قصة بالدارجة المغربية🌹تحت عنوان🌹:#مصير عاشقين🔞

💞📝 بارت 97📝💞

مسح على وجهو ماقدرش يكمل هضرتو سيف الدين عينيه بداو كيحمارو كتر تدريجيا قرب من أدم و شاف ففراح بشوفات كيفشلو رجع شاف فأدم و نطق من تحت سنانو
سيف الدين: وواااش قاصها
أدم شاف فيه و تاهوا معصب كتر منو نطق بعصبية: راه قاصها و قرب منها و كان تا غايبوسها بزز
سيف الدين سد عينيه و حلهم ولا بحال تور ديك ساعة هز رجليه تال فوق و نزل ليه على لمعلم تا لاخر غوت بحر ألم لي حس بيه شاف لموت بين عينيه
شاف ففراح و نطق بغوات: فييين قاصك ااا
فراح قفزات و عرات ليه على معصم ديالها و نطقات بتوتر: هنا
هبطو عينيهم بجوج بانو ليهم أتار ديال صباعو حمرييين على ليديها و ناري كيف ولاو ديك ساعة
تحنى سيف الدين هزو بين كتافو بحال حولي و نطق :بربي و تخرجي من هاد دار تانتفاهمو
تحرك سيف الدين و تبعو أدم و يوسف ،لي هاد اخير كان واقف مع إسراء و أحلام مصدومين وقفو على لكلمة ديال ايبوسها بزز ،جاب الله صالون جا بعيد على لباب اما ليوما هاد مناسبة يرجعوها كنازة و تا موسيقة كانت مساعداهم

مشات أحلام و إسراء عند فراح لي بدات كترعد خافتو لا يقتلو جلسوها فوق واحد لكورسي و جابو ليها لما و هي كتشهق و ترعد
أحلام كتحاول تهدنها: ششش فراح ماغيوقع والو ششش
فراح بدات كتهضر و تلعتم فهضرتها: ر راه ا ايقتلو
إسراء شافت فيها بطمأنينة: شششش متقوليش هكا راه أدم ما غايخليهش كوني هانية
أحلام شافت فيها شوفة ديال من نيتك
نطقات فراح و هي كتمسح دموعها: راه ادم لي غيزيدو يقتلو ماشفتيش حالتو
أحلام عنقاتها: و فين خليتي حبقلبي راه معاهم ماغاديش اوقع شي حاجة غير سكتي
فراح اومأت ليها و بقات كتشهق دازت مدة قصيرة و تهدنات
أحلام نوضاتها: نوضي نمشيو ندخلو لصالون
ناضت فراح و ياله اتحرك تا كتشوفهم داخلين بجوج بحال منكر و نكير و حداهم يوسف
توترو كلهم ماشي افراح قفزو ملي سمعوه نطق
سيف الدين بجدية: دخلو قولو ليهم ينوضو انمشيو
تحركو بتلاتة غادين تا كتجر فراح كان سيف الدين لي جرها و نطق وهو عاقدهم : انا لتحت تا تبعوني
ديك ساعة شابك ليديه ومع ليديها و تمو غادين واخا هكاك مراعي ليها و كيمشي غير بشوية على حسابها وصلو للوطو و طلعها و سد لباب و طلع لجيهة لاخرى ماكاملاش 5 دقايق تا تمو هابطين كلهم طلعو لوطو كل واحد معامن جا إعاود ارجع معاه ،طول طريق و صمت لي رفيقهم ماكينش لي دوا تامن تلاتي لي لور ساكت حيت شافو لجو مكهرب بيناتهم
وقف لوطو وخرجو كلهم فراح مشات تسلم عليهم باست إيمان و بدر ،و عمران سلمات عليه ابليد حيت حاضر الأخ اما تاهو كتسلم عليه بلوجه دايراه بحال بدر، نساحبو تلاتي و فراح تقدامات لعند سيف الدين لي كيشوف فيها و هو عاقدهم كان واقف حدا دار و حال لباب
سيف الدين شافها وقفات قدامو و نطق: طلعي انا جاي
فراح سرطات ريقها ولا كولشي تال لهادي خصوصا مع كان مغرب أذن إذن راه ضلام لحال: احم و و واش انبقا بوحدي
سيف الدين تنهد بغضب و نطق : طلعي افراح راه غير نكمي و نطلع حيت حاس براسي ايتفرگع
فراح بقات كتشوف فيه ببراءة حيت بصح بان ليها معصب بدات كتلعب بصباعها بطفولة و نطقات: واش واخا ندخل نتسناك افصالون حيت عارف منقدرش نبقا بوحدي
غير سالات كلامها دلات شفايفها بشكل طفولي ديك ساعة هو جرها و سد لباب و كالاها معاه شاف فيها بحب و نطق
سيف الدين: الله إنعل ديلمو هاد لگارو لي خليني نخليك ابوحدك
فراح زرب عليها ما فهمات والو ياك ادبا كان طالع ليه دم
سيف الدين حط نيفو على حنكها كيحك ليها حنكها نطق بصوت خافت: بغيتيني منخليكش بوحدك
فراح شافت فيه و بداات كترمش بزربة بحال كتقول ليه اه
باسها فحنكها و نطق: مغانخليكش و ماغانكميش مي فلمقابل باغي غير جوج ماتشات
فراح شافت فيه بتساؤل: ماتشات
مي داغيا وسعات عينيها ملي عرفاتو اش كيقصد حركات راسها بنفي بتوتر و نطقات
فراح: لا عافاك و الله تا عيانة و زيد عليها غدا فايقة بكري عافاك
سيف الدين مص ليها شفايفها بحب و نطق: واخا الالة نخليك ترتاحي و تا دبا درت بناقص من شي گارو مي خاصنا ندويو على شي حوايج
فراح سرطات ريقها و نطقات بتوتر: شي حوايج
سيف الدين مدواش حدو شدها من ليديها و جرها معاه طالعين فدروج
دخلو لطبقة ديالهم مشاو ديريكت لبيت ضياف جلس و جلسها حداه عقد حواجبو و نطق
سيف الدين: دبا نتفاهمو
فراح سرطات ريقها و شافت فيه : ع علاش
سيف الدين بجدية: علاش امدام مدايراش خاتم ديالك
فراح بدات كتلعب بصباعها و نطقات: راه مع بغيت ندوش حطيتو و ملي خرجت نسيتو و الله
سيف الدين نطق بجدية: اخر مرة افراح سمعتي هاد لمرة ما ديريهش هضرة خرى تفقنا
فراح هزات راسها بإيجاب شافت فيه و نطقات بتوتر: احم اش درتو لدري
سيف الدين شاف فيها بملامح باردة و نطق: هاد موضوع بقاي بعيدة عليه
فراح شافت فيها ببراءة ة نطقات: ولكن
سيف الدين نطق بصوت عالي : فراااح دويت
شافت فيه دلات شفايفها و وقفات شافها وقفات غوبش كتر و نطق
سيف الدين: فين غادا بسلامة
فراح نطقات و هي مقلقة: بغيت نعس عيت
سيف الدين شاف عينيها غرغرو جرها لعندو و جلسها على فخاضو شد ليها وجهها و نطق بحب: مالكي
فراح هبطات دمعة من عينيها و نطقات: كبيلة شفت
مخلاهاش تكمل باس ليها ليديها و نطق: و الله افراح ما وقع شي حاجة راه كنت باغي نبعدها مي نتي جيتي فديك لوقيتة
مسح ليها دموعها و نطق: واش ماكتيقيش فيا
فراح شافت فيه بعويناتها لمدمعين و نطقات : راه انا شفت كولشي ملي خرجتي من طواليط
سيف الدين عقد غوباشتو بتساؤل: اوى ملي شفتي كولشي علاش كتبكي دبا
فراح هزات كتافها ودلات شفايفها بحزن: علاش خليتيها تقيسك
سيف الدين بتاسم بجنب فمو نطق و صباعو كيتحسسو حناكها: واش هادشي كولو غير حيت قاستني
فراح رمشات بزربة و هزات راسها بإيجاب
ديك ساعة ورك ليها على حناكها تا برزو شفايفها مزياان و تحنى جمع ليها شفايفها فمصة و طلقها
سيف الدين : اححح على ناس كيغيرو
فراح ميقات فيه و حناكها مزنگين: ماغرتش انا
سيف الدين : و اشنو درتي
فراح ببراءة: غير ما بغيتهاش تقيسك وصافي
سيف الدين وقف و هي تعلقات فيه خافتو لا يطيحها تماشا و نطق: واخا الالة مابقيت نخلي حد إقيسني مزيان دبا
حركات راسها بإيجاب: واخا دبا غير حطني راه انطيح
سيف الدين جمعها معاها بشحطة لطر*متها : و ماحشمتيش تا تقوليها قولي ليا دبا فيك جوع
فراح حركات راسها بنفي و هي گعما كتشوف فيه
سيف الدين: اوى ياله تنعسي باش تفيقي غدا بكري تابعك بزااف
حركات راسها بإيجاب و داها لبيت نعاس حطها فوق ناموسية حيد ليها سندالتها و زيفها بغا يحد ليها تا قفطان ما بغاتش مشا حط حوايجو قدامها راه مكيحشمش بقا ببوكسور و زاد عليه شورط و ديباردور و هي حيدات داك قفطان و حشمانة لا يتلفت لعندها واخا ماعرت اش كتبقا تحشم منو بقات بديباردور و شورط ديالو حد ركبة فلبيض مشات جيهة كوافوزة جلسات و بدات مضاربة مع شعرها تمشطو تا جا هو خدا ليها لمشطة و مشطو ليها واخا عدبو خلاه مطلوق و جرها
فراح بصوت خافت: بلاتي غير نجمعو
سيف الدين بنفي: لا غير خليه
نعسو فوق ناموسية جرها لعندو منعسها على صدرو راه من نهار ولاو مجموعين هادي هي نعسة فاش كيرتاح و تاهي هكاك بقا كيلعب ليها فشعرها تا نعسات عاد نعس تا هو

💥أصبحنا و أصبح الملك لله💥
واقفة فلبيت هزا ساك كتجمع فيه حوايجها كانت لابسة جلابتها و دايرة زيفها سدات ساك خرجاتو حدا لباب و دخلات دوش جبدات سطولة و بدات كتجمع لوازم حمام تا كتسمع دقان نطقات وهي فبلاصتها
فراح: راه لباب محلول
سمعات لباب تحل و كملات شغلها عادي جمعاتهم وهي تخرج ملي سمعاتهم عيطو ليها
أحلام: فرااح فينك
فراح خرجات عندهم بانت ليها أحلام لابسة گندورة و حداها إسراء لابسة كسوة نطقات بإبتسامة: هاني اختي
إسراء نطقات : واو اختي داركم زوينة
فراح ضحكات: مافيهاش لمسة ديال أنوتة بمرة كنحس براسي عايشة وسط دراري هههه
إسراء بنفي: لا و الله اختي تا زوينة كتحمق
فراح: اه كيعرف إختار دخلي الى بغيتي شوفي لبيوتة لاخرين
إسراء ياله اتمشي تا كتحس براسها مجرورة
أحلام: و بربي و ماتزيدي قدامي تا نبلبلها عليك تا نساليو و شوفي تاتشبعي راه انتعطلو
إسراء ميقات فيها: يااه على مسمومة
فراح بإبتسامة: شفتي بعدا دارك فين غتسكني
احلام بشر: على هي كضيع شي حاجة هه
فراح حطات داكشي لي هازا حدا ساك و نطقات: ابعدي منها
أحلام : هاني ياختي مهم صافي واجدة نتي
فراح بدات كتفكر : ااااممم لا صافي كولشي جمعتو غير قولي ليا واش اندوزو من حمام لعند كوافورة ديريكت ولا لا
أحلام بنفي: لا قالت ليك ماما و ماماك تاتجي عاد اتمشي غير سربي دغيا باش إيدينا يوسف حيت راه مزروب بغا يلحق على دراري لحمام
فراح سمعات تيلي كيصوني : واخا راني واجدة بلاتي انشوف شكون كيصوني
إسراء بتهديد: يكون شي حد اخور من غير سيف الدين و تجاوبيه بربي تا نريشك
فراح تنهدات : واخا غير هبطو
أحلام تحنات هزات سطولة و خلات ساك لإسراء: هاحنا انهبطو معانا هادشي تفوتي 5 دقايق ماتلومي اراسك
اومأت ليهم فراح و دخلات لبيت سمعات تيلي سكت مشات هزاتو بان ليها هو دوزات لخط صونات و قطع عليها و ديك ساعة عاود صونا هو جوباتو
فراح: الو
سيف الدين بجدية: فين كنتي
فراح بتوتر: كنت كنجمع لوازم ديال حمام
سيف الدين: مزال مامشيتو
فراح: لا ياله غادين
سيف الدين: اه واخا سيري و بلا ما دي تيلي معاك حطيه فلبيت نعاس و سدي لبيت و حطي ساروت حدا لبوطة و سدي باب دار و عطيه لواليدة راه غتكون دعوة مخلطة تفقنا
فراح بتساؤل: كفاش ياك حنا مادايرينش لعرس هنا
سيف الدين: اه مي غيجيو عائلة و غادي يجيو لدار يحطو نمهم فهمتي
فراح : صافي واخا
سيف الدين بجدية: ياله سيري و تطلعي عينيك فيوسف نتفاهم معاك
فراح عضات على شفايفها نطقات بلا متحس: مابقاوش كيعجبوني لقيت ما حسن
سيف الدين فك غوباشتو و نطق و هو مامستوعبش: كفاش
فراح طلعات معاها لهضرة لي قالت ديك ساعة تزنگات نطقات بزربة: ااا لا والو مهم بسلامة كيعيطو ليا
ديك ساعة قطعات معاه هو مامتيقش شاف فتيلي نطق و هو مبتاسم
سيف الدين: بربي تا قطعات عليا بنت لذينا

يتبع....✏️