قصة بالدارجة المغربية🌹تحت عنوان🌹:#مصير عاشقين🔞

💞📝 بارت 93 📝💞

سيف الدين قرب ليها مسح ليها دمعة و نطق: ششش راه إقدر يكون بغا يبدل لجو
فراح بنفي: لا مامولفش بحال هكا و اصلا واخا يكون بغا يبدل لجو واش كين شي خروج فهاد لوقت و زيد عليهم هما فايتينا يعني ليل كلو بقا برى
سيف الدين عنقها و بدا كيمسح ليها على شعرها: واش ادير هي دبا
فراح بحزن : شتي غربة شحال خايبة راه قلت ليها تبقا تصوني الى ماجاوبهاش و لا مابانش من هنا لساعة تمشي لبوليس
سيف الدين بعد منها تكا و تكاها عليه معنقها: احسن حاجة
سكتو واحد لمدة عاد نطق و هو كيتاوب: فراح نعسي خيب ليك سهير تاتصوني و فيقي
فراح حركات راسها بنفي: لا مستحيل ننعس و هو ما عرفتو تا اش واقع ليه غير نعس نت
سيف الدين خنزر فيها: عارفاني مستحيل ننعس و نتي لا ادن مغتنعسيش سكتي
فراح شافت فيه بحزن: ولكن راه عينيك حمرين بزااف غير نعس
سيف الدين زيرها ليها و نطق: ششش راها ماغانعس تاتنعسي غير رتاحي دبا
دازت ساعة 4:30 دبا طول لمدة و فراح كدوي مع مريم غير دازت ساعة صونا تيلي لفراح ديك ساعة جوبات
فراح بتوتر: اش واش جا
مريم بخوف: لا
فراح توترات كتر : و ماجاوبش
مريم بحزن: لا تيليفين ولا مطفي
فراح تصدمات: اش اديري
مريم توجهات لباب كتلبس سبرديلتها: انخرج نمشي عند لبوليس
فراح بخوف: اه عافاك دغيا و اي حاجة علميني بيها
مريم بابتسامة لحزن: ضروري و سمحي ليا برزطتك
فراح : اويلي هانيا
و ياله مريم حلات لباب تا كتشهق بصدمة: ااااا سعد
فراح بخوف: مريم اش واقع
مريم نطقات بزربة : فراح راه جا غير سيري تنعسي تال من بعد و ندويو
فراح بخوف: بلا كدوب امريم واش هو بيخير
مريم غمضات عينيها و نطقات: شوية كيبان مضروب مي راه بيخير مهم بسلامة غير نسالي نصوني ليك
فراح بتوتر: واخا بسلامة
فراح قطعات معاها شافت فسيف الدين بحزن : قالت ليا مضروب
سيف الدين عنقها ليه كتر و نطق: سمعتها مي متخافيش ماهما وقع راه فلخر جا ادن خاصها تحمد الله ماوقعاتش شي حاجة خايبة
فراح تمخشات فيه: بقا فيا لمسخوط لاخور
سيف الدين قرصها فنيفها: و مانبقاش فيك انا لي ميت بنعاس
فراح بتاسمات بحزن: سمح ليا برزطتك مي كيبقا ولد عمي و كتر من خويا منقدرش نسمع شي حاجة واقعة ليه و منتسوقش
سيف الدين باسها فحنكها ونطق: لاش انسمح ليك راه من حقك انا غير ضاحك معاك
فراح عنقاتو و نطقات: صافي غير نعس دبا
سيف الدين زيرها عليها و نطق: هي لا نعستي نتي
فراح غمضات عينيها و خلاتو هو كيفكر بصراحة فلول ملي سمعت سيرتو ما بغاهاش تخاف عليه بحال هكاك واخا قال مع راسو 50٪ راه خونا غير كيتسركل مي غير سمع اش وقع ليه بقا فيه من واحد ناحية و قال مع راسو راه كابرة هي وياه بسيف متخاف عليه و غير شافها نعسات حاول إغمض عينيه و ميفكرش بزااف اولا باش مايبقاش انبش تا يتعصب و تانيا سهير قتلو بزاااف هاد تلتيام ديما كيبات ياكل لحلوة داكشي علاش لعقها بزااف هاد نهار

✨عند سعد و مريم✨
قطعات مع فراح و تماشات ناحية ديال جردة هو كان جاي كلو مجروح و عامر دم و كيعرج بواحد رجل متكي على واحد راجل باين فيه هو لي عاونو
وصلات لعندهم و ملامح ديالها كلها خوف شدات ليه فوجهو و نطقات: سعد اش واقع ليك مالك
قاست ليه واحد جرحة حدا حاجب و تأوه: ااه
مريم بعدات ليديها و عينيها مغرغرين: ناري وعتك سمح ليا مقصدتش و الله
نطق راجل لي معاونو بلغة إنجليزية: مدام ماتخافيش راه بيخير دبا
مريم دوات تاهي بإنجليزية: اش وقع ليه
راجل: راه كانت لوطو ديالو خارجة فواحد شجرة دار كسيدة مي الحمد الله معندوش شي حاجة خطيرة
مريم سنداتو عليه من جيهة لاخرى : شكرا عافاك عاوني نوصلو لباب
اومأ ليها راجل بإيجاب و تماشاو تال ناحية لباب حلاتو و دخلو استأدن منها راجل و مشا
سدات لباب و كتحاول دخلو بعد منها و نطق بصوت عيان
سعد: راه نقدر نمشي غير طلقي مني
مريم رجعات شدات فيه و نطقات بعدم إهتمام: سكت و هنينا
دخلاتو لبيت ديالو جلساتو فوق ناموسية و نساحبات جابت علبة إسعافات و جات جلسات حداه بدات كداوي ليه و عينيها مغرغرين نطقات بخوف
مريم: كيفاش وقع ليك
سعد شاف فيها بحب و نطق: ياك مكنهمكش ادا واخا نموت هادشي عادي بنسبة ليك
مريم شافت فيه بحزن دمعات عينيها دغيا مسحاتها و بدات كداوي ليه: سعد بلا تفلية قول كيفاش وقع ليك
سعد تأوه حيت توعت : مرضيتش لبال تاخرجت فشجرة صافي
مريم وركات ليه على واحد جرحة جات فجنبو و نطقات بغضب: صاافي واش من نيتك و علاش ماكاتجاوبش فتيليفونك
سعد : حيت كنت مغيب راه راجل لي فيقني
مريم بخوف: واش نمشيو لسبيطار اا
سعد شد ليها ليديها باسها: ماتخافيش راني بيخير
مريم حيدات ليديها بتوتر و نطقات: احم راه ملي تعطلتي صونيت لفراح
سعد بصدمة: ولا ماشي تال ديك درجة و انا عارفاها خوافة مغاتنعسش
مريم بندم: صراحة ندمت علاش صونيت ليها مسكينة منعسات تال دبا شفتك و قلت ليها راه رجع
سعد قرب وجهو ليها و ليديه شادين فكتفو حيت تقصح منو: ملي نتي كتخافي عليا لهاد درجة و كتبغيني علاش ما بغاش نكونو مع بعضياتنا
مريم سرطات ريقها و وقفات: ماشي وقت لهضرة دبا رتاح
ياله ضارت و غتمشي تا شدها و جرها لعندو شاف فيها برجاء و نطق: اتخليني بهاد لحالة تا الى بغيت نهز مخدة منقدرش
مريم بتوتر : اووف واخا غنبقا هنا
سعد بعد منها ضور وجهو و بتاسم بشر شاف فيها و نطق: واخا تعونيني نتكا
مريم شدات فيه تكاتو و صيبات ليه لمخدة بعدات و نطقات : مهم نت نعس هنا انا نمشي فوق فوتوي و نعس و ملي تبغي شي حاجة فيقني
ياله جات تمشي شد فيها و نطق
سعد بإبتسامة إستفزاز: لهاد درجة عارفة راسك متقدريش تحكمي فراسك
مريم وسعات عينيها بصدمة: من نيتك كدوي
سعد طلق منها و تغطا و غمض عينيه: لا كنتفلا
غمضات عينيها بغضب و رجعات حلاتهم مشات سدات لباب و رجعات نعسات بتوتر حداه كانت عاطياه بظهر تغطات و بانت إبتسامة على شفايف سعد
دازت 20 دقيقة قرب ليها بانت ليه ناعسة و تنفس ديالها منتاضم و بلا ميفكر كتر جرها لعندو و عنقها و ستسلم لنوم