قصة بالدارجة المغربية🌹تحت عنوان🌹:#مصير عاشقين🔞

💞📝 بارت 114📝💞

سيف الدين غير سمع هضرتها عينيه كون لقاو يوليو فشي لون كتر من حمر كون ولاو شدها من راسها خبطها مع أرض تا طوش دمها تجرحات فجبهتها و رعفات من نيفها بدات كتغمض عينيها بتدريج مي لا مزال ما شافت والو شدها صرفقها فحناكها تا بدات كتحلهم و نطق بشرار
سيف الدين: بغيتي غير لعب اوكي لعبو ما طلبتي غير لمجود مي كوني متأكدة نهار غنساليو لعب راه بربي ماغادي إقدر شي حد إفكك من ليدي سمعتي
جرها سيف الدين خرجها برة گراج تسنى تا أدم خرج عاد سدو هاد أخير تصدم كتر و لعن راسو حيت قدر إشك فيه و هو عارفو مهووس بفرااح مي راه ملي شاف دموع فراح دماغو و قلبو حبسو بجوج ولا دماغو معاها غير هي
طلع سيف الدين للوطو و ياله بغا يكسيري وقف قدامو أدم ،غمض عينيه بقوة لعصاب كيحس براسو كيحرقو و بزااااف
هبط و نطق بزعااف: اش باغي عطي لزا*مل بويا بتيساع تقا شري
أدم بندم: خاصنا ندويو
سيف الدين شد راسو بين ليديه: ما باغيش ندوي معاك عطيني بتيساع اادم ما باغي ندوي مع تا شي زا*مل
و ياله ايضور مد ليه أدم گارو حيت شافو كيف شاد فراسو عرفو باغي يكالمي صداع
سيف الدين شدو ديك ساعة و هو كيترعد مشا لوطو كيقلب على بريكة والو ملقاهاش تمدات ليه بريكة من عند أدم خداها دغيا شعل لگارو نتر منو نترة طوييلة و رجع راسو لور متكيه على لوطو بقا هكاك تاسلاه و عفط عليه ضرب ليديه مع لوطو و هز عينيه لحمرين فادم و نطق
سيف الدين: ما قضا ليا والو ما غاديش إبردني
سالا كلامو و ياله ايطلع لوطو وقفو أدم لي ملامح ديالو كلها اسف و ندم
ادم: سير سبقني لجرف انجيب ليك داكشي لي بغيتي
سالا كلامو و مشا لوطو ديالو كسيرا نيشان لوجهة غير معروفة و سيف الدين طلع لوطو و كسيرا اقرب حانوت خدا تلاتة باكيات گارو و بريكة و طلع شعل لگارو و هو سايق بعصبية غادي لجرف
جالس فراس ديال جرف و متكي على لوطو ديالو و كيكمي و كيفكر فهضرتها تا كلمة ما بغات تمحى ليه من عقلو هضرتها كلها كدوز فدامغو و فيما يتفكر كلمة طلقني كيزيد إجهل و كيسول راسو علاش ما تاقتش فيه او سؤال أصح واش هي ماكتيقش فيه علاش ماعطاتوش وقت فين إشرح ليها كيف ديما و لكن واش كون كان هو فبلاصتها ايخليها مزال حية من مورا داك لمنظر راه مستحيل، ايقتلها فلبلاصة هادشي لي مخليه إلقا تفسير على ردة فعل ديالها للحظة سول راسو واش الى ماطلقهاش واش بصح غتهرب و الى هربات يقدر إلقاها زعما لا مستحيل إخليها تهرب و مستحيل إطلقها ايضا كيتفكر كيف حلفات و هي ماشي غير و كتجي و تحلف من نهار عرفها و هي الى حلفات غير على شي حاجة دارتها و قالتها ليه باش يتيقها و بصح كتكون ما كدباتش مي ليوما حلفات الى مطلقهاش راه غتهرب كيما حلف هو الى خرجات من دار غيحرك حزاق كلو هو ملي حلف راه كان قادر 100 الف مرة يطبق هضرتو يعني تاهي ملي حلفات عارفة راسها غطبق هضرتها ،خبط راسو من لور مع لوطو ماباغيش إزيد يفكر فشي حاجة كيحس براسو غيتفرگع مافيهاش تنهد ملي سمع لوطو وقفات كان ادم
لي غير ركب فلوطو صونا ليوسف لي هاد أخير جاوبو ديك ساعة
يوسف : ادم لباس
ادم تنهد و نطق: عندك شي طرف ديال لحشي*ش
يوسف بإستغراب: مالك اش واقع ماشي غير كتجي و تكميه
ادم بحزن: ماشي ليا لسيف الدين
يوسف وقف و نطق ديك ساعة: واش واقعة شي حاجة فين هي فراح واش هي بيخير
أدم بجدية: تا قلنا ليك لسيف الدين اش جاب فراح لهضرة
يوسف جاوبو ديك ساعة: نت عارف سيف الدين راه گارو و مابقاش بغا يكميه و دبا كتقول ليا لحشي*ش اذن راه طاالع ليه دم ديال بصح و ملي كيطلع ليه دم ديال بصح فراه بطبيعة لحال اتكون لفراح علاقة
أدم مصدوم : لا وليتو كتخلعوني مهم من هادشي كامل هضرتك نصها صحيحة مي واش عندك
يوسف بنفي: لا و الله ما بقا عندي قول ليا غير اش واقع
أدم: تا نتقلاقاو و نقول ليك مهم راك بوليسي و عارف حشايشي*ة فين كايكونو ضبر على شي حد و جيب من عندو شي طروفة قدي من عندك تاتجي
يوسف بجدية: من نيتك از*بي على اخر يامات يوليو بوليس لي كيشدو لبزنازة يتقضاو من عندهم
أدم بعصبية: وا نمي راه تيتونة لي كانتقضاو من عندو راه غابر من نهار كان ايموت يا تشوف كيف ضبر عليه و لا عشيرك بربي تا يرمي راسو راك ماشفتيش لحالة لي واصل ليها
يوسف بتساؤل: واش لمشكيل كبير لديك درجة
أدم بحزم: و كتر ما تصور قضية فيها طلاق
يوسف ديك ساعة خرج من بيرو: اوكي انضبر ليه و نتلقاو حدا باب دار ديالي صافي
ادم: اوكي مشات
وداكشي لي دارو دراري ادم بقا كيتسناه حدا دار و يوسف مشا قضا لغراض و جا لدار بان ليه ادم خلا لوطو و ركب معاه و كسيراو و طول طريق و ادم كيعاود ليه و هو غير حال فمو ،وصلو هبطو من لوطو بان ليهم تمشاو لعندو جلسو حداه داروه لوسط و سكتو
سيف الدين بصوت بااح نطق: جبدوه
تنهد ادم و غمز يوسف لي جبد لعيبات و عطاهم ليهم ديك ساعة برم جوانو و شعلو و بدا كيتكيف بقا هكاك تا برم جوج عاد بدا كيتكالما ،مسح سيف الدين نيفو و نطق
سيف الدين : غير نوضو تقو*دو راه ما غاننتاحرش لا مافكيتش هاد لقلا*وي
يوسف ضحك و نطق: كون عرفناك اتنتاحر كون ربطناك كون هاني
سيف الدين رجع راسو لور و نطق بصوت باح و باين فيه لألم: عند بالها خنتها و انا من غيرها ما تحلاليش
ادم بجدية: دبا تعرف لحقيقة
سيف الدين بتاسم بإستهزاء و نطق: طلبات طلاق
ادم بحزن: و قلت ليها انا نعاونك
سيف الدين بحزن: لا طلقتها غتموت و لا ماطلقتهاش انا لي غنموت
يوسف بتساؤل: كفاش
نطق ادم بإستهزاء: لا طلقها غايقتلها و لا ماطلقهاش غتهرب و بهروبها غتقتلو
يوسف بحزن: مال هاد لبنات دايرين حملة على لفراق
سالا هضرتو و برم تاهو جوانو و نتر منو
أدم بتساؤل: اش كتقصد كفاش گاع لبنات
يوسف حل عينيه لي حمارو بجوان : احلام هضرت معاها لبارح و خصرات عليا جوج كلمات
ضحك بإستهزاء و نطق: قالت ليا ماكنبغيكش و عمري بغيتك عطيني تيساع
أدم ضحك بفقصة: لا ماتكون غير جاتهم هاديك لعيبة و تخربقو ليهم لهرمونات
نطق سيف الدين بأستهزاء: فراح ماكتجيهاش
شافو فيه بإستغراب ونطق مكمل هضرتو: راها حاملة از*بي
ادم نتف راسو : انا مابقيت فاهم تا قلو*ة
يوسف شاف فسيف الدين و نطق: اش غدير دبا
سيف الدين بجدية: والو
أدم بتساؤل: بغات طلاق هي
سيف الدين بعصبية: مستحيل تحلم بيه