قصة بالدارجة المغربية🌹تحت عنوان🌹:#مصير عاشقين🔞

💞📝 بارت 43 📝💞

سمعات تنهيدة ديالو لي خارجة من قلب و حلات عينيها على وسعهم و كطلب من ربي ميكونش هادشي بصح
أحلام: واش كنت كنفكر بصوت عالي
هو عينيه كيلمعو بفرحة كتافا فقط باش إحرك ليها راسو بأه
صافي حناكها دغيا تزنگو  و بدات كتحرك راسها بلا و فمقابل هو كيحركو بأه
شد وجهها بين يديه و نطق: دبا عرفت جوابك و كوني متأكدة ما غرتاح تا يكون هدا (حط ليدو على قلبها) ديالي
أحلام توترات و تصدمات فراسها: و لكن سي
و مزال تا مكملات هضرتها قطعها
يوسف: سيف الدين عطاني موافقة ديالو كنت محتاج غير موافقة ديالك
هي ماشي غير تصدمات راه شي حاجة فوق صدمة بدات كتمتم فهضرتها بقوة صدمة
أحلام: سيف سيف متأكد
حرك راسو بأه مي جاتها فشكل و دغيا حدرات راسها و تزنگات ملي طلعات معاها راه ولات بيناتهم علاقة حسات بيه ضرب ليها على نيفها
يوسف: ماتفكري فوالو دبا خلي لوقت لي بين ليك تفقنا
حركات راسها بأه و بقات ساكتة هو بقا تقريبا 5 دقايق كيتأملها و هي غير كتلف فعينيها باش متجيش عينيها فعينيه و هادشي هو لاحظو و بتاسم ،اول مرة من بعد سنين يحس بهاد فرحة لطول عمرو كان كيتسنى فيها
بعد عليها و جرها من ليديها
يوسف: ياله نمشيو تعطلتي
وصل حدا لباب ركبها و مشا جيهة لاخرى تاهوا ركب طول طريق و هما ساكتين من غير نظرات ديالهم لي مبينة كولشي هو نظراتو كلهم حب و فرحة و عشق و هي نظراتها بين حيرة و توتر و حشمة
وصلو لدرب ضارت لعندو و نطقات: بسلامة
ضارت حلات لباب و ياله بغات تنزل تا كتحس بيه جرها تا ولا وجهو مقابل مع وجهها و نظرات لجدية فيه
يوسف: أحلام باش نبقاو مزيانين حوايجك يكونو محتارمين
هبطات راسها شافت فحوايجها و عودات شافت فيه بتساؤل: مي راه عاديين ماشي معيقين
شاف فيها واحد شوفة ديال واش من نيتك
يوسف: فنظرك واش الى شافك سيف الدين لابسة هاد لبسة واش غيبغي
أحلام بلعات ريقها و حركات راسها بلا
يوسف: إوى شتي هو خوك و مبغاكش تلبسي هكا حيت مغيبغيش شي حد يشوف فختو و انا اش راه تانا منبغيش لي شوف فمرتي شي شوفة
هي حسات بقلبها طار مع كلمة ديال مرتي بقات غير كترمش فعويناتها
عاق بيها و كمل هضرتو: متفقين
حركات راسها بأه و نطقات: صافي نمشي
حرك راسو بلا و تحنى تال حنكها و باسها بحنية و نطق
يوسف: دبا إمكن ليك تمشي
معوداتهاش معاه هبطات كتجري وصلات لدار ضارت بان ليها واقف عرفاتو كيتسنى تادخل صونات لدار بقات مدة كتصوني  عاد حل ليها أدم لباب مي وجهو معجبهاش كيبان ليها فشكل خلاها و دخل هي ضارت سدات لباب و تمات داخلة لي غير دخلات وسعات عينيها بصدمة

✨فبلاصة أخرى✨
داخل سعد لدار كتبان ليه صفاء و عمران و إيمان جالسين فلبيت لقا عليهم سلام و عينيه كيقلبو عليها مي ملقاهاش مشا لكوزينة كتبان ليه فاطمة كتوجد لغدا حنحن بصوتو و نطق
سعد: خالتي فين هي فراح
فاطمة حاولات ماتبين ليه والو : راه غير عند جارتنا مع بنتها صحبتها مشات تشوفها
سعد بتاسم و نطق: اه من أحسن تبدل لجو شوية
فاطمة تنهدات: اه داكشي لي بغيت
سعد : ياكما نعاونك فشي حاجة
فاطمة غسلات ربيع : لا اوليدي غير سير راه كنوجد غير لغدا
اومأ ليها و خرج متاجه لبيت عند دراري
دخل عليهم لقا كل واحد و أش كيدير مع دخل مع هز بدر عينيه فيه و نطق
بدر: مزال مجات فراح
سعد: لا مزال
بدر اومأ ليه براسو و مع غايضور ما غتجي عينيه غير فعينين إيمان لي دغيا هبطاتهم لتيلي متلفة بيه ، هو بقا مقابلها اش كدير و ملي كتكون كتضحك فتيلي كيعقد غوابشو كيجيه لفضول يعرفها معامن كضحك
عمران كان ملاحظ فيلم من لول حنحن و نطق موجه لهضرة لإيمان: اش عندك نتيا فداك تيليفون من صباح و نتي كتكركر
إيمان شافت فيه : لا والو غير مع أسامة
عمران عقد غوباشتو و نطق: ياك قلت ليك متبقايش دوي معاه
إيمان هزات كتافها بعدم مبالاة: وراه و الله تا ضريف غير نت معرفت مالك معاه
عمران شاف فيها بصرامة: عندك وحدة من جوج يا تجمعي و بعدي منو يا لهضرة توصل لعبد المجيد
هي عقدات غوباشتها و نطقات: مكينش حل تالت
عمران بقا محافظ على نفس نظرة
إيمان: اووووف منك اعمران هاك( مدات ليه تيلي) بلوكيه و مسح نمرتو بليدك
عمران خدا من عندها تيلي: درتها ما مرة ما جوج و كترجعيه
إيمان: راه مكنرجعوش اعمران راه هو لي كيبدل نمرة و يسيفط ليا
عمران : واخا صافي مقلت والو
بلوكاه و مسح نمرتو و رجع ليها تيلي وسمعو نطق
بدر بتساؤل: واش أسامة لي
عمران قاطعو بلا ميكمل جملة ديالو: اه هداك (اسامة هو لي كان مشا مع بدر لعند تيتونة)
عقد بدر غوباشتو جاتو فشكل و جاو فبالو بزااف أسئلة متلا منين كتعرفو و علاش كدوي معاه و اش بينها و بينو جاه لفضول إعرف ما فاق من سهوتو غير على صوتها حنين و باين عليها طالبة حاجتها
إيمان: حبيبي عمران
عمران شاف فيها بنص عين : اممم
إيمان: نخرجو
عمران بصدمة: دباااا
إيمان بنفي: لااا تال لعشية
عمران هبط راسو كيلعب فشعر صفاء لي كتلعب بتيلي ديالو: تا نشوف
إيمان ضارت عند بدر: اتمشي معانا تانت ياك
بدر شاف فيها : معرفتش حيت كنتسنى ففراح خصني ندوي معاها
إيمان فهماتو و عرفاتو ندمان غير من عينيه لي فيهم لحزن و بلا متحس شدات ليه فليدو: ماتخافش راه اتجي و تخرج معانا تاهي و ديك ساعة دوي معاها  صافي
بدر هبط عينو ليديها و عاود شاف فيها: تانشوفها إلى بغات
إيمان: ياس اكيد اتبغي و نخرجو بربعة
نقز سعد: وانا متعرضيش عليا
إيمان ضحكات تا بانت لغمازة لفحنكها ليمن: اويلي نت راك حبقلبي الى مخرجتيش منخرجش انا اصلا
سعد بدا كيضحك: ايه صبغيني صبغي هههه
إيمان دارت راسها مصدومة: ااانا بالعما
سعد : صافي تقت ابلا متمتلي
ضحكات و رجعات تلعب فتيلي ديالها و تا بدر  نفس شئ و عمران ملاهي مع صفاء لي لسقات عليه لصقة وحدة و سعد لي كيتفرج فتلفازة او بالأحرى ساهي فتلفازة