامح ديالها لابسة سروال تجين فيه تقاطع بزاااف و ميني بوط هابط على صدرها تا بانت لفرقة ديالو و فوق منو طابلية و سبرديلا و شعرها جامعاه شفنجة لفوق ايه بلا متستغربو من لبسها هي كدور هكا معروف عليها كل مرة مع واحد و لكن ملي كدخل لقسم ولا كيبان ليها لمدير كتسد طبلية
نطقات بصوت محلون و حنين: بدر لباس عليك
هو تقاد فلجلسة و نطق: فاتي بيخير احم جلسي
فاتي بتاسمات ليه بإغراء و كفاش لا و هي حالفة اي واحد جديد طيحو جلسات قريبة ليه و نطقات: بيخير و نت
بدر توتر: بيخير
فاتي زادت قربات ليه: كتسنى فشي حد
هو هنا كيشوف فيها حطات ليديها على صدرو و ياله بغا إنطق تا كيسمع صوتها
إيمان واقفة فدروج: بدر نت هنا و أنا كنقلب عليك
فاتي شافت فيها و بعدات منو شوية و نطقات بغيض: اووو حبيبتي إيمان صافا
إيمان طلعاتها و هبطاتها يااه شحال مكتحملهاش: الحمد الله ابب و نتي
فاتي: داكشي لي بغيت ليك
صونا تيليفونها و كملات: ياله نخليكم دبا باي باي
ناضت و تحنات تال عند بدر و باستو فحنكو و نطقات: نتشاوفو غدا
ختمات كلامها بغمزة و تمات هابطة فدروج مخلياه موراه مافاهم والو
إيمان حسات بقلبها نغزها و تمات غادا تاهي تا وقفها
بدر: إيمان أجي جلسي
تاهيا ماشي من عاگزين مشات جلسات و شافت فيه: سمح ليا قاطعت عليكم لحظة
بدر شاف فيها: لا هانية
سكتات شوية و نطقات : بيناتكم شي حاجة
بدر ضور وجهو لقدام: لا
إيمان بتوتر: كتعجبك
هو هنا مجوبهاش حيت ميكدبش فورمتها ناضية
إيمان شافتو هكاك حسات بدموع تحجرو ليها شدات ليه فليديه و شافت فيه ببراءة و دلات شفايفها بشكل طفولي: ياك كتقول ليا نتي صديقتي لوحيدة من بعد فراح و علاش كتخبي عليا دبا واش انا ماشي صديقتك
هو هنا تحبس ليه دماغو كيشوف فيها كتشوف فيه بعويناتها لي كيسلبو لواحد بقا كيشوف تا هز ليديه حطهم ليها على حناكها و قرب ليها تا باسها فحنكها بلطف و بعد و نطق بصوت حنين
بدر: صديقتي و أحسن صديقة
هي قلبها بدا كيضرب بجهد حسات بلحرارة طلعات معاها ملي باسها هي متكدبش كيجدبها و كيعجبها بزاااف من اول مرة عنقاتو باش كانو فزنقة و يقدر گاع تكون كتبغيه ولكن هي عارفاه مستحيل يقدر يفكر فيها من غير صديقتو وهاد لفكرة هي لي مرضاها
حيدات ليديه من حناكها و قربات ليه تا تكات ليه على كتفو و نطقات و دموع فعينيها: ملي انا صديقتك قول ليا واش كتبغيها و نقول ليك واحد سر تانا
بدر نطق بصوت حاير : صراحة مكتعجبنيش روحها و لا شي لعيية هي غير تضاريس عندها ناضية كيخليو اي واحد إتبعها و الى كانت شي حاجة فراه اتكون غير إعجاب بفورمتها حيت حب بزااف على لقح*اب
هو مولف معاها بهاد لهضرة خاسرة حيت هي كتر منو و شحال من مرة كيضور فيها باش هي متخسرش لهضرة معاه مي لي فيه شي بلان فيه
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
