قصة بالدارجة المغربية🌹تحت عنوان🌹:#مصير عاشقين🔞

💞📝 بارت 99📝💞

بقاو جالسين تا كيصوني يوسف لأحلام بعد ما قالت ليه راه سلاو جاوباتو و قال ليها راه أيجي ليهم أدم هو راه عندو شي بلان
خرجو لبنات و تماشاو غادين ناحية لوطو ديالو هو غير بانو ليه خرج ما شاف لا هاه لا هاه تماشا ناحية إسراء غفلها باسها حنكها تا تزنگو و ضار لعند فراح شد ليها وجهها و باسها فجبهتها هو اصلا كان قصدها مي غير خاف من معاملة لي كيعامل فراح تولي إسراء كتغير داكشي علاش سبقها هي ماباغيش مشاكيل بيناتهم
شاف فيها و نطق بإبتسامة: بصحتكم مي ها معامن كيجي لحمام
فراح تزنگات كتر ما هي مزنگة طالع معاها سر ديال لحمام
نطقات سارة بفقصة كانت ياله كتسرط ليها صدمة ديال يوسف تا زادتها صدمة ديال أدم قالت مع راسها واش هاد أخت دات هاد جمال
سارة: هي نت هو ديب
شاف فيها أدم طلعها و هبطها ماتسرطات ليه ماحملهاش و معرفش علاش تلفت لعند أحلام ملي سمعها نطقات
أحلام: لا ازين هدا هو خو ديب
أدم عنق فراح و نطق: لا بغات تقصد انا خو هاد لأخت فين كنعرف انا شي ذيب
نقزات عائشة بإبتسامة نطقات: الى كنتي خو فراح راه خاص تكون خويا تا انا حيت انا و فراح كتر من خوت
بتاسم ليها أدم و نطق: مرحبا علاش لا
أحلام شافت فأدم و نطقات : نت كفاش بلانك شفتك حاشيتيها لمراتك و لمرت خوك و انا لي ختك مخليني بلاكة
أدم ضحك و مشا لعندها عنكش ليها زيف لي دايرة و باسها : واناري حياني الله تا نشوف أحلام كتغير عليا
أحلام دفعاتو: مالقيت علامن نغير
أدم ضحك شد فإسراء و نطق: وزيدو قبل ما يبدا خونا إتعصب راه طالعة ليه لدماغ قال ليك ماشافهاش نهار كامل
فراح تزنگات هبطات راسها نطقات عائشة: يا ناري شوقتوني نشوف هاد سيف الدين لي كتدويو عليه من صباح
جراتها أحلام معنقاها: اصبري اختي دبا تشوفيه
مشاو ناحية لوطو ركبو غير هاد لمرة إسراء متفكاتش معاهم ركبات حدا راجلها و طلعو هما لور بعد ما أحلام علمات نادية راه جايين

وصلو لدرب غير وقفات لوطو بداو ضريب و لغنا و حالة كولشي ساق ليها لخبار راه جات من حمام هبطوها و هي مزنگة مخلطة ليها حشمة مع تزنيگة ديال لحمام دخلوها لدار و هنا تصدمات من كمية ناس لي فدار كانت دعوة مخلطة دخلات و هي متوترة (حيت كيما سبق و كنت قلت فراح من نوع لي ماكاتبغيش إختلاط بزااف مع ناس لغراب)
دخلوها لصالون جلسوها و حداها نادية كتخوي ليهم فلعاصير باش يبردو و هي فرحانة بمرت ولدها و علاش لا و هي جامعة زين و لحشمة و صواب و كولشي ،كان كولشي حضيها غير هي ها لي فرحان ها لي غاير منها ها لي حسدها و محملهاش ها لي مامسوقش اصلا جايباه غير ماكلة كان كولشي مخلط فهاد صالون جميع انواع عيالات
عائشة نغزات فراح و نطقات ليها فودنها: مبروك عليك راه عاود ليا سعد على فنيكيش
فراح تزنگات و نطقات: الله ابارك فيك و عقوبة ليك
عائشة: امين ياربي و تهلاي فصحتك اصحبتي
فراح بإبتسامة : ضروري
سكتو ملي شافوها داخلة متوترة و حالتها حالة جات ديريكت عند نادية لي كانت كدوي مع فاطمة
أحلام: ماما هانتي بربي و متجيبيها ليا دبا تا ندخول نهزها من وسطهم بربي لا عقلت على شي حد
نادية بإستغراب: بسم الله عليك علاش داوية ونتي داوية بحال شمكار لحومة
أحلام بتوتر: راه هضرة سيف الدين هادي قال ليك بغا فرااح و دبا ما سوقوش
فاطمة بتوتر: اويلي راه خاصها توجد راسها تمشي لكوافورة قبل ما تتعطل
أحلام هزات كتافها: ماسوقيش بغيتو شوهة اوى هي لا خليتو فراح تبقا جالسة هنا
ديك ساعة فراح وقفات : لا لا انا انخرج راه و الله تا يدخل
نادية تنهدات: و حوايجك ابنتي
فراح: راه مجموعين خاصني انطلع نجيبهم
أحلام جلسات فبلاصتها مرتاحة و نطقات: غير سيري نتي عندو راهوا فبيتي و ملي مجموع دكشي قولي ليا فين كين نطلع انا و لا ماما نجيبوه
فراح بإبتسامة: راه كاين فدار ديال أدم حيت خداتو من عندي إسراء و حطاتهم تماك مع دروج راك عارفة
نادية بإبتسامة: واخا ابنتي غير سيري و متعطليش
اومأت ليها فراح و خرجات
عائشة شافت فأحلام بتساؤل: دبا كون مخرجاتش عندو اش كان غيدير
أحلام شاف فيها ببرودة و نطقات: ماكان غايدير والو غير غيدخل و يخرجها هو و يقدر إحبسها و يجري على حزاق كامل و يهني راسو علاش حيت توحشها و نهار كامل مشافها بغيت نقول نص نهار ما شافهاش
عائشة حالا فمها: لهاد درجة
أحلام شافت فيها بجدية: و كتر گاع راه غير واحد نهار دخل لدار و ملقا تا حد هز صونا ليها لقا تيلي طافي صونا ليا قلت ليه راه حنا عند خالتي فاطمة ديك ساعة جا سلم و خرجها و خلانا حنا قلنا ليه خليها بلاتي تجلس معانا قال لينا و شكون اتجلس معايا انا راه نهار كلو و انا خدام و ماشايفهاش و دبا بغيتها خلانا گاع ألوان طيف دازو فوجهنا
عائشة ضحكات : ههه كملي والله بديت كنحبو
أحلام تقادات فلجلسة: اوى ختي هادشي بلا مندويو على نهار كيكون ماخدامش راه بربي لا حلمتي تشوفيها و اكفس ساعة عندك هي لا زعمتي و طلعتي عندهم و دقيتي عليها بربي تا دوزي 5 دقايق فجحيم كيقول ليك انا مع مرتي لاش جايين مصدعينا راه حرمها علينا ولينا كنشوفوها غير ملي كيكون خدام
عائشة: ماشي قوى شوية
أحلام بنفي: لا حيت راه سيد مهووس بيها لي حلات عليها فمها يجيبها ليها جاب الله جاها لوحم على شي حوايج موجودين و زيدي عليها ماكيبغيهاش تهز كاس من بلاصتو مفششها و نهار لخر ليك فحياتك هو لا زعمتي و قستيها و لا غوتي عليها راه يقتلك تخيلي معايا واحد نهار واحد خونا زعم و ضربها و ماكانش عارف راه مرتو حيت كون كان عارف راه ميتجرأش عرفتي اش دار ليه
عائشة كتفرنس ابوحدها : اش دار
أحلام ببرود: هرس ليه ليدي لحد الأن عمري شفتو فدرب
عائشة حطات ليديها على فمها: كضحكي ياك
أحلام: لا و الله تا هرسها ليه حيت ضربها
عائشة : ويلي و مشكاش بيه عند لبوليس
أحلام بنفي: لا مستحيل إشكي بيه و زائد يوسف زعما خطيبي بوليسي يضمس لقضية و زائد لبوليس ماكيزعموش يدخلو لدرب انفيوهم من وجود
عائشة بخوف: و كتقدري تخرجي مرتاحة
أحلام بفقصة: واش انا كنعاود ليك على خويا لي كيقولو ليه ذيب و بغيتيهم إيقيصوني اصلا ولاد درب ناس ديالهم محتارمينهم ملي كيبغيو إگريسيو ولا شي مطايفة كيبعدو على درب حيت عارفين هاد درب تاع ذيب فهمتي
عائشة غير حالة فمها: ياختي هادشي زين عندكم
أحلام : اه و نسيت ماقلتش ليك اهم حاجة
عائشة بإهتمام: و لي هي
أحلام: سيف الدين ملي كيكون معصب راه بحال لوحش متقربيش ليه والو و لكن غير تحطي قدامو فراح بدموعها كيتكالما و يولي هو يسكت فيها و ماشتيش راه باباه هو لخر ميخليهش إقيس فراح كيقول ليك انا لي نقيسها نتوما بعدو منها
عائشة : ناري ياختي هادشي زين خاصكم تقراو عليهم قرآن لا يشتت ليهم شي حد شمل غير بالعين
أحلام: تي بلا عين شحال من وحدة حاسداها و شحال من واحد حاسدو مي مكيقدروش إزعمو كولشي عارفها حريم تاع سيف الدين
عائشة حطات ليديها على حنكها كتشوف فلبنات كتار و شيكي: ياختي كولشي بغا يتفرگع الله إدوز هاد يامات على خير
أحلام ضارت شافت فين كتشوف: اميين

خرجات من صالون و هي حادرة راسها تا كتخرج فشي حد هزات راسها بان ليها أدم
أدم نطق بتساؤل: فين غادا
فراح : بغاني سيف الدين
أدم: ااه واخا سيري
بعدات منو و تماشات وصلات لبيت دخلات و سدات لباب بان ليها جالس فوق ناموسية مفرق رجليه و حاط عليهم ليديه لي مشابكين و حادر راسو

هز راسو ملي سمع لباب طلعها من رجليها تال راسها كانت لابسة جلابة فلباج و كتفرك ليديها بتوتر شاف فوجها كيبانو ليه حنيكاتها مزنگين و فمها منفوخ و حميمر(راه تخلطو عليها حمام و وصفات) بقا كيحقق مزيان وقف و تماشا لعندها وقف عليها هز ليديه حط صبعو على فمها حركو و بعد صبعو كيشوف فيه بان ليه صبعو نقي عرفها ما دايرة والو لفمها شاف ليها فعينيها لي كيلمعو و نطق
سيف الدين: بصحتك بان عليك سر ديال لحمام
فراح تزنگات و نطقات: الله إعطيك صحة احم تانت بصحتك
سيف الدين حط ليديه على خصرها و نطق: إعطيك صحة
بقا ساكت مدة كيشوف فيها كيفاش متوترة تا نطق: دايرة لفمك شي لعبة
فراح هزات عويناتها فيه و حركات راسها بنفي: لا و الله
سكتات و عودات نطقات: ولكن لبنات كانو جايبين شي وصفات و داروهم ليا
سيف الدين حرك راسو بإيجاب و نطق: و لي بدا كيتنادم معاه لحال و مابغاكش تباني لناس اش يدير
فراح وسعات عينيها على جهد و نطقات بتوتر: كضحك ياكا ماغاديش تحبس هاد لعرس
سيف الدين هز ليديه كيدوزها على حناكها و نطق: على نقدر ندير شي لعبة نتي ما باغاهاش ابنت ناس
فراح سكتات بقا مدة و هما هكاك تا نطق
سيف الدين : صافي دبا غير سيري راه إمكن غادي يديك أدم لعند كوافورة و ملي تسالي عيطي ليا انا انجيبك
مد ليها تيلي ديالها و كمل: هاكي تيلي ديالك و ماتقوييش افراااح من داك لويل كون جيتي عليا ماديري تا لعبة و راك واعرة
فراح شافت فيه: ورااه ماجاتش راع عرسي زعما
سيف الدين بحب: وداكشي علاش خليتك ديريه غير ماتقويش الله إرضي عليك
فراح : واخا احم علاش ماشي نت لي غادي دينا
سيف الدين باسها فحنكها و نطق: راه قالت ليك نادية وااالو خاصني نحسن خرجات ليا من جنب
فراح نطقات بلا ماتحس: اويلي اتحيد لحية
سيف الدين ضحك: هههه لا لا راه غير انقص منها مهم ياله سيري باش متعطليش
اومأت ليه كتسناه إحيد من قدامها هزاات عويناتها فيه تحنى باسها فشفايفها و بعد خرجات بانت ليها أحلام واقفة فلباب تماشات تا وقفات عليها
أحلام: ياله نمشيو راه تعطلنا
فراح اومأت ليها: ياله و لبنات فينهم
أحلام: راه برى دابا غنمشيو كلنا نتزاحمو نتراحمو فلوطو ديال أدم تا ملي نكونو جايين و غايجي هو و سيف الدين
اومأت ليها فراح و تماشاو خرجو و بداو عيالات كيطبلو و يغنيو تا ركبات و مشات هادي عادة عندهم كيسيفطو لعروسة بلغنا
وقفات لوطو و نزلو لبنات كلهم دخلو كانو ديجا واخدين موعد تلقاو ليهم لبنات و اول حاجة دارو ليهم هي لاصيغ كولشي دارها من غير عائشة وختها حيت دايرين ليزر
سلاو ليهم و بداو ليهم فشعر الا إسراء فضلات ماتعريهش بغات تال عرسها ولكن صيبات ليها واحد شدة واعرة ديال زيف

يتبع....✏️