قصة بالدارجة المغربية🌹تحت عنوان🌹:#مصير عاشقين🔞

💞📝 بارت 129 📝💞

دق فلباب و حبس ملي سمع صوتها نطقات
فراح: بلاااتي
بتاسم بجنب فمو و بقا كيتسنى تا تحل لباب و بانت منو فراح لي كانت لابسة بيجامة فايتة ركبة شوية و نص كوم بلغوز و فيها هيلو كيتي كان شعرها مطلووق ورجع كيما كان، ليميش مابقاوش فيه رجع كلو كحل و عاد ما قوى ليها و طوال بقوة لوصفات طلعات عويناتها و بتاسمات بحنان ملي بان ليها واقف و لابس كيطما فلبيض نطقات بحنان
فراح: ادم دخل
ادم تحنى لعندها باس ليها جبهتها و نطق: صباح لخير الأميرة ديالنا
فراح بابتسامة و حنيكاتها مزنگين: صباح نور دخل تفطر
ادم نطق بنفي بعد ما شاف فساعة ديالو: لا انتعطلو افراح غير خرجيه ليا راه مشا لحال
فراح بإبتسامة : واخا دبا هاهوا خارج
ومع اضور فراح لقاتو واقف من موراها و مربع ليديه متكي على لحيط و كيخنزر فيها و هو مغوبش
فراح عضات على شفايفها و نطقات بتوتر: حبيبي ساليتي فطورك
طلق ليديه و تماشا بخطوات واتقة تا وقف قدامهم و نطق بغضب طفولي
إسلام: وااخا غير تايجي ذيب و نقولها ليه
ادم بتاسم كيشوف فهاد خونا تا كيقول تفاك مع سيف الدين كايخرج ليه هاد خونا من جنب نطق و هو كيشوف فيه: اش غتقول ليه
إسلام خنزر فيه بعويناتو زرقين لي غير تاوع بدر محطوطين اما داكشي لاخور غير سيف الدين لا تخنزيرات لا مشية لا طريقة لهضرة كولشي منو
إسلام نطق بغضب: عمي باش نكونو مزيانين متبقاش تبوس ليا راحة قلبي راه الى جا ليك ذيب يضبحك بحال هكا
غير سالا هضرتو دوز ليديه على عنقو نطقات فرح بعصبية : إسلاام حشومة ياله عتادر من عمو
إسلام تلفت لعندها و بدا كيلبد عويناتو و نطق بحب: مامي راه عزيز عليا داكشي لاش نصحتو صااافي
فراح نطقات بحب: عتادر
و ياله اينطق ادم سبقو إسلام بندم: عمو هبط لعندي
ادم بتاسم و هبط لعندو و نطق: هاني
إسلام باسو فحنكو و نطق بأسف: عمو سمح ليا مقصدتش ندوي معاك هكا
ادم خربق ليه شعرو لي شهب و نطق: مسامحك احبيب عمو
نطقات فراح و هي مربعة ليديه : إسلام اخر مرة تبقى تقول على باباك ديب الى سمعك ايعاقبك
إسلام شاف فيها ببراءة و نطق: و لكن هو لي كيقول ليا قولها
فراح دلات شفايفها بطفولة و نطقات: واخا قولها ليه
سالات هضرتها و هبطات راسها إسلام شاف فأدم و نطق ليه فودنو
إسلام: عمو هزني عندها
هزو ادم و طلعو لعندها، هز ليها وجها و باسها بوسة حنينة و مسح ليها على شعرها بليدياتو صغيورين و نطق : عافاك امامي متقلقيش مني مبقيتش نقولها ليه
فراح شافت فيه و نطقات بحزن: وعد
إسلام باسها فراسها و نطق: وعد
بتاسمات فراح و تاهو بتاسم تلاح لعندها معنقها علاش لا و هو ماكدبش ملي قال راحة قلبو واخا صغير مي فراح ما كيبغيهاش تقلق هي عينيه
هبطاتو و نطقات فراح: ياله سير مع عمك راه وقت لمدرسة
اومأ ليها هز شكارتو لبسها باس فراح و خرج بعد ما ودعها
هبط هو و ادم لتحت وصلو لوطو حل باب لوطو و هو يخرج كيجري عنق إسلام و بعد منو بتاسم و عينيه لكحلين كيبريو بفرحة بعد شعرو لكحل من على عينيه و نطق
...: إسلام توحشتك
إسلام بتاسم و نطق: تانا ازياد توحشتك
ادم ضحك و نطق: ياك غير لبارح بقيتو تال 11 عاد نعستو
زياد نطق بطفولة: واخا هكاك توحشتو
ادم بتاسم و نطق: واخا ياله طلعو قبل ما يمشي عليكم الحال
نطق إسلام بتساؤل: عمو واش ماغاديش نديو معانا جود و ليث
نطق ادم بنفي: لا احبيب عمو غادي يكونو وصلو هما لمدرسة
اومأ ليه زياد و طلع هو و إسلام، تبعهم ادم و كسيرا و طول لمدة و زياد غير كيسول و إسلام يجاوب او عكس ،وصلو حدا لمدرسة هبط ادم و حل باب ليهم غير هبطو بان ليهم و مشاو كيجريو تا تبعهم ادم
وقفو عليهم و نطق بإبتسامة
يوسف: اهلا ابطال ديالنا 
تحنى يوسف سلم على زياد و إسلام و تا ادم دار نفس شئ تحنى على جوج دراري نفس طولة و نفس تقادة من شوفة تعرفهم توام واخا ماشي توأم حقيقي كانو بجوجهم شهبين و عينيهم زرقين باسهم ادم و نطق بإبتسامة
ادم: جود ليث اش خباركم
نطقو تاهما دقة وحدة : بيخير اعمو و نت
ادم بتاسم و نطق: تانا بيخير
يوسف جبد شكاير لدراري عطاهم ليهم و نطق: ياله سيرو دخلو دبا
حركو دراري راسهم بالإيجاب و تمشاو داخلين لمدرسة شاف ادم فيوسف تنهد و نطق
ادم: هاحنا دغيا كبرنا ابا يوسف
يوسف ضحك و نطق: ماشفتي والو اصبر تا يكبرو هاد لبراهش و تشوف واش كبرنا نيت
ادم ضحك بقاو مدة كيدويو تا شبعو و توادعو كل واحد مشا لخدمتو