قصة بالدارجة المغربية🌹تحت عنوان🌹:#مصير عاشقين🔞

💞📝 بارت 87 📝💞

خلاتو عاقد غوباشتو محملش لبلان و مبغاهاش تنخلو اش فيها الى خلاها دارتو مي مابغاش عويناتها كيفتنو بلا والو اي واحد كيبقى ساهي فيهم ببراءة لي فيهم بقا ليها غير قلم لا مستحيل إخليها ديرو مي هما غادين ابوحدهم ماكاين لي يشوفها ولكن كاين أدم و يوسف و عمر مستحيل يخليهم إيشوفوها غير دبا و شوف كي بانت كتفتن بلا ميكاب وافقها لحمل عساك دير شي لعيبة فوجهها
هدشي كلو دار فدماغو و هو كيفكر فلخر تنهد بانت ليه خاشية راسها فتلاجة هزات لفريز عوتاني و بدات كتبنن و تاكول و واخا حسات بيه ماضارتش عندو سمعات لباب كيدق و بلا متسوق مشات حلات بانت ليها أحلام لابسة تاهي قفطان ديال جوهرة بيض و مخدوم بصفر و فيه حجرات جاها واعر مع طايتها مع صباط ديال طالون و ميكاب خفيف و شعرها خلاتو مطلوق
أحلام بإبتسامة: ياله راه واجدين
فراح بإبتسامة مخبية لحزن: واخا انقولها لسيف الدين
أحلام شدات ليها فليدها: مالكي كتباني ماشي تال لهيه
فراح عينيها غرغرو: والو
أحلام وسعات عينيها: اويلي مالكي اش واقع
فراح شافت فيها بحال شي درية صغيرة: مخلانيش ندير لقلم لعينيا شوفي كيف كنبان صفرة
أحلام بدات كتحقق فعينيها: والله اختي تا نتحابك غير دايراه راه عويناتك بلا قلم زوينين
فراح حركات راسها بنفي: كتكدبي
أحلام بتاسمات: و الله منكدب عليك اصلا فنظارك علاش مبغاكش ديري لقلم
فراح هزات كتافها: ماعرت ليه كتجيه لحالة مرة مرة
أحلام ضحكات: لا ألهبيلة راه مع عينيك واااعرين بلا قلم ملي اتزيدي ديريه اتولي كتفتني اي واحد اوى هادشي لي مابغاش هو ايصدق قاتل شي حد فهمتي
فراح شافت فيه و كتمسح دمعة من عينيها: بصح
أحلام ضربات ليها على راسها: و الله ياختي لحمل هبلك وليتي غير كدمعي
ياله اتجاوبها تا سمعاتو غوت
سيف الدين بعصبية: وعام و نتي فلباب
هو كان كيشوفها عاطياه بضهر معجبوش لحال إيشوفها كتجاهلو جنونو طلعو بقا كيتسنى فيه شحال مي تعصب لقاها ممسوقاش

سمعاتو قفزات حلات لباب و بانت منو أحلام ضارت لعندو و نطقات بلا متشوف فيه مقلقة منو و صافي واخا لهضرة لي قالت ليها احلام كينة مي جات على بالها تقلق منو و صافي قالها ليها راسها (أتصدقي جايباها أف عظامك)
فراح: غنهبط مع أحلام تا تبعنا
و ياله اتمشي تجيب ساكها تا سمعاتو نطق و من نبرة ديالو عرفات طرح ماغاديش إخرج على خير
سيف الدين بعصبية: أحلام قود*ي هاحنا تابعينك
أحلام معوداتهاش معاه سدات لباب و هبطات مع دروج
سيف الدين شاف ففراح مخنزر نطق بعصبية: اجي لهنا
فراح متحركاتش بقات غير كتفرك فليديها و تعض فشفايفها بتوتر شافها متحركاتش عاود غوت صاعر كتر من قبل
سيف الدين: قلت لمك اجيي
فراح ديك ساعة مشات لجيهتو و وقفات مهبطة راسها شدها من خصرها مقربها ليه و طلع ليها راسها و هو عقدهم
سيف الدين: مال مك على هاد نخال اش كين
فراح مجوباتوش زاد تعصب و نطق: واكندوي معاك
فراح حدرات راسها شافها هكاك و طلق منها و مشا جلس و جلسها فوق منو على ركابيه و نطق
سيف الدين: باغا غير لعب لعبو و بربي لا خرجنا و لا مشينا لهاد لخطبة تا وقت ما قلتي اش واقع
اه دازو يوماين و ليوم الأربعاء خطبة ديال إسراء و أدم لي اخيرا جا هاد نهار بالنسبة ليهم كيشوفو راسهم قريب يتجمعو
فراح وسعات عينيها بصدمة حيت عارفاه إديرها : ااا
شافتو مامسوقش و تيلي ديالها بدا كيصوني لقات أحلام عرفو راسهم تعطلو شافت فيه و نطقات
فراح: عافااك ياله راه مشا لحال
سيف الدين شاف فيها بلامبالاة و نطق: بغيتينا نتحركو قولي اش واقع
فراح تأفأفات ديك ساعة خبطها بشوية على فمها و نطق: متأفأفيش عليا افراح
فراح عينيها تغرغرو شافت فيه و نطقات: حرااام عليك علاش كدير ليا هكا
سيف الدين فك غوباشة ملي شاف دموعها ولا هادشي لي مكيبغيش حط ليديه كيمسح ليها دموعها و نطق: اش درت
فراح هزات ليديها و بدات كتعبر :واش كيعجبك لحال يكون كولشي مقاد و زوين و انا لا بغيتيهم إضحكو عليا ياكا
سيف الدين بقا غير كيشوف واش من نيتها نطق بحب و حنان : راه مكرهتش كون بصح كنتي خايبة كون بيخير ولكن راه لعكس راه اي حاجة فيك كتفتن راه كنحقد ملي كنشوفك زوينة و كنتفكر راه گاع رجال غيشوفوك زوينة راه كنبغي نعور ديلمو لبشار كولو بغيتي ديري داكشي تانكون انا وياك و تعراي نتي گاع شكون حبسك، راه مغاداش تحسي بيا افراح
فراح بقات غير كتشوف تزنگات من هضرتو صراحة حرك فيها شي حاجة حيت تاهي ملي كتشوفو مقاد و مريح و خارج كيضرها قلبها إذن نفس شعور كيحس بيه بدات كتلعب بصباعها بتوتر و نطقات
فراح: و واخا نمشيو دبا
سيف الدين شاف فيها و نطق: باقا مقلقة مني
فراح حرات راسها بلا و هي حادرة راسها
هز ليها راسها مسح ليها دموعها و باسها بحنية فحنكها و نطق: متبقايش تبكي دموعك كيحرقوني هنا
حط ليديها على قلبو لي كان كيضرب ياله ادوي و هو يسمعو تيلي
سيف الدين هز تيلي ديالو و شابك ليديه مع ليديها و نطق: ياله قبل مايتيريو فينا
وقفو و جرها تمو هابطين بشوية على حساب فراح اما تا هي ممسوقاش باغا غير تهبط دغيا وصلو لتحت بانت ليها أحلام و أدم لي كان لابس تيشورط فلبيض و سروال كحل و سبرديلا كحلة
ادم بتوتر: لا ارحمبوكم غير زيدو تعطلو
وصلات ليه فراح و لعبات ليه فشعرو: ناري الأخ أيموت
محسات براسها تا تجرات
سيف الدين عقدهم: رجوع الله اشريفة
أدم ضحك و غفل سيف الدين تحنى عند فراح باسها فجبهتها و هرب للوطو ديالو خلا من موراه سيف الدين كيسب
سيف الدين: ابربي لا بقات فيك اولد لقحب*ة
أحلام ناوية تشعل عوافي قربات لباب و نطقات: اصلا راه هو موالف معاها هكا
هربات تاهيا و خلاتو كيتنفخ ابوحدو ديك ساعة ضار لعند فراح لي عرفات راسها وحلات ماليها فكاك و كتحلف عليهم من لداخل ديالها
فراح سرطات ريقها و نطقات بتوتر: مالك كتشوف فيا
سيف الدين جمع قبضة ليديه: كفاش مولف
فراح تمات راجعة بلور: لا راه غير كضحك
سيف الدين نطق من تحت سنانو: لكدوب افراح لا لكدوب لا
فراح بدات كترعد غمضات عينيها و رجعات نطقات: راه غير كيحسبني بحال ختو صافي و الله
سيف الدين جرها من ليديها بجهد تا تساطحات مع صدرو: كيبوسك فجبهتك
شافها سكتات و هو يغوت: وادوي
حركات فراح راسها بإيجاب عينيه حمارو و نطق: كيعنقك
فراح دازت دمعة من عينيها و نطقات بتوتر: عناق أخوي و الله
زير على ليديها و عينيه كيخرجو شرار ملي طاحت فبالو نطق و هو مزير على سنانو: كيبوسك فحناكك
فراح سرطات ريقها حالتو لا تبشر بخير عرفاتو يقتلها ليوم
سيف الدين شافها سكتات و هو يزيد يزير عليها: و نطقي الله إنعل طواسلك نطقي
فراح كتافات فقط باش تهز راسها بإيجاب هنا صافي مابقاش كيفكر و ياله ايهز ليدو عليها و غضب معمي على عينيها تا كيشوف فنادية واقفة قدامو و مبعداها عليه بعدما سمعات اش وقع بيناتهم